Naʻe tohi ʻe ʻEletā D. Toti Kulisitofasoni ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē, “ʻOku kau ʻi hono manatuʻi ʻo e Fakamoʻuí ʻa hono manatua ʻEne Fakaleleí, ʻa ia ʻoku fakataipe ʻaki ʻa e maá mo e vaí ko e fakaʻilonga ʻo ʻEne mamahi mo pekiá. Kuo pau ke ʻoua ʻaupito naʻa ngalo ʻiate kitautolu ʻa e meʻa naʻá Ne fai maʻatautolú, he ka ne taʻe ʻoua ʻEne Fakaleleí mo e Toetuʻú, he ʻikai ha ʻuhinga ia ʻo e moʻuí. Ka koeʻuhí ko ʻEne Fakaleleí mo e Toetuʻú, ʻoku ʻi ai e ngaahi meʻa taʻengata mo fakalangi ʻoku lava ke fakahoko ʻi heʻetau moʻuí.” Vakai, “Ke Manatu Maʻu Ai Pē Kiate Ia,” peesi 20.