Komentaryo
Giganahan sa mga Poster
Ang Liahona kanunay nga makaikag kaayo! Tungod kay nagdapit kini kanato sa pagtampo sa daghan kaayong mga paagi, mas makapanghimatuod ako niini ug mas mibati nga kabahin niini. Ganahan ko sa mga poster. Ako kining gikwadro ug gisab-it kini sa akong opisina. Salamat sa tanan ninyong mga paningkamot.
Bertha Viola Rétiz Espino, Mexico
Mga Miyembro Nag-anam og Kadaghan
Kami, nga mga miyembro sa Abuakwa Branch sa Ghana, bag-o pa lang nga misaulog sa among usa ka tuig nga kasaulogan isip usa ka branch. Nagsugod kami uban sa 50 nga mitambong sa miting sa sakrament, ug karon kami adunay 128 na nga nagtambong. Gimahal namo ang among mga lider. Nagbasa ug nagtuon kami sa Liahona, nagpalit kami og sobrang mga kopya alang sa mga kinabig ug sa uban nga wala niini, ug ang gidaghanon sa among miyembro nagkadugang matag adlaw. Kami nasayud nga ang Basahon ni Mormon tinuod.
Christopher Pidoal, Ghana
Usa ka Angkla sa Unuson nga Dagat
Hilabihan ako ka mapasalamaton nga nakabaton og Liahona sa akong panimalay! Usa kini ka tinubdan sa gahum. Usa ka adlaw niana sa dihang ang akong pangisip gisamok sa mahugaw nga mga hunahuna, gipaunlod nako ang akong kaugalingon sa pagbasa og Liahona, ug kadtong mga hunahuna mibiya kanako. Ang Liahona nakatabang kanako nga malimpyohan ang akong mga hunahuna ug nagsilbing usa ka angkla alang sa kaluwasan diha sa unuson nga dagat.
Victorino F. Dela Cruz Jr., Philippines