2011
Sa unsa nga paagi nga ang ebanghelyo makatabang nako nga magmalipayon?
Marso 2011


Linain nga Saksi

Sa unsa nga paagi nga ang ebanghelyo makatabang nako nga magmalipayon?

Si Elder David A.. Bednar sa Korum sa Napulog Duha ka mga Apostoles nagpakigbahin og pipila ka mga hunahuna mahitungod niini nga hilisgutan.

Imahe
Elder David A. Bednar

Ang tinubdan ug hinungdan sa tinuod nga kalipay mao ang kamatuoran sa ebanghelyo ug pagkamasulundon sa mahangturong balaod.

Ang plano sa kalipay sa Langitnong Amahan gihimo aron sa paghatag og direksyon alang sa Iyang mga anak, sa pagtabang nila nga magmalipayon, ug sa pagdala nila og balik ngadto Kaniya.

Niini nga kinabuhi kita makasinati og kalumo, gugma, kamabination, kalipay, kasubo, kahigawad, kasakit, ug bisan pisikal nga mga limitasyon sa mga paagi nga makapaandam nato sa pagpuyo pag-usab uban sa atong Amahan sa Langit. Adunay mga leksyon nga kinahanglan nga atong makat-unan ug mga kasinatian nga atong masinati dinhi sa yuta.

Nakahibalo kamo unsa ang husto ug unsa ang sayop, ug kamo adunay responsibilidad sa pagkat-on alang sa inyong kaugalingon “pinaagi sa pagtuon ug usab pinaagi sa hugot nga pagtuo” (D&P 88:118) ang mga butang nga inyong buhaton ug ang dili buhaton.

Ang pagkamasulundon sa mga baruganan sa ebanghelyo makadapit sa kanunay nga pagpakig-uban sa Espiritu Santo. Ang Espiritu Santo makatabang nato nga makahibalo, makasabut, ug sa pagpuyo sa mga pagtulun-an ni Jesukristo.

Alang sa inyong kalipay ug proteksyon, ako modapit ninyo sa pagtuon ug sa pagpuyo nga makugihon sa ebanghelyo sa Manluluwas. Dili lamang kita mopuyo sa ebanghelyo, apan kita kinahanglan nga magmahal sa pagpuyo sa ebanghelyo. Kon atong buhaton, makadawat kita sa dili maihap nga mga panalangin, mas dako nga kalig-on, ug tinuod nga kalipay,

Gikan sa usa ka pakigpulong sa debosyonal nga gihatag didto sa Brigham Young University–Idaho sa miaging Ago. 23, 2002.

Mga Paghulagway pinaagi ni Bryan Beach