Ewi wāween an Tampeļ eo jipan̄ An Tampeļ Eo Jipañ
Kajjojo jinen im jemen ejeļā bwe kaajiriri ajri ej bōktok idajoñjoñ im kōjeraam̧m̧an ko kar jab kōtmeni. Ļeo pālleō im ña kar lo bwe ñe jej watōke kōļmenļo̧kjen kōn indeeo eo an eddo an jinen im jemen, jej eñjaake juōn eddo eo eļap an eddo ippān ļo̧k kōjatdikdik.
Aet, Irooj em̧ōj an letok jinōkjeej ko an jetōb ñan kōmraik eddodo ko ad. Ñan Baam̧le eo ad, jino̧kjeej ko reļļaptata ej kōn wōt kar etal ñan m̧weo im̧ōn Irooj ñan bōk An jipañ āinwōt an ajri ro nejim kar rūttoļo̧k im mour eaar abañ ļo̧k. Kōm ar lo bwe kōm maroñ bōk kajjojo inepata ko ñan Irooj ilo tampeļ an.
Ilo an ajri fo nejim erom̧ jodikdik ro kōm ar kūle epād ibbeir maroñ eo ñan kōm̧m̧ani bōd ko reļļap. Bōlen kūle eo ekamijak tata kar bwe em̧ōj am kōjerbal aolep ko kōm kar jeļļā wāwein kōm̧m̧ani. ak kōkaļļe in kauwōttata ko rej eppāpe imaam.
Innām kōm ar lo bwe kabuñ ilo tampeļ emaroñ juōn men eo eļap an aurōk ilo kijejeto ko ñan jipañ ajri ro nejid kālet jim̧we eo. Kōm ar lo eļap kajoor im kōjeram̧m̧an jān pād tampeļ eo ilo jitbōn jitlo̧k im jar kōn ajri ro nejim. Kōmij jar ñan juōn eñjaak in make kōpooj kōm, ñan ļōm̧ņak ko rekkar im m̧wil ko motka ñan deļo̧ñ ilo tampeļ. Ñe ekkar, ko̧ļmenļo̧kjen ko am ilo am bed iloan tampeļ eo rej kōn eddo ko am āinwōt ro jinen im jemen im kōn aikuj ko ajri eņ kūle kaki.
Jet iien uwaak ko re mōkaj im alikar aer itok. Eo jinion an waļo̧ktok, kōm ar bōlen watōke ej juōn jūrrillo̧k. Bōtaab ejab etto eaar alikar bwe m̧ool kōm kar pād ilo juōn wāwein me eaar bōk laļ tak kōjeraam̧m̧an ko an lañ.
Uwaak ko jet iien raar itok ilo wāwein eo an armej ro me rej jelōt mour ko an ajri ro nejim, Ainwōt juōn bisop eo im ej obōrak kōn iakwe eaar jipañ jiroñ eo nejim eo dettan iiō in kaļej kōn juōn jorrāān epen. Ajri ro jet nejim einļo̧k wōt aer kar bar kōjeraam̧m̧an. Kajjojo ewōr aer make anemkwōj in kālet, im remaroñ in kālet in jab ilo wāwein eo kōmij kōjatdikdik kake, ak jerbal ilo tampeļ eo eaar bōktok jipañ an lañ ilo mour ko an ajri ro nejim.
Jipañ ko am jān kabuñ ilo tampeļ eo em̧ōj an ļe ilikin kōjeraam̧m̧an e ajri ro nejim. Ilo juōn iien, ļeo pāleō eaar jelm̧ae juōn inepata jān jikkin jerbal elukkuun kapokpok joñan eaar pepe ñan bōk ñan tampeļ eo. Ilo raan ņe, Irooj E ar kōjeraam̧m̧an e kōn im̧ōk eo bwe juōn ioon eaar uwaak eo ñan kajitōk eo an.
Ke ej itaak tok m̧weo, eaar kōkairir wōt in kebeļļo̧k jeje ko rekwojarjar im, ñan m̧ōņōņō eo an, eaar lo jipañ ñan inepata eo an. Minene in eaar kebeļļo̧ke juōn likio in jerbal kāāl an jeje ko rekwojarjar. Irooj emaroñ kōnono ñan ajri ro Nejin ilo kamemej kōj kōn jeje ko rekwojarjar me repād uwaak ko ñan idajoñjoñ ko ad. Jej m̧ōņōņō kōn bedbed in katak in jaar katak ilo tampeļ eo.
Ilo laļ in ijo nana ej pād im ijo Jetan em̧ōj an kōtļo̧k kajoor ko an ñan kakkure m̧ōkko, ej menin kōjea ñan jeļā bwe jemaroñ etal ñan m̧weo im̧ōn Irooj im bōk tōl. Jekdoon ta idajoñjoñ ko jej jelm̧ae āinwōt ad kea kōn baam̧le ko ad, jej lo lañlōñ ñe jej bōk kōjparok im kōjea eo ilo tampeļ eo.