Bagong Pormat Tumutulong sa Kababaihan na Pagbutihin ang Kanilang Tungkulin Bilang mga Visiting Teacher

Sa Hulyo 2010, ang mga kapatid sa Relief Society at ang mga may suskrisyon sa mga magasing Liahona at Ensign ay may makikitang pagbabago sa dating pormat ng Mensahe sa Visiting Teaching.

“Nais naming maunawaan ng bawat visiting teacher na ang visiting teaching ay tawag mula sa Panginoon at tanggapin ang iniatas sa kanyang tungkulin na mahalin, paglingkuran, at turuan ang isa pang kapatid habang isinasaisip ito,” sabi ni Julie B. Beck, Relief Society general president.

Ang bagong pormat ng mensahe ay tutulong sa kababaihan na maunawaan ang layunin ng Relief Society, magtuturo ng mga alituntuning tutulong sa mga kapatid na babae na ipamuhay ang layunin, maglalaan ng pananaw ukol sa kasaysayan, at magmumungkahi kung paano mas mabisang mapangangalagaan at mapalalakas ang iba pang kababaihan.

“Ang Mensahe sa Visiting Teaching ay isang kasangkapan sa mga kamay ng isang visiting teacher. Habang pinag-aaralan niya ang mga mensahe at iniisip ang kababaihan, malalaman niya kung ano ang ibabahagi sa kanila at gagawin para sa kanila,” sabi ni Sister Beck.

Nasa kasunod na pahina ang isang halimbawa ng bagong Mensahe sa Visiting Teaching, na may mga paliwanag tungkol sa mga bagong katangian nito.

Mga Tagubilin

Mga Layunin ng Relief Society

Mensahe

Tanong sa Paglilingkod

Tanong sa Pagsasagawa

Mula sa Ating Kasaysayan

Mula sa mga Banal na Kasulatan

Karagdagang Impormasyon

Ang mga tagubilin ay tumutulong sa mga visiting teacher na malaman kung paano ituturo at ipamumuhay ang mensahe.

Idinagdag ang mga layunin ng Relief Society upang ipaalala sa kababaihan ang mga responsibilidad ng Relief Society: pag-ibayuhin ang pananampalataya at kabutihan, palakasin ang mga pamilya at tahanan, at hanapin at tulungan ang mga nangangailangan.

Ang pinaka-mensahe ay magbibigay ngayon ng partikular at napapanahong payo na galing mismo sa Relief Society general presidency.

Ang layunin ng tanong na ito ay tulungan ang mga visiting teacher na kumilos batay sa inspirasyon upang mas mabuting mapaglingkuran ang mga kapatid na kanilang tinuturuan.

Ang tanong na ito ay para sa agarang pagkilos sa panig ng bawat kapatid sa Relief Society at tulungan siyang ipamuhay ang mensahe.

Sa pagbabasa ng marangal na pamana ng Relief Society, ang mga kapatid na babae ay magkakaroon ng inspirasyon mula sa samahan na umiral noon pa sa Simbahan at sa kasalukuyang programa ng Relief Society. “Nabibigyang-inspirasyon tayo ng kanilang mga sakripisyo at hangaring maging bahagi ng pagtatayo ng kaharian ng Panginoon sa panahon ng ating paglilingkod,” sabi ni Sister Beck.

Ang mga reperensyang ito ng banal na kasulatan ay tutulong upang mapag-igi ang pag-aaral, pagtuturo, at personal na pagsasagawa ng mensahe.

Ang kaukulang mga link sa iba pang mga mapagkukunan ay matatagpuan sa Relief Society Web page, reliefsociety.lds.org.