Ļo̧mņak ko Kōn NUKIN IN JOTA EO

Ļōmņak kein kōn kilen katakin remaron̄ in jerbal ilo kilaajruum̧ barāinwōt ilo m̧ōko. Kom̧aron̄ teiļaiki kōl kein n̄an baam̧le eo ak kilaaj eo am̧.

“Ta meļeļein Pinmuur eo n̄an kwe?” p. 14: Kūr ro uwaan baam̧le eo n̄an jake aolep men ko rōjeļā kōn Nipai. Kajjitōk etke rej ļōmņak eaar m̧ōņōņō jekdo̧o̧n n̄e eaar iioon māllijon̄ ko reppen (lale 2 Nipai 5:27). Kōmeļeļeik mōttan in ilo tukadu in. “M̧ōņōņō ilo Pinmuur eo” Kōmeļeļe ekōjkan an Nipai kar jerbale inepata ko an im ewi waween aer maron̄ jerbal n̄an baamļe eo am̧. Kōjem̧lo̧k kōn riiti pārokūrāāp ko ruo āliktata ilo bwebwenato in.

“Katak im Armej ro Rōkwojarjar ilo Raan Kein Āliktata,” p. 26: M̧okta lo̧k, riiti bwebwenato eo im kālōt pārokūrāāp ko me renaaj ļap tata meļeļeier n̄an baamļe eo am. Kajjitikin ro uwaan baamļe eo n̄an riiti pārokūrāp ko kar kālōti im kōnono kōn ta eo em̧ōj aer riiti. Kōjemļo̧ke kōn riiti pārokūrāāp ko ruo āliktata ilo bwebwenato eo.

“Kallim̧ur ko an juon Rikanaan,” p. J6: Ālikin riiti bwebwenato eo, Kōmman bwe ro uwaan baamļe eo ren kōpello̧ke bok in jeje ko rōkwojarjar aer im kajiōn̄ riti juon eon ilo an oktak im jitlal lōk. Kōnono kōn wāween an riiti jeje ko rōkwojarjar aolep iien maron̄ kōjeram̧m̧an kajjojo ro uwaan baamļe eo. Bar riiti kallim̧ur eo letok jān būreejtōn Ezra Taft Benson (lale jinoin bwebwenato eo), im door juon kōttōpar n̄an wōnm̧aanlo̧k im riiti jeje ko rōkwojarjar ippān doon aolep iien.

“Kijoror in Katak,” p. J12: Kūr ajri ro n̄an aer kajjojo bōk koņaer ilo m̧akūtkūt ko n̄an kwaļo̧k ilo aer jab kōnono, im ro jet rej kajjidede ta eo. Kōnono kōn ta ko uwaan baamļe eo renaaj aikuji n̄an katak bwe ren maron̄ jerbal ilo jeļā in. Riiti bwebwenato eo. Jeļā men ko Russell eaar aikuji n̄an jeļā m̧okta jān an maron̄ katak kōn mennin mour ikkilep ko. Kōjem̧ļo̧k kōn riiti Doctrine and Covenants 88:118.