Menin Letok eo kōn Riit im Jeje
Rito tata eo nejjim emman āokwe kinderkarten im emman an katak ilo jikuul. Ilo kilaj juōn, āinwōt, ealikkar n̄an kōm ke ekar jab riit. Ej riit jet naan ko ijin im ijnōn ak ej kakkōt kake jerbal in riit eo an. Allōn̄ ko rellā, im leo n̄ejjim an kabeel in riit erumwij an wōnmaanļo̧k. Leo ippa im n̄a kōm kar jino lōmnak kake.
Juōn raan Ikar kememej juōn men mijen būreejtōn eo aō ekar katakin kake iiō ko moktaļo̧k. Ikar kūr n̄an juōn mijen me rej kōnono ilo kajin ko jet. Katak kajin Roojjia ekar juōn pinitto ilo kajjojo mwen̄ōn ko ilo kajjojo mijen, im mijen būreejtōn eo am ekar kipe kōm n̄an riiti Bok im Mormon ilo Roojjia aōlep raan. Ekar kallimuri kōm bwe kajoor eo an Bok in Mormon enaaj kar jipan̄ kōm ilo am maron̄ im kōnono kajin Roojjia. Ekar jimwe. Ilo iien ikar emmanļo̧k ilo jimor kōnono im melele kajin eo, im aō kamool ekar eddōkļo̧k.
IIō ko ālkin mijen eo aō, ikar lōmnak ippa make, “Elan̄e ekar jerbal n̄an n̄a ilo kajin Roojia, etke epan maron̄ in jerbal n̄an leo n̄ejjū ilo kajim In̄lij?” Kōm kar jiron̄ ladik eo n̄ejjim kake kar aō kakkōt katak kajin Rojjia im kipel eo an mijen būreejtōn aō, kemro leo ippa kar kipel e n̄an riiti Bok im Mormon ilo iien ko an make aōlep raan. Ekar joļo̧k an iien n̄an kakkolleik naan kein Anij im Irooj āinwōt an loi ilo peij ko. Ejjab etto ekar emmakit maanļo̧k n̄an Jesus. Ālkin an keleti naan ko ekar loi im kajjitok ta kein. Ekar nūknūk ilo an riit raan otemjej, im jen an jemļo̧k iio eo an riit ekar ellā ioon ta eo kom kar jab kotman̄e bwe enaaj kar kōm̧m̧an̄e.
Kiiō ladik eo n̄ejjim ej pād ilo kilaj jiljino. Ej juōn rūriit eo ejej uwaan im jipan̄ katakin lalem ro jatin kake menin letok eo ekar bōk ilo riiti Bok in Mormon. Kajjojo ajri ro nejjim ej ejaake kajoor in kabeel ko im iminene in riiti Bok in Mormon. Rej jino en̄jaake kajoor in jetob eo kōn mool ilo an naan in kamool ko aer eddokļo̧k.