Հաղթել չարի դեմ պատերազմում
Ձեզ վստահվել է այս վերջին օրերին երկիր գալ՝ կրկին անելու այն, ինչ արեցիք, այսինքն՝ կրկին ընտրել բարին, ոչ թե չարը:
Այս երեկո ես խոսում են Ահարոնյան Քահանայության իմ եղբայրների հետ: Իմ ցանկությունն է օգնել ձեզ ավելի խորը գնահատել այն, թե ով եք դուք, որն է ձեր կյանքի նպատակը, և ինչպես դուք կարող եք հաջողությամբ հասնել այդ նպատակին:
Դուք աշխարհ եք եկել առավել նշանակալից ժամանակ: Մենք մտնում ենք մեծ պատերազմի վերջին փուլերը: Այս պատերազմը սկսվեց աշխարհի հիմնումից առաջ և սաստիկ հետևանքներով շարունակվում էր աշխարհի ողջ պատմության ընթացքում: Ես խոսում եմ Քրիստոսի հետևորդների և որպես իրենց Աստված բոլոր Նրան մերժողների միջև պատերազմի մասին: 1
Հովհաննես Հայտնիչը այս պատերազմի մասին գրել է.
«Եվ պատերազմ եղավ երկնքումը. Միքայելը և նորա հրեշտակները պատերազմեցին վիշապի դեմ. և պատերազմեց վիշապը և իր զորքերը.
«Եվ չկարողացան դեմ կենալ, և ոչ էլ տեղ գտնվեցավ նորանց համար երկնքումը:
«Եվ վայր գցվեցավ մեծ վիշապը` այն առաջի օձը, որ Բանսարկու և սատանա է կոչվում, այն բովանդակ աշխարհքը մոլորեցնողը վայր գցվեցավ երկրի վերայ և իր հրեշտակներն էլ իրան հետ վայր գցվեցան»:2
Դա Սատանան էր, որ դրդեց այս նախաերկրային պատերազմը: Նա դա արեց մեր Երկնային Հոր փրկության ծրագրի դեմ ըմբոստանալով և մերժելով Քրիստոսին, ում հանձնարարվեց իրականացնել ծրագիրը: Դժբախտաբար, մեր Հոր զավակների երրորդ մասը հետևեց Սատանային:3 Սակայն երկու-երրորդը չհետևեցին: Դուք, իմ երիտասարդ ընկերներ, նրանց շարքում էիք, և նրանց հետ միասին եկաք երկիր Հոր երջանկության ծրագիրն ի կատար ածելու:
Դժբախտաբար, Սատանայի պատերազմը չավարտվեց երկնքից իր վտարումից հետո: Ինչպես նկարագրում է Հովհաննեսը, Սատանան և նրա հետևորդները «վայր գցվեցան երկրի վերայ»4 և եկան այստեղ մեծ բարկությամբ»:5 Նրանց բարկության ապացույցը կարելի է տեսնել ժամանակների սկզբից մարդկանց տանջող արյան և ահաբեկչության մեջ:
Մարդկանց վերքերը այնքան խորն ու ցավոտ են, որ անգամ Աստվածն է լալիս, տեսնելով մարդկանց վիճակը:6
Այժմ մենք գտնվում ենք երկրային այս պատմության վերջին օրերում: Գալիք օրը, մեր Հոր Որդին կվերադառնա երկիր, որտեղ մերժվեց, և կհայտարարի այն Իրենը:7 Այդ օրը Նա կտապալի Սատանային և նրա զորքը, և կհաստատի խաղաղության ու արդարակեցության հազար տարի:8 Այդ օրվանը պատրաստվելով Աստված վերջին օրերին երկրի վրա վերականգնեց Իր արքայությունը: Այդ արքայությունը Հիսուս Քրիստոսի Վերջին Օրերի Սրբերի Եկեղեցին է:9
Թեև Աստծո արքայությունը հիմնադրվել է երկրի վրա անցյալում, մարդիկ, ում վստահվել էր նախկինում արքայությունը, չկարողացան այն պահել: Ինչևէ, այս այնգամ տարբեր է: Մարգարեական խոստումն ասում է, որ այս անգամ Աստծո արքայությունը չի կորցվի, այլ կհաղթի աշխարհին: 10
Վերջնական հաջողություն ապահովելու համար Աստծո արքայության վերջնական վերականգնումը սկսվեց աննախադեպ հոգևոր զորությամբ,11 և աջակցվում է այդ նույն հոգևոր զորությամբ և ավելին ինչ-որ բանով: Այս վերջին օրերի առաջ գալու և մեր Հոր ու Նրա Որդու համար աշխատելու նպատակով պահվածները մեր Հոր առավել խիզախ և ազնվաբարո որդիներից և դուստրերից են: Նրանց խիզախությունն ու ազնվաբարոյությունը դրսևորվել են Սատանայի դեմ մղած նախաերկրային պայքարում: Այնտեղ, «թողնված լինելով [ընտրելու] բարին կամ չարը», նրանք «ընտրեցին բարին » և դրսևորեցին «անչափ մեծ հավատք» և «բարի գործեր»:12 Այդպիսին են այն հատկանիշները, որ այսօր պահանջվում են երկրի վրա Աստծո աշխատանքը պահելու և թշնամու ուժեղացող զայրույթից մյարդկանց հոգիները փրկելու համար:
Այժմ, Ահարոնյան Քահանայության իմ երիտասարդ ընկերներ, դուք եք մեր Հոր այդ խիզախ ու ազնվաբարո որդիները: Դուք եք «Տիրոջ տան ամրությունը, Նրա զինվորները»:13 Դուք եք նրանք, ովքեր ընտրել են բարին, ոչ թե չարը, և ովքեր ցուցաբերել են չափազանց մեծ հավատք և «բարի գործեր»: Եվ ի շնորհիվ ձեր անձնական պատմության, ձեզ վստահվել է այս վերջին օրերին երկիր գալ՝ կրկին անելու այն, ինչ արեցիք, այսինքն՝ կրկին ընտրել բարին, ոչ թե չարը, գործածել մեծ հավատք և կատարել բարի գործեր, և անել դա հանուն երկրի վրա Աստծո արքայության և ձեր մերձավորների:
Քանի որ Աստծո արքայությունն վերականգվել է երկրի վրա և դուք մուտք եք գործել աշխարհ, Սատանան գիտի, որ ունի միայն «շատ կարճ ժամանակ»:14 Հետևաբար, Սատանան իր ունեցած ամեն մի միջոց օգտագործում է ձեզ մեղքի մեջ ներքաշելու համար: Նա գիտի, որ եթե կարողանա ձեզ մեղսագործության մեջ ներքաշել, նա կարող է խանգարել, որ դուք ծառայեք լիաժամկետ միսիայում, ամուսնանաք տաճարում և հավատքով ապահովեք ձեր երեխաների ապագան, այն ամենը, ինչ թուլացնում է ոչ միայն ձեզ, այլ նաև Եկեղեցին: Նա նաև գիտի, որ ոչինչ չի կարող հաղթել Աստծո արքայությունը, «բացի [իր] մարդկանց մեղսագործություններից:15 Սխալներ մի կատարեք, նրա պատերազմը կենտրոնացած է այժմ ձեզ վրա, ովքեր ցանկանում են «պահել Աստծո պատվիրանները և վկայություն ունենալ Հիսուս Քրիստոսի մասին»:16
Այժմ, իմ երիտասարդ ընկերներ, դուք պետք է հասկանաք, որ մեր այսօրվա օրերը և առջևում ընկած օրերը «վտանգավոր են»:17 Այս առումով, Նախագահ Բոյդ Կ. Փաքերը ասել է. «Եկեղեցու կամ աշխարհի պատմության մեջ ես չգիտեմ ոչինչ, ինչ կարելի է համեմատել մեր ներկա պայմանների հետ:
Սոդոմ և Գոմորում ոչ մի պատահած իր ամբարշտությամբ և անբարոյականությամբ չի գերազանցում այն, ինչ այսօր մեզ շրջապատում է»: 18
Մեր ներկա վտանգների մասին խոսելիս ես ցանկանում եմ ոչ թե վախ ներշնչել, այլ կոչ անել լրջության: Լուրջ լինել նշանակում է լինել ազնիվ և լուրջ ձեր իրավիճակը գնահատելիս, և զգուշավոր ու զգոն ձեր գործերի հետևանքները կշռադատելիս: Այսպիսով, լրջությունը հանգեցնում է լավ դատողության, ինչպես նաև չափավոր պահվածքի: Զարմանալի չէ, որ մարգարեները երիտասարդներին կոչ են անում լուրջ լինել:19 Հիշեք Մորմոնի խոսքերն այն մասին, որ Հելամանի 2,000 քաջ մարտիկներն այդքան հաջողակ եղան ճակատամարտում ոչ թե միայն իրենց խիզախության, ամրության և վհտահելիության, այլ իրենց «լրջամտության»20 շնորհիվ: Մորմոնը գնահատում էր այդ հատկանիշը, որովհետև օրհնված էր դրանով նույնպես: Մորմոնին վստահվեցին Նեփիացի ազգի սուրբ գրառումները 10 տարեկան հասակում, որովհետև նա «լրջմիտ երեխա էր» և «արագ էր ընկալում»:21 Եվ Մորմոնն էր, ում 15 տարեկանում «այցելեց Տերը» և «որը գիտեր Հիսուսի բարությունը», որովհետև նա «լրջմիտ էր խելքով»:22
Այսպիսով, մտնելով Սատանայի դեմ պատերազմի վերջին վճռական փուլը, եղե՛ք լրջախոհ, իմ երիտասարդ ընկերներ: Հասկացեք, որ դուք չեք կարող օգտագործել թմրանյութեր, ալկոհոլ կամ ծխախոտ: Դուք չեք կարող մասնակցել պոռնոգրաֆիայի կամ անբարոյական այլ գործունեության: Դուք չեք կարող ստել, խաբել, կամ գողանալ: Դուք չեք կարող օգտագործել կեղծ, նվաստացնող կամ կեղտոտ լեզու: Դուք չեք կարող աղճատել ձեր մարմինը դաճվածքներով և ծակելով: Դուք չեք կարող անել այս ամենը և միևնույն ժամանակ հաղթել ձեր հոգու համար մղված պատերազմում, էլ չասած, որ չեք կարող լինել խիզախ մարտիկ մեր Հոր մնացած բոլոր զավակների հոգիների համար մղված մեծ պայքարում:23
Հասկացեք, իմ երիտասարդ ընկերներ, կա միայն մեկ ճանապարհ Սատանայի դեմ պատերազմում հաղթելու համար, և հաղթելու համար, պետք է հաղթել այն նույն ձևով, ինչպես սկզբում: Երբ Երկնային Պատերազմում ի վերջո հաղթանակ տարվեց, հնչեց բարձր մի ձայն, որը հայտարարեց.
«Այժմ գալիս է փրկությունը, և ուժը, և մեր Աստծո արքայությունը, և նրա Քրիստոսի զորությունը; …
«Քանզի նրանք [այսինքն՝ Միքայելը ու նրա հրեշտակներըs] հաղթել են նրան [այսինքն՝ դևին] Գառան արյունով, և իրենց վկայության խոսքով, քանզի նրանք սիրում էին ոչ թե իրենց սեփական կյանքերը, այլ պահում էին վկայությունը անգամ մինչև մահ»:24 Մի անտեսեք այդ հայտարարության կարևորությունը: Սատանային սկզբում հաղթեցին (1) Տեր Հիսուս Քրիստոսի հանդեպ հավատքի ու Նրա քավող զոհաբերության միջոցով, (2) Նրա մասին վկայության միջոցով, որը մինչև վերջ հաստատուն պահվեց, և (3) Տիրոջը ու Նրա աշխատանքին նվիրվելու միջոցով: Եթե այսպես է պայքար մղվել նրա դեմ սկզբում, վստահ եղեք, որ նույն ձևով կարող եք պայքարել նրա դեմ այսօր: 25
Դուք կարող եք մտածել, թե ինչպես ձեռք բերել թշնամու դեմ պայքարելու համար անհրաժեշտ հավատք, վկայություն և նվիրվածություն: Թույլ տվեք ձեզ հավատացնել, որ այդ հատկանիշներն արդեն ձեր մեջ են: Դուք պարզապես պետք է բացահայտեք դրանք: Այդ նպատակով, թույլ տվեք երեք առաջարկություն անել:
Առաջինը, վարվեք այնպես, ինչպես երիտասարդ Ջոզեֆ Սմիթը: Գտեք խաղաղ տեղ և աղոթեք ձեր Երկնային Հորը: 26 Դա արեք կանոնավոր և եռանդուն ձևով: Աղոթքը հայտնության նախապայմանն է: Որքան կանոնավոր և եռանդուն լինի աղոթքը, այնքան հաճախ կլինի հայտնությունը: Հայտնությունը ապացույց կամ հավաստիացում է պարգևում չերևացող բաների մասին, ինչը հավատքի հիմքն է: 27
Երկրորդ, սովորեք լսել Տիրոջ ձայնը: Այն հանդարտ, ցածր և շշուկին նմանեցնող ձայն է: 28 Այն ավելի շուտ զգում են, քան լսում: Այն գալիս է մտքերի, զգացմունքների և տպավորությունների ձևով: Նման ձայն լսելու համար դուք պետք է լինեք հանդարտ և խաղաղ ձեր հոգում, մի կողմ դնելով ծիծաղի ավելցուկն ու թեթևամտությունը: 29 Թեև հեշտ չի թվում կյանքում նման կարգապահություն զարգացնելը, Տիրոջ թանկարժեք, սիրող ձայնը կօգնի ձեզ ցանկացած իրավիճակում, և դրա համար արժէ գործադրել ամեն մի ջանք:
Երրորդ, հնազանդվեք Տիրոջ խոսքին, ինչպես այն տրված է ձեզ: Նրա խոսքը ոչ միայն սիրող և մխիթարող ազդեցություն ունի, այլ նաև կայուն ուղեցույց է տալիս և ուղղումներ մտցնում: Արեք այնպես, ինչպես Նա ձեզ համոզում է, անկախ նրանից, թե որքան դժվար դա ձեզ կթվա, և արեք դա այժմ: Տիրոջ կամքը կատարելու միջոցով է, որ Նրա մասին գիտելիքը և Նրա հանդեպ հավատքը աճում է ձեր հոգում, ինչը ձեզ օգնում է ավելի պատրաստակամորեն մոռանալ ձեր սեփական կյանքի մասին և հետևել Նրան: 30
Ահարոնյան Քահանայության իմ սիրելի եղբայրներ, սրանք ձեր օրերն են: Մի վատնեք դրանք: Եղեք լրջախոհ: Վերցրեք «հավատքի վահանը», որպեսզի դիմակայեք ամբարիշտների կատաղի նետերին: 31 Ապա պայքարեք հավատքի բարի պատերազմում: 32 Եվ երբ դուք կանեք ամեն ինչ, մնացեք33 կայուն և «տեսեք Տիրոջ փրկությունը»:34 Ես ձեզ հավատացնում եմ, որ Նրա փրկությունը կգա, ազատելով ձեզ ամեն տեսակի չարիքից: Ես սա վկայում եմ Տեր Հիսուս Քրիստոսի անունով, ամեն: