Լրացուցիչ մտքեր միացյալ ժամի համար, 2008թ. հոկտեմբեր

Հետևյալը լրացուցիչ մտքեր են, որոնք Երեխաների Միության ղեկավարները կարող են օգտագործել 2008 թվականի հոկտեմբերի Լիահոնայում տպագրված Միացյալ Ժամի հետ: Դասի, հրահանգների և միջոցառման համար, որոնք համապատասխանում են այս մտքերի հետ, տես «Ես կլինեմ նրա ծառան» Ը4 և Ը5 այս թողարկման երեխաների բաժնում:

1. Նախքան միացյալ ժամը, ձեռք բերեք ներկա Առաջին Նախագահության և Տասներկու Առաքյալների Քվորումի անդամների նկարները: Դրեք դրանք գրատախտակին կամ սպիտակ տախտակի վրա: Պատրաստեք թղթի վրա գրված նրանց անունները և դրեք դրանք գրատախտակի մի կողմում:

   Սկսեք խնդրելով երեխաներին Առաջին Նախագահության և Տասներկու Առաքյալների Քվորումի անունները համապատասխանեցնել նրանց նկարների հետ: Օգնեք երեխաներին դնել նկարները նրանց կոչման և ավագության ճիշտ կարգով:

   Ամենավերջին գերագույն համաժողովից կամ Լիահոնայի մյուս թողարկումներից, ընտրեք Առաջին Նախագահության և Տասներկու Առաքյալների Քվորումի ելույթները, որոնք կենտրոնացած են ծառայության վրա: Կիսվեք այս ուղերձներով և քննարկեք ուղիներ, որոնցով երեխաները կարող են կիրառել այն, ինչ նրանք սովորել են՝ օգնելու նրանց, երբ նրանք ծառայեն ուրիշներին: Մեջբերեք Վարդապետություն և Ուխտեր 4.2 հիշեցնելու երեխաներին, որ մենք ծառայում ենք մեր սրտով, զորությամբ, մտքով և ուժով: Երգեք երգ կամ օրհներգ մարգարեների մասին: Վկայություն բերեք մարգարեներ, տեսանողներ և հայտնողներ ունենալու օրհնության մասին, ովքեր ուսուցանում են մեզ իրենց խոսքով և օրինակով, թե ինչպես ծառայենք մեկս մյուսին:

2. Գրեք ամենշաբաթյա ավետարանական սկզբունքը գրատախտակի վերևի մասում. «Քանի որ ուրիշները ծառայում են ինձ, ես նույնպես ուզում եմ ծառայել»: Հրավիրեք երեխաներին երգել երգեր՝ հայտնաբերելու, թե ով է ծառայում իրենց: Այնուհետև նրանց խնդրեք երգել երգեր կամ օրհներգեր Փրկչի, մարգարեների, ընտանիքների, ընկերների մասին և այլն: Քանի որ ուրիշները ծառայում են ինձ արտահայտության տակ գրեք այն անձանց, ում մասին նշվում է երգերում և օրհներգերում:

   Համեմատեք Վարդապետություն և Ուխտեր 4.2 և 59.5-ը: Օգնեք երեխաներին երկու հատվածում էլ գտնել սիրտ, զորություն, միտք բառերը: Նշեք, որ մենք պետք է սիրենք և ծառայենք Երկնային Հորը և ուրիշներին մեր սրտով, զորությամբ, մտքով և ուժով: Երեխաների համար նախապատրաստեք անհրաժեշտ նյութեր՝ պատրաստելու Ը4 էջում տրված նկարներով կախիչը:

   Երբ կախիչները պատրաստված կլինեն, հրավիրեք երեխաներին երգել երգեր՝ բացահայտելու ուղիներ, որոնցով նրանք կարող են ծառայել: Այնուհետև երգեք երգեր կամ օրհներգեր ծառայության մասին: Գրեք նրանց բացահայտած պատասխանները Ես նույնպես ուզում եմ ծառայել արտահայտության տակ: Բերեք վկայություն այն օրհնությունների մասին, որոնք գալիս են ուրիշներին ծառայելուց և ուրիշների կողմից, ովքեր ծառայում են ձեզ: