Երեց Ալան Ֆ. Փաքեր
Յոթանասունական
Երեց Ալան Ֆորեստ Փաքերը հիշում է, թե ինչպես 10 կամ 12 տարեկան հասակում զգում էր, որ չի ստանում իր աղոթքների պատասխանները: Մի օր, երբ աշխատում էր իր հոր` Բոյդ Կ. Փաքերի հետ, որն այժմ Տասներկու Առաքյալների Քվորումի Նախագահն է, երիտասարդ Ալանը արտահայտեց իր մտահոգությունը:
Հայրն իրեն ուսուցանեց մի անալոգիա, ասելով, որ օդաչուները միշտ չեն օգտագործում իրենց պարաշյուտները ամեն անգամ, երբ թռչում են, սակայն նրանք միշտ պարապում են, թե ինչպես դրանք օգտագործել: Նախագահ Փաքերը իր որդուն խրախուսեց շարունակել աղոթել, լինել համբերատար և հավատալ, որ անհրաժեշտության դեպքում նա կունենա պատասխանը:
«Այդ դասը ինձ օգնեց իմ վկայության ձևավորման վաղ շրջանում»,- ասում է Երեց Փաքերը, որը վերջերս կանչվել է Յոթանասունականների Առաջին Քվորում:
Երեց Փաքերը ծնվել է Բրիգամ Սիթի-ում, Յուտա, ԱՄՆ, 1948թ. հուլիսի 7-ին, Բոյդ Քենեթ և Դոննա Սմիթ Փաքերների ընտանիքում: Թեև նա և իր կինը` Թերի Բենեթ Փաքերը, երկուսն էլ բնիկ Յուտայից են, նրանք հանդիպել են Բոստոնում, Մասաչուսեթս, ԱՄՆ, երբ հաճախում էին բարձր դպրոց: Երեց Փաքերի Անդես Միսիայում և Կոլումբիա-Վենեսուելա Միսիայում ծառայելուց հետո, նա և Թերին ամուսնացան Սոլթ Լեյքի Տաճարում 1970թ. հունիսի 1-ին: Նրանք 8 զավակների ծնողներ են և ունեն 17 թոռ: Երեց Փաքերը ստացել է իր բակալավրի կոչումը էլեկտրոնային ճարտարագիտական տեխնոլոգիայի բնագավառում Բրիգամ Յանգ Համալսարանում: Նա աշխատել է բիզնեսում և ծառայել որպես մի քանի ընկերությունների փոխնախագահ:
Երեց Փաքերը ծառայել է նաև Եկեղեցու բազմաթիվ կոչումներում, ներառյալ եպիսկոպոսի, Սքաուտմաստերի, ցցի նախագահության խորհրդականի, Իսպանիա Մալագա Միսիայի նախագահի և Երիտասարդ Տղամարդկանց ընդհանուր խորհրդի անդամի կոչումներում:
«Ես գիտեմ, որ այդ աշխատանքը ճիշտ է,- ասում է Երեց Փաքերը,- Փրկիչը մեր Քավիչն է: Նա բացել է դուռը և հնարավորություն տվել մեզ վերադառնալ մեր Հոր մոտ: Ես պատիվ եմ համարում, որ կարող եմ օգնել Նրան անել Իր աշխատանքը»: