12-ամյա մի սարկավագ

Երեց Ջոն Մ. Մադսեն

Յոթանասունական

Որպես Աստծո որդիներ, մեզանից յուրաքանչյուրը կարող է իրականացնել մեր առաքելությունը և ճակատագիրը:

Elder John M. Madsen

Իմ սիրելի քահանայության եղբայրներ, սկսելով խոսքս կցանականայի ուղղել այն յուրաքանչյուր 12-ամյա սարկավագի, որը մասնակցում է գերագույն համաժողովի այս քահանայության նիստին: Որտեղ էլ, որ լինեք ես կկամենայի շնորհակալություն հայտնել ձեր ներկայության համար և ասել կամ հիշեցնել ձեզ այն փորձառության մասին, որ Նախագահ Գորդոն Բ. Հինքլին էր ունեցել, երբ նա ձեզ պես 12 տարեկան սարկավագ էր:

Նրա կենսագրությունից մենք կարդում ենք. «Սարկավագ կարգվելուց ոչ շատ անց, նա իր հոր հետ գնաց ցցի քահանայության առաջին ժողովին … . Նա մի քիչ լքված զգաց այնտեղ, երբ Տասներորդ ծխի ժողովատանը նստելու տեղ գտավ վերջին շարքում, մինչ նրա հայրը,(որը ծառայում էր ծխի նախագահությունում) զբաղեցրեց իր տեղը բեմի վրա: Ժողովը բացելու համար ներկա երեք կամ չորս հարյուր տղամարդիկ կանգնեցին և երգեցին Վիլյամ Վ. Ֆելփսի հաղթական օրհներգը… . «Գովք տանք մարդուն, որ տեսավ Եհովային: / Հիսուսի ձեռքով օծվեց Մարգարեն և Տեսանողը: / Օրհնված բացելու տնտեսությունը վերջին, /Գովելու են նրան թագավորներ և պատվելու են նրան ազգեր»:

Վերհիշելով այդ փորձառությունը՝ նախագահ Հինքլին ասաց. «Ինչ-որ բան պատահեց ներսումս, երբ լսեցի հավատքի այդ մարդկանց երգելիս: Այն հուզեց սիրտս: Այնպիսի զգացում ապրեցի, որ դժվար է նկարագրել: Ես զգացի հուզիչ մի մեծ ուժ՝ և՛ զգացմունքային, և՛ հոգևոր: Ես երբեք նախկինում որևէ Եկեղեցական փորձառության հետ կապված այդպիսի բան չէի զգացել: Սիրտս մի համոզմունք մտավ, որ այն մարդը, որի մասին նրանք երգում էին, իսկապես Աստծո մարգարեն էր: Այդ ժամանակ ես Սուրբ Հոգու զորությամբ իմացա, որ Ջոզեֆ Սմիթն իսկապես Աստծո մարգարե էր»:¹

Ճիշտ այնպես, ինչպես Նախագահ Հինքլիի ունեցած փորձառությունը, երբ 12 տարեկան սարկավագ էր, պիտի մնար «իր հիշողության մեջ մնացած ողջ կյանքում»,² ես աղոթում եմ, որ փորձառությունը, որ դուք եք ունենում, լինի այնպիսին, որ դուք հիշեք այն ձեր ողջ մնացած կյանքում:

Այժմ, ես հրավիրում եմ բոլորիս նայել այս նշանավոր բրոնզե քանդակին, որը կոչվում է Սարկավագների նստարանը: Ձեզանից նրանք, ովքեր չեն կարողանում տեսնել այն, Սարկավագների նստարանը ներկայացնում է հինգ սարկավագների, որոնց նկարել էին անսպասելի մի պահի, երբ նստած էին եկեղեցու նստատեղերում:

Երբ նայում եք այս հինգ սարկավագներին, ի՞նչ եք տեսնում: Այժմ, երբ կկարդամ Եկեղեցու երկու նախկին Նախագահների մտքերը, ես մի քիչ այլ ձևով կտամ հարցը, ի՞նչ եք կարողանում դուք տեսնել:

Նախագահ Ջոզեֆ Ֆիլդինգ Սմիթը հայտարարել է. «Մեր երիտասարդները … երկնքի ազնվականությունն են ՝ ընտիր և ընտրյալ սերունդ, որն աստվածային ճակատագիր ունի: Նրանց հոգիները պահված էին ի հայտ գալու այս օրում, երբ ավետարանը երկրի վրա է, և երբ Տերը կարիք ունի քաջարի ծառաների՝ առաջ տանելու վերջին օրերի նրա գործը»:³

Նախագահ Սպենսեր Վ. Քիմբալը հայտարարել է. «Մենք մեծացնում ենք թագավորական սերունդ, որն առանձնահատուկ բաներ ունի կատարելու»: ⁴

Այս մարգարեական հայտարարությունների լույսի ներքո, եթե մենք տարածենք մեր հայացքը նստարանին նստած այս հինգ սարակավագներից այն կողմ, ներառելով Ահարոնյան Քահանայության բոլոր երիտասարդներին, ապա ի՞նչ կարող ենք տեսնել:

Իմ հույսը և աղոթքն է, որ մենք բոլորս կարողանանք տեսնել նրանց «աստվածային» ներուժը, որ կարողանանք տեսնել նրանց առաջ գնալիս՝ որպես սուրբ քահանայության կրողներ և որպես միսիոներներ՝ քարոզելով «հավիտենական ավետարանը»,⁵ Հոգու միջոցով,⁶ « աշխարհի ազգերին»,⁷ որպեսզի մենք կարողանանք տեսնել նրանց որպես հավատարիմ ամուսիններ և հայրեր և որպես Աստծո արքայության և Եկեղեցու քաջարի ծառաներ և առաջնորդներ այս վերջին օրերում:

Որպեսզի մենք ավելի հստակորեն պատկերացնենք այս թագավորական սերնդի աստվածային ճակատագիրը, մենք պետք է միայն մտածենք 12-ամյա Հիսուսի մասին, որը Իր ծնողների հետ գնաց Երուսաղեմ՝ տոնելու Զատիկը:⁸

Ո՞վ էր այդ 12-ամյա տղան: Ո՞րն էր Նրա առաքելությունը և ճակատագիրը: Եվ ինչպե՞ս Նա կարողացավ կատարել այն:

Մենք հայտարարում ենք և սուրբ գրքերը հաստատում են, որ Նա է՛ր և է՛ Հիսուս Քրիստոսը՝ կենդանի Աստծո Որդին,⁹ որը «եկավ աշխարհ … . աշխարհի համար խաչվելու, և աշխարհի մեղքերը կրելու, և աշխարհը սրբագործելու, և այն անիրավությունից մաքրելու համար »,¹⁰ «որպեսզի փրկություն գա մարդկանց զավակներին, միայն առ նրա անունը հավատքի միջոցով»,¹¹ որ պատանի հասակում «նա զարգանում էր իմաստությունով և հասակով և շնորհքով Աստծո և մարդկանց մոտ»,¹² որ Նա «մեծանում էր իր եղբայրների հետ, և ամրանում, և սպասում էր Տիրոջ կողմից իր ծառայության ժամանակի գալուն»,¹³ և որ Նա «ամեն բանով փորձված էր մեր նմանությամբ»:¹⁴ Իսկապես Նա տարավ «փորձություններ ամեն տեսակի»¹⁵, սակայն «ուշք չդարձրեց դրանց»:¹⁶ Եվ երբ հակադրվեց Լյուցիֆերի՝ «բոլոր ստերի հոր»,¹⁷ «բոլոր մեղքերի հեղինակի»¹⁸ կողմից, Հիսուսը պաշտպանված էր ոչ միայն սուրբ գրքերի իր իմացությամբ, այլ նաև Իր Հոր խոսքին և կամքին իր բացարձակ հնազանդությամբ,¹⁹ և Նա հրամայեց՝ ասելով. «Դեն գնա սատանա. որովհետև գրված է, թե Տիրոջը քո Աստծուն երկրպագիր և միայն նրան ծառայիր»:²⁰

Թե ինչպես Նա կարողացավ իրականացնել Իր առաքելությունը և ճակատագիրը, մտածեք Հիսուսի այս խոսքերի մասին, որոնք Նա ասաց.

«Երբոր մարդի Որդին կբարձրացնեք, այն ժամանակ կիմանաք, թե ես եմ. և իմ անձիցը ոչ մի բան չեմ անում. այլ ինչպես իմ Հայրը սովորեցրեց ինձ, այն եմ խոսում:

Եվ ինձ ուղարկողն ինձ հետ է. ինձ մենակ չի թողել Հայրը, որովհետև ես միշտ նրան հաճելի բաներն եմ անում»:²¹

Որ մեզանից յուրաքանչյուրը՝ որպես Աստծո որդիներ,²² կարող ենք իրականացնել մեր առաքելությունն ու ճակատագիրը, հստակեցվում է Տիրոջ կողմից Ջոզեֆ Սմիթ Մարգարեին ասված հետևյալ խոսքերի միջոցով. «Ճշմարիտ, այսպես է ասում Տերը. Կլինի այնպես, որ ամեն հոգի, որ թողնում է իր մեղքերը և գալիս է ինձ մոտ, և կանչում է իմ անունը, և հնազանդվում է իմ ձայնին, և պահում է իմ պատվիրանները… . կկարողանա գալ Հոր մոտ, իմ անունով, և իր ժամանակին կստանա նրա լիությունը»:²³

Ես վկայում եմ այսպես, ինչպես նաև բերում իմ վկայությունը, որ Նախագահ Թոմաս Ս. Մոնսոնը, իսկապես, Աստծո մարգարեն է, և որ Առաջին Նախագահությունում նա և նրա խորհրդականները և Տասներկու Առաքյալների Քվորումը մարգարեներ են, տեսանողներ և հայտնողներ. Հիսուս Քրիստոսի սրբազան անունով, ամեն:

Հղումներ

1. In Sheri Dew, Go Forward with Faith: The Biography of Gordon B. Hinckley [1996], 35–36:

2. In “President Gordon B. Hinckley,” In Memoriam: President Gordon B. Hinckley, 1910–2008 (a supplement to the Liahona, Apr. 2008), 3.

3. In Conference Report, Apr 1970, 6.

4. “Boys Need Heroes Close By,” Ensign, May 1976, 45:

5. Հայտնություն ԺԴ.6: ՎևՈՒ 68.1, տես նաև ՎևՈւ 133.7–8:

6. Տես Մատթեոս Ժ.19–20, Ղուկաս ԺԴ.32, ՎևՈՒ 42.14, 43.15, 50.13–22, 84.85:

7. ՎևՈւ 134.12; տես նաև. Հայտնություն ԺԴ.6, ՎևՈՒ 68.8, 133.7–8:

8. Տես Ղուկաս Բ.41–42:

9. Տես Մատթեոս ԺԶ.16, 2 Նեփի 25.19–20, Մոսիա 3.8, 4.2, Ալմա 5.48, Հելաման 5.9, 3 Նեփի 5.13, 11.10–11, 20.31, ՎևՈՒ 14.9, 68.6:

10. ՎևՈՒ 76.41:

11. Մոսիա 3.9, տես նաև Մոսիա 3.12, ՎևՈՒ 18.17–19, 21–25:

12. Ղուկաս Բ.52

13. Ջոզեֆ Սմիթ Թարգմանություն` Մատթեոս 3.24:

14. Եբրայեցիս Դ.15

15. Ալմա 7.11

16. ՎևՈՒ 20.22

17. 2 Նեփի 2.18, Եթեր 8.25, Մովսես 4.4:

18. Հելաման 6.30, տես նաև Մոսիա 4.14:

19. Տես Մատթեոս Դ.1–10:

20. Մատթեոս Դ.10:

21. Հովհաննես Ը.28–29:

22. Սաղմոս ՁԲ.6, Ովսէէ Ա.10, Հռովմայեցիս Ը.16–17, Եբրայեցիս ԺԲ.9, ՎևՈՒ 11.30, 35.2, Մովսես 6.68:

23. ՎևՈւ 93.1, 19; տես նաև Հովհ. ԺԴ.6, ՎևՈՒ 76.92–95, 2 Նեփի 31.7–16, 3 Նեփի 12.48, 27.27, Մորոնի 10.32–33: