Լրացուցիչ գաղափարներ 2007թ. ապրիլի Միացյալ Ժամի համար

Հետևյալը լրացուցիչ գաղափարներ են, որոնք Երեխաների Միության ղեկավարները կարող են օգտագործել 2007թ. ապրիլին տպագրված Լիահոնայի Միացյալ ժամի հետ: Դասի, հրահանգների և միջոցառման համար, որոնք համապատասխանում են այս գաղափարներին տես «Նա ապրում է» այս համարի երեխաների բաժնի Ը4 և Ը5 էջերը:

1. Գրեք «սխալ» բառը գրատախտակի վրա: Երեխաներին ասացեք, որ երբ նրանք ապաշխարում են, ապա սխալը դարձնում են ճիշտ: Խնդրեք երեխաներին օգնել ձեզ դարձնել «սխալ» բառը «ճիշտ»` թվարկելով, թե ինչ կարող են անել ապաշխարելու համար: Օգտագործեք երեք օրինակներ կյանքից (տես «օրինակի ուսումնասիրություն,» Ուսուցում. Չկա ավելի մեծ կոչում [1999], 161–162) ցույց տալու իրավիճակներ, երբ երեխաները պետք է ապաշխարեն: Առաջին օրինակի ուսումնասիրությունից հետո, երգեք երգ կամ օրհներգ ապաշխարության մասին և բացատրեք, որ ապաշխարությունը ավետարանի երկրորդ սկզբունքն է: Երկրորդ օրինակի ուսումնասիրությունից հետո, երգեք երգ կամ օրհներգ ապաշխարության մասին: Երրորդ օրինակի ուսումնասիրությունից հետո, երգեք երգ կամ օրհներգ ներման մասին և բացատրեք, որ մենք պետք է ներենք ուրիշներին, ովքեր ապաշխարում են: Մաքրեք «սխալ» բառը գրատախտակի վրայից և գրեք «ճիշտ» բառը: Իմ Ավետարանական Չափանիշները գրքից կատարեք անգիր մեջբերում. «Ես կընտրեմ ճիշտը: Ես գիտեմ, որ կարող եմ ապաշխարել, երբ սխալ գործեմ»: Բերեք ձեր վկայությունը ապաշխարության և Հիսուս Քրիստոսի Քավության մասին:

2. Բացատրեք, որ մեր ապրող մարգարեն այսօր Եկեղեցում կրում է քահանայության բոլոր բանալիներն ու իշխանությունը: Բարձր պահեք մարգարեի նկարը: Բացատրեք, որ նա, այնուամենայնիվ, առաջնորդում է Եկեղեցին մեկ ուրիշի ղեկավարությամբ: Հարցրեք երեխաներին, թե ով է այդ անձնավորությունը (Հիսուս Քրիստոսը): Բարձր պահեք Հիսուս Քրիստոսի նկարը և դրեք այն մարգարեի նկարի վերևում, ցույց տալով, որ մարգարեն աշխատում է Նրա ղեկավարության ներքո: Երեխաներին ցույց տվեք ամենավերջին համաժողովի Լիահոնայի տպագրությունը: Բացատրեք, որ երբ մարգարեն խոսում է մեզ համար գերագույն համաժողովի ժամանակ, նա սովորեցնում է մեզ, թե Հիսուս Քրիստոսն ինչ է կամենում, որ մենք լսենք և անենք: Խնամքով ընտրեք չորս նախադասություններ մարգարեի վերջին ուղերձներից և խնդրեք ավելի մեծ երեխաներին կարդալ դրանք: Թվեք չորս բաներ, որոնք երեխաները կարող են անել՝ մարգարեի խոսքերին հետևելու համար: Օրինակ, դուք կարող եք թվել «վճարեք տասանորդ», «եղեք ավելի ներող» կամ «կարդացեք սուրբ գրքերը»: Հրավիրեք երեխաներին նկարել մի նկար այն գաղափարներից մեկի վերաբերյալ, որի վրա նրանք կամենում են աշխատել` մարգարեին ավելի լավ հետևելու համար: (տես «Նկարելու աշխատանքներ», Ուսուցում, Չկա ավելի մեծ կոչում, 166–67): Ընտրեք մի երգ կամ օրհներգ, որը կհամապատասխանի չորս սկզբունքներից յուրաքանչյուրին, որի մասին մարգարեն խոսել է վերջերս: Հրավիրեք երեխաներին, ովքեր նկարել են տվյալ սկզբունքն արտահայտող նկարը, կանգնել դասասենյակի առջև, բարձր պահելով իրենց նկարները, մինչ Երեխաների Միությունը կերգի այդ երգը: Բերեք ձեր վկայությունը քահանայության կարևորության վերաբերյալ:

3. «Հրեշտակ հայտնվեց Ջոզեֆին» երգի ներկայացում (այս թողարկման էջ Ը13): Նախքան այս երգը սովորեցնելը, փորձեք չափ տալ հատուկ ռիթմով: Ռիթմը փոխվում է 3/4-ից 2/4 մեկ տակտ յուրաքանչյուր տողում:

   Կախեք հետևյալ բառաթերթիկները խառը հերթականությամբ` «Մորոնի», «Կումորա Բլուր», «Նեփիացիներ» և «Մորմոնի Գիրքը»: Երեխաներին ասացեք, որ երգն այս չորս բաների մասին է: Խնդրեք նրանց ձեզ օգնել, դնելով բառաթերթիկներն այն նույն հերթականությամբ, ինչպես որ երգում է: Երգեք երգը նրանց համար, հետո հարցրեք, թե որ բառաթերթիկը պետք է դրվի առաջինը: Քանի որ առաջին արտահայտությունն է «հրեշտակ հայտնվեց Ջոզեֆին» ճիշտ բառաթերթիկն է «Մորոնի»: Երեխաներին խնդրեք երգել այդ արտահայտությունը ձեզ հետ: Երգեք երգը ևս երեք անգամ, ամեն անգամ տեղադրելով մեկ բառաթերթիկ իր տեղում: Բացատրեք, որ Ջոզեֆ Սմիթը վերցրեց ոսկե թիթեղները Կումորա բլրից, որ թիթեղները Նեփիացիների մի հիշատակարան է, և որ այդ թանկարժեք սուրբ գիրքը Մորմոնի Գիրքն է: Քանի որ երգը կարճ է, ամեն անգամ հարց տալիս երգեք ամբողջ երգը: Դա կօգնի երեխաներին ծանոթանալ բառերի և հետաքրքիր ռիթմի հետ: Խրախուսեք երեխաներին պատմել Մորմոնի Գրքի պատմությունն իրենց ընտանիքներին` երգելով այս երգը: Բերեք ձեր վկայությունը, որ երգում պատմվող պատմությունը ճշմարիտ է: