“Fanongonongo Fakamafaiʻí,” Ngaahi Tefito ʻi he Hisitōlia ʻo e Siasí
“Fanongonongo Fakamafaiʻí”
Fanongonongo Fakamafaiʻí
Ne tokolahi ka kau mēmipa ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi ha konga lahi ʻo e senituli 19 naʻa nau kau atu ki he mali tokolahí—ko ha mali ʻa ha tangata ʻe taha mo ha fefine ʻe ua pe lahi hake. Ko e kamataʻanga mo e ngataʻanga ʻo e meʻá ni naʻe fakahinohino ia ʻi he fakahā ʻo fakafou he kau palōfita ʻa e ʻOtuá. Ko e fuofua fekau ke fakahoko e mali tokolahí naʻe ʻomi ia ʻia Siosefa Sāmita, ko e Palōfita mo e Palesiteni naʻá ne fokotuʻu e Siasí.1 ‘I he 1890, ne ʻoatu ʻe Palesiteni Uilifooti Utalafi e Fanongonongo Fakamafaiʻi ne tupu ai hono fakangata ʻo e mali tokolahí ʻi he Siasí.
Naʻe fie maʻu ha tui lahi pea ʻi he taimi ʻe niʻihi ko ha ngaahi fili faingataʻa, fakamamahi—mo matuʻaki fakataautaha—ne fai ʻe he kau mēmipa fakafoʻituituí mo e kau taki ʻo e Siasí. Hangē ko e kamataʻanga ʻo e mali tokolahí ʻi he Siasí, naʻe hoko e fakangata ʻo e mali tokolahí ko ha meʻa ne hoko māmālie kae ʻikai fakaʻangataha.
ʻOku toe fakamatala ʻe he Kau Māʻoniʻoní e ngaahi talanoa mahuʻinga felāveʻi mo hono fakangata ʻo e mali tokolahí ʻe he Kau Māʻoniʻoni ʻi he Ngaahi ʻAho Kimui Ní ʻo kau ai e Fanongonongo Fakamafaiʻí. Ki ha fakamatala lahi ange, vakai ki he “The Manifesto and the End of Plural Marriage.”2
Ngaahi Tefito Fekauʻakí: Anti-Polygamy Legislation, Siosefa Sāmita mo e Mali Tokolahí, Plural Marriage in Utah