ʻĀtama-ʻonitai-ʻĀmani

ʻI he fakataha mai e Kāingalotu ‘i he Ngaahi ‘Aho Kimui ní ke fakatapui e Temipale Ketilaní ʻi he 1836, ne nau hivaʻi e “ʻĀtama-ʻonitai-ʻĀmaní,” ko ha himi ne faʻu ʻe Uiliami W. Felipisi pea fakakau ʻi he tohi himi ʻa e Siasí ne pulusi foʻoú. Naʻe ʻasi ʻi hono fakaleá e ngaahi akonaki mei he ngaahi fakahā ʻa Siosefa Sāmita fekauʻaki mo ha feituʻu ko ʻĀtama-ʻonitai-ʻĀmani, ʻa ia naʻe foaki ai ʻe ʻĀtama ʻene tāpuaki fakaʻosí ki hono hakó. Naʻe lave foki ʻa e himí ki he Hāʻele ʻAnga Ua Mai ʻa e Fakamoʻuí, ʻi he taimi ʻe toe fakafoki mai ai ʻa ʻĀtama-ʻonitai-ʻĀmani ki hono tuʻunga fakaʻofoʻofa mo nāunauʻia kimuʻá.¹

Laʻi tā ʻo ʻĀtama-ʻonitai-ʻĀmani

Laʻi tā ʻo ʻĀtama-ʻonitai-ʻĀmani ʻi onopōní.

Hili ha taʻu ʻe ua, lolotonga ʻenau fekumi ki ha ngaahi fonua ʻe lava ke nofo ai e Kāingalotú ʻi he Vahefonua Teivisi, Mīsulí, ne maʻu ʻe Siosefa Sāmita mo ha kulupu ʻo e kau taki ʻo e Siasí ha feituʻu fakaʻofoʻofa ofi ki he Vaitafe Lahí, ne mahu ʻi he vaí, fanga monumanú, mo e ngaahi manafa musieʻiá. ʻI fakamatala ki ha tafungofunga ʻiloa ʻi he feituʻu ne ui ko Sipilingi Hilí, naʻe folofola ʻa e ʻEikí ʻo fakamatalaʻi ʻi ha fakahā kuó Ne ui ia ko “ʻĀtama-ʻonitai-ʻĀmani” koeʻuhí “ko e potu ia ʻa ia ʻe haʻu ki ai ʻa ʻĀtama ʻo ʻaʻahi ki hono kakaí.”²

Naʻe fiefia e Kāingalotú ʻi he ongoongo ko ʻení, pea kamata leva e fetukutuku ʻa e ngaahi fāmilí ki he feituʻú. Ne nau fokotuʻutuʻu ʻenau nofó fakatatau ki he mape ʻo Saioné (ko e palani ʻa Siosefa Sāmita ki he kolo ko Tauʻatāina, Mīsulí) pea nau maʻu ai ha feituʻu ki ha temipale.³ Naʻe fokotuʻu ʻe he kau takí e Siteiki ʻĀtama-ʻonitai-ʻĀmaní ʻi he 1838, ko e taha ʻo e ngaahi fuofua siteiki ʻi he Siasí.⁴ Ne aʻu ki he uangeaú ʻa e ngaahi ʻapi ne langá, ka naʻe lau māhina pē ʻenau nofo ʻi ʻĀtama-ʻonitai-ʻĀmaní. Ne ʻikai fuoloa kuo kamata ha fetāʻaki ʻi he Kāingalotu ʻo e Siasí mo e kakai Mīsuli kehé ʻi he faʻahitaʻu fakatōlau ʻo e 1838, ʻo fakamālohiʻi leva ai e Kāingalotu ʻi ʻĀtama-ʻonitai-ʻĀmaní ke liʻaki honau ngaahi ʻapí.

Ngaahi Maʻuʻanga Tokoni ʻa e Siasí

Jacob W. Olmstead, “Far West and Adam-ondi-Ahman: DC 115, 116, 117,” ʻi he Matthew McBride and James Goldberg, eds., Revelations in Context: The Stories behind the Revelations in the Doctrine and Covenants (Salt Lake City: The Church of Jesus Christ of Latter-day Saints, 2016), 235–41.

“Adam-ondi-Ahman, Missouri,” Historic Sites, history.lds.org.

“Adam-ondi-Ahman,” josephsmithpapers.org.

Ngaahi Fakamatalá

ʻOku ʻoatu ʻe he pulusinga ko ʻení ha fakamatala lahi ange fekauʻaki mo e tefito ko ʻení. ʻI hono tuku atu pe fakafehokotaki kimoutolu ki he maʻuʻanga tokoni ko ʻení, ʻoku ʻikai ke mau poupouʻi pe fakapapauʻi atu e kanotohí pe ngaahi fakakaukau ʻa e kau faʻu tohí.

Leland H. Gentry, “Adam-ondi-Ahman: A Brief Historical Survey,” BYU Studies, vol. 13, no. 4 (Summer 1973), 553–76.

Robert J. Matthews, “Adam-ondi-Ahman,” BYU Studies, vol. 13, no. 1 (Autumn 1972), 27–35.

Ngaahi Tefito Fekauʻakí: Mormon-Missouri War of 1838, Saione/Selusalema Foʻou, Hihifo Mamaʻo

Maʻuʻanga Fakamatalá

1. ʻOku ʻi ai ha ngaahi fakahā kimuʻa ʻoku maʻu ai ha fakamatala fekauʻaki mo ʻĀtama-ʻonitai-ʻĀmani. Hangē ko ʻení, naʻe fakamatalaʻi ʻi ha fakahā ʻi Māʻasi ʻo e 1832, ʻi he “lea haohaoa,” ko e ʻĀmaní ko e huafa ia ʻo e ʻOtuá. Vakai, “Sample of Pure Language, between circa 4 and circa 20 March 1832,” ʻi he Revelation Book 1, 144, josephsmithpapers.org. Vakai foki, Robin Scott Jensen, Robert J. Woodford, and Steven C. Harper, eds., Revelations and Translations, Volume 1: Manuscript Revelation Books. Vol. 1 of the Revelations and Translations series of The Joseph Smith Papers, edited by Dean C. Jessee, Ronald K. Esplin, and Richard Lyman Bushman (Salt Lake City: Church Historian’s Press, 2011), 204–6. ʻOku fakamatalaʻi ʻi ha fakahā ʻo e 1835, ʻa ia ʻoku ʻiloa he taimí ni ko e Tokāteline mo e Ngaahi Fuakava 107 ko e teleʻa ʻĀtama-ʻonitai-ʻĀmaní naʻe foaki ai ʻe ʻĀtama ki hono hakó ʻene ngaahi tāpuaki fakaʻosí (TF 107:53; vakai foki, “Instruction on Priesthood, between circa 1 March and circa 4 May 1835 [DC 107],” ʻi he Doctrine and Covenants, 1835 ed., 86, josephsmithpapers.org).

2. Tokāteline mo e Ngaahi Fuakava 116; vakai foki, Joseph Smith, “Journal, March–September 1838,” 43–44, josephsmithpapers.org. Naʻe fakamatalaʻi ʻe Siosefa Sāmita kimui ange ha fakataha ʻe fakahoko ʻi he kahaʻú, ʻe ui ai ʻe ʻĀtama, ʻa ia “ʻokú ne puleʻi e ngaahi laumālie ʻo e kakai kotoa pē” ko e “tamai ʻi he fāmili ʻo e faʻahinga ʻo e tangatá, ʻa ʻene fānaú kotoa” ke “teuteuʻi kinautolu ki he hāʻele mai e foha ʻo e tangatá” mo “[fai ha fakamatala] kia Kalaisi fekauʻaki mo hono fatongia fakatauhí” (“Discourse, between circa 26 June and circa 4 August 1839–A, as Reported by Unknown Scribe,” 2, 3, josephsmithpapers.org).

3. “Plat of the City of Zion, circa Early June–25 June 1833,” josephsmithpapers.org.

4. “Conference Minutes,” Elders’ Journal, vol. 1, no. 4 (Aug. 1838), 60–61, josephsmithpapers.org.