Mga Kapanguhaan sa Kasaysayan sa Doktrina ug mga Pakigsaad: Sidney Gilbert, Mga Kapanguhaan sa Kasaysayan sa Doktrina ug mga Pakigsaad (2025)
Sidney Gilbert, Mga Kapanguhaan sa Kasaysayan sa Doktrina ug mga Pakigsaad (2025)
Sidney Gilbert
(1789–1834)
Si Sidney Gilbert natawo sa New Haven, Connecticut. Siya nakigminyo ni Elizabeth Van Benthusen niadtong 1823 ug sa wala madugay mibalhin ngadto sa Kirtland, Ohio. Niadtong 1827, siya ang kauban ni Newel K. Whitney sa N. K. Whitney & Co. nga tindahan sa Kirtland. Siya gibunyagan ngadto sa Ang Simbahan ni Jesukristo sa mga Santos sa Ulahing mga Adlaw niadtong tingpamulak sa 1831 ug gi-orden nga elder nianang Hunyo. Nianang sama nga bulan siya gitudlo nga tinugyanan sa Simbahan, nga adunay buluhaton sa pagtukod og tindahan ug pagpalit og yuta sa Missouri (Doktrina ug mga Pakigsaad 53:4; 57:6, 8–9; 64:18; 101:96). Siya mibalhin ngadto sa Independence, Missouri, sa kaulahian nianang tuiga. Niadtong Abril 1832, siya gi-orden nga usa ka high priest pinaagi ni Joseph Smith ug gitudlo nga usa sa pito ka high priest nga mangulo sa mga kalihokan sa Simbahan sa Missouri. Siya nahimong sakop sa Nagkahiusang Kapunongan nianang sama nga bulan (Doktrina ug mga Pakigsaad 82:11). Siya sunod dayon nga nagserbisyo og misyon sa sidlakang Estados Unidos. Niadtong Nobiyembre 1833, giaresto siya ug kadiyot nga napriso sa Independence ug dayon gipapahawa kauban sa mga Santos gikan sa Distrito sa Jackson ngadto sa Distrito sa Clay, Missouri. Nagserbisyo isip tig-atiman sa mga sakop sa ekspedisyon sa Kampo sa Israel ngadto sa Missouri niadtong 1834, ug siya namatay tungod sa kolera sa Distrito sa Clay.
Mga Pakisayran sa Doktrina ug mga Pakigsaad