Ek Uncha Anand
Hum sabhi apne Swarg ke Pita aur Unke Priye Putra ko apna jiwan samarpit karne se milne waale unche anand ki khoj karein aur paaye.
Mere paas tees saal tak mahasabha me bolne ka adbhut aashirwaad mila hai. Us samay ke dauraan, duniyabhar me kayi logon ne in sandeshon ke sambandh me mujhse sawaal poocha hain. Haal hi me, ek khaas sawaal baar-baar aata raha hai. Aam taur par yah kuch aisa hota hai: “Elder Uchtdorf, maine aapke pichle bhaashan ko dhyan se suna, lekin [ruko] … mujhe udaan(aviation) ke baare me kuch nahi sunai diya.”
Khaer, aaj ke baad, mujhe shaayad kuch samay ke liye woh sawaal nahi sunne ko milega.
“The Tumbling Mirth of Sun-Split Clouds(Chup-Chitr Baadlo ki Khilkhilaahat par)”
Mujhe yeh maanna mushkil hai ki sirf 120 saal pehle hi Wilbur aur Orville Wright ne pehli baar udhaan bhari aur uttar Carolina ke Kitty Hawk ke baaloo ke upar se udaan bhari. Us December ke din, chaar chote se udhaano ne duniya ko badal diya aur unhonne duniya ke itihaas me sabse mahatwapurn aawishkaar(invention) ke darwaaze ko khol diya.
Un shuruaat ke dino me udhaan jokhimpurn(risky) tha. Yeh bhaaiyen woh jaante the. Aur unke pita, Milton, bhi ise jaante the. Vaastao me, unhe apne dono beton ko ek udhaan durghatna me khone ka itna dar tha ki unhonne unse waada liya ki woh kabhi saath me nahi udhenge.
Aur woh kabhi nahi udhe—ek baar ke alaawa. Kitty Hawk me us itihaasik din ke saat saal baad, Milton Wright ne anth me apni sehmati di aur Wilbur aur Orville ko pehli baar saath me udhte huwe dekha gaya. Niche utarne ke baad, Orville ne apne pita ko apni pehli aur eklauti udaan lene aur khud dekhne ke liye raazi kiya taaki woh use mehsoos kare.
Jaise hi plain zameen se utha, 82 warshiye Milton udhaan ke utsaah me itna kho gaya ki uska sab dar bhaag gaya. Orville khush hua jab uske pita khushi se chillae, “Unchaa, Orville, aur unchaa!”
Yeh aadmi toh mere hi tara tha.
Shaayad isliye mai kabhi kabhi udhaan ke baare me baat karta hoon kyunki mujhe woh ehsaas hai jo Wrighton ko mehsoos hua tha. Mere paas bhi “prithwi ki band baandho se choot kar hasi-chamkile pankho par aakaash me naacha hai.”
Wright Bhaaiyon ki pehli udaan, jo mere janm se kareeb 37 saalon pehle hui thi, ne mere jiwan me romaanch, ashcharye, aur shudh aanand ke dwaar khol diye.
Aur phir bhi, woh anand jitna bhi adbhut hai, usse bhi unche tarah ka anand aur bhi hai. Aaj, Milton Wright ki khushi bhari pukaar, “Unchaa, Orville, aur unchaa,” ki bhaona me, mai is unche anand ke baare me baat karna chaahoonga—yeh kahan se aata hai, yeh hamare dilon me kaise pravesh karta hai, aur hum ise adhik maatra me kaise anubhav kar sakte hai.
Manushye ki Maojoodgi ka Pura Uddeshye
Yeh shaayad kehne ki zaroorat nahi hai ki har koi khush rehna chahata hai. Phir bhi, yeh bhi kehne ki zaroorat nahi hai ki har koi khush nahi hai. Afsos ki baat hai, aysa lagta hai ki, kayi logon ke liye, khushi paana mushkil hai.
Aysa kyun hai? Agar khushi hi woh cheez hai jise hum insaan sabse adhik chahate hai, toh hum ise paane me itne asafal kyun hai? Ek deshi geet ko parafrais karne ke liye, shaayad hum sabhi galat jaghon par khushi ki talaash kar rahe hain.
Hamein Khushi Kahan Mil Sakti Hai?
Isse pehle ki hum charcha karein ki khushi kaise paaya jaae, mujhe yeh swikaar karne ki anumati dein ki depression aur anye kathin maansik aur imoshanal chunaotiyaa waastavik(real) hai, aur iska uttar kewal yeh nahi hai, “Khush rehne ki koshish karein.” Aaj mera uddeshye maansik swaasth sambandhi samasyaon ko kam karna ya mahatwaheen banana nahi hai. Agar aap ayse chunaotiyon ka saamna karte hai, toh mai shok jataata hoon aur aapke saath khada hoon. Kuch logon ke liye, khushi paane me trained maansik swaasthye peshewaron ki madad lena shaamil ho sakta hai jo apni chikitsiye(therapeutic) kala kaa abhyaas karne ke liye apna jiwan samarpit karte hai. Hamein aesi madad ke liye aabhaari hona chahiye.
Jiwan emotional unchaaiyon ka anteen kram nahi hai. “Kyunki zaroori hai, ki sab chiz me virodh ho.” Aur agar Parmeshwar khud rota hai, jaisa ki shaastra kehte hai, to aap aur hum bhi zaroor roenge. Dukhi mehsoos karna haar ki nishaani nahi hai. Is jiwan me, kam se kam, sukh aur dukh alag nahi hone waale saathi hai. Aap sabhi ki tarah, maine bhi apne hisse ki niraasha, dukh, udaasi aur pashtawa mehsoos kiya hai.
Haalaanki, maine khud bhi us shaandaar subha ka anubhao kiya hai jo aatma ko itni gehraai se khushi se bhar deti hai ki use shaayad hi kabhi andar rakha jaa sake. Maine khud paaya hai ki yeh shaantipurn bharosa aata hai Rakshak(Saviour) ki baat maanne aur Uske raah pe chalne se.
Woh hamein jo shaanti deta hai, woh waesa nahi hai jaisa duniya deti hai. Woh usse behtar hai. Yeh aur uncha aur pavitr hai. Ishu ne kaha, “Mai isliye aaya hoon ki weh jiwan paae, aur zada matra me paae.”
Ishu Masih ka susamachaar(gospal) sach me “bade anaand ki khushkhabri hai”! Yeh atulniye(matchless) aasha ka sandesh hai! Yoke(jwata) uthaana aur bojh-uthaane ka sandesh. Raushni-ikattha hone ka. Swarg ka ehsaan, uncha samajh, anant suraksha, aur anant mahima!
Apne bachcho ki khushi, Parmeshwar ki yojna ka mul uddeshye hai. Aapko isi ke liye banaya(create) gaya hai—“taaki [aapko] khushi mile”! Aapko isi ke liye banaya gaya hai!
Hamare Swarg ke Pita ne khushi ka raasta nahi chipaaya hai. Yeh koi raaz nahi hai. Yeh sabhi ke liye haasil hai!
Yeh un logon se waada kiya gaya hai jo chelapan(discipleship) ke maarg par chalte hai, Rakshak(Saviour) ki siikh aur uddhaaran(example) ka paalan karte hai, Unki aagyaaon ka paalan karte hai, aur Unke saath kiye gaye vachano ka sammaan karte hai. Kya anokha waada hai!
Parmeshwar Ke Paas Dene ke Liye aur Bhi Kuch Hai
Hum sab ayse logon ko jaante hai jo kehte hai ki unhe khush rehne ke liye Parmeshwar ki zaroorat nahi hai, ki woh dharm ke bina bhi kaafi khush hai.
Mai in ehsaaso ko swikaar karta hoon aur unka sammaan karta hoon. Hamare Swarg ke priye Pita chahate hai ki Unke sabhi bachcho ko jitna sambhao ho utni zyaada khushi mile, isliye Unhonne is duniya ko sundar, sampurn sukhon, aur anand se bhar diya hai, “aankho ko prasann karne ke liye aur … dil ko raahat dene ke liye.” Mere liye, hawaijahaaj udaane me bahut khushi miltii thi. Aur log ise sangeet, kala, shaok, ya prakriti me paate hai.
Rakshak(Saviour) ke adhik khushi ke khushkhabri ko baatne me, hum khushi ke in sorces me se kisi ko bhi nazarandaar nahi karte hai. Hum bas yeh keh rahe hai ki Parmeshwar ke paas hamein dene ke liye aur bhi kuch hai. Ek uncha aur adhik gehra anand—ek aysa anand jo is duniya ki kisi bhi cheez se badhkar hai. Yeh woh anand hai jo dil tutne ko sahan(endure) karta hai, dukh ko cheer jaata hai, aur akelepan ko kam karta hai.
Iske alaawa, saansaarik sukh bahut din nahi tikta. Yeh nahi tik sakta. Sab saansaarik cheezon ka puraana hona, sadna, kharaab hona, ya baasi ho jaana sambhao hai. Magar Ishwariye(godly) anand anant(eternal) hai, kyunki Parmeshwar anant hai. Ishu Masih hamein saansaarikta(temporal) se baahar nikaalne aur corapshan ko imaandaari se badalne ke liye aaye he. Sirf Usi ke paas woh shakti hai, aur sirf Uska anand hi nirantar(perpetual) hai.
Agar aapko lagta hai ki aapke jiwan me is prakaar ka aur adhik anand ho sakta hai, toh mai aapko Ishu Masih aur Unke raaste par chalne ke safar pe nikalne ke liye amantrit karta hoon. Yeh jiwan bhar ki—aur usse bhi aage ka safar hai. Kripya mujhe shudh anand ki khoj ki is kaabil safar pe kuch shuruaati kadam ke sujhaao dene de.
Parmeshwar ke Kareeb Aao
Kya aapko Naye Niyam(New Testament) ki woh mahila yaad hai jo 12 saalo tak khoon behne ki beemaari ki takleef me thi? Usne apna sab kuch daactaro par kharch kar diya tha, lekin haalaat aur bure hote gaye. Usne Ishu ke baare me suna tha; Unki thik karne ki shakti ki charcha har jagah faeli thi. Lekin kya Woh use theek kar sakta tha? Aur woh Uske nazdeek kaise ja sakti thi? Uski beemaari ne use Moses ke kaanoon ke mutabik “ashudh” banaa diya tha, aur isliye use dusron se door rehna padta tha.
Saamne se Uske paas jaana aur maanga thik hona mumkin nahi lag raha tha.
Phir bhi, usne socha, “Agar mai uske kapdo ko chuuh loon, toh mai theek ho jaaungi.”
Aakhir me, uske vishwaas ne uske darr par kaabu paa liya. Usne dusron ki ninda(censure) pe himmat pai aur Rakshak(Saviour) ki or badhi.
Akhir me, woh nazdeek pahunchi. Usne apna haath badhaaya.
Aur woh theek ho gayi.
Kya hum sab kuch hadh tak is mahila ki tarah nahi hai?
Aise dher kaaran ho sakte hai jisse hum RakshakSaviour) ke nazdeek jaane me jhijhakte(hesitate) hai. Hamein dusron se hasi ya dosh ka saamna karna padh sakta hai. Hum apne ghamand me, itni saral cheez ke itne anmol hone ki sambhaaona(posssibility) ko hataa sakte hai. Hum soch sakte hai ki hamari stithi kisi tarah hamein Usse theek hone ke kaabil nahi banaegi—ki doori bahut zyaada hai yaa hamare paap bahut zyaada hai.
Is mahila ki tarah, maine seekha hai ki agar hum Parmeshwar ke nazdeek aate hai aur Use choone ke liye aage badhte hai, toh hum sach me theek hona, shaanti aur anand paa sakte hai.
Use Khojo
Ishu ne sikhaaya, “Khojo, aur tum paaoge.”
Mera maanna hai ki yeh aasaan baat sirf ek aatmik vaada nahi hai; yeh bayaan ek fect hai.
Agar hum gussa karne, sandeh karne, kadwe ya akele hone ke kaaran khojein, toh hum unhe khoj lenge.
Haalaanki, agar hum khushi ki khoj karein—agar hum khushi manaane aur Rakshak(Saviour) ka khushi se paalan karne ke kaarano ko khojte hai, toh hum unhe paa lenge.
Hamein shaayad hi koi aeysi cheez milti hai jiski hamein khoj nahi hoti.
Kya aap khushi ki khoj me hai?
Dhoondo aur aap paoge.
Ek Dusre Ka Bojh Uthaao
Ishu ne sikhaya, “Kuch lene se zyaada asheesh milta hai dene se.”
Kya aysa ho sakta hai ki, khushi ki hamari khoj me, ise paane ka sabse achcha tarika dusron ko khushi pahunchana hai?
Bhaaiyon aur bahano, yeh sach hai! Khushi aate ke beral ya tel ke bottle ki tarah hai jo kabhi kathm nahi hoga. Sachchi khushi baatne se kayi guna badh jaata hai.
Iske liye kisi bhari ya uljhe cheez ki zaroorat nahi hai.
Hum aasaan cheezein kar sakte hai.
Jaise kisi aur ke liye dil se praathna karna.
Imaandaari se taareef karna.
Kisi ko swaagat, sammaan, mahatwa, aur pyaar mehsoos karne me madad karna.
Ek pasandida skripcha sheya karna aur iska hamare liye kya arth hai.
Ya sirf sunne se bhi.
“Jab aap apne aas paas ke logon ki sewa me hote hai toh aap apne Parmeshwar ki sewa me hote hai,” aur Parmeshwar aapki dayaluta(kindness) ka badla puure dil se denge. Jo khushi aap dusron ko dete hai woh aapko, “achchi maatra me, dabe-kuchle, hilte-dolte, aur daudte huwe” waapas milega.
Phir Hum Kya Karein?
Aane waale dino, hafton, aur mahino me kya mai aapko isme aamantrit kar sakta hoon.
-
Parmeshwar ke kareeb aane ke liye sachche, pure dil se koshish me samay bitaae.
-
Har roz aasha, shaanti, aur khushi ki dil se khoj karein.
-
Apne aas-paas dusron ke liye khushi laao.
Mere pyaare bhaaiyon aur bahano, pyaare doston, jab aap Parmeshwar ki baaton ki gehri samajh ke liye Parmeshwar ke vachano ki khoj karte hai, in nimantrano ko swikaar karte hai, aur Unke raaste par chalne ki koshish karte hai, toh aap “Parmeshwar ki shaanti ka anubhao karenge, jo sabhi samajh se baahar hai,” dukhon ke beech bhi. Aap apne dil me Parmeshwar ke apaar prem ki bhaari maatra ko umadhte huwe mehsoos karenge. Divye prakaash ki subha aapko parikchao ki chaaya ko bhed degi, aur aap andekha, paripurn, swarg ke chetra ki ankahi mahima aur chamatkaaro ka swaad lena shuru kar denge. Aap mehsoos karenge ki aapki aapta(spirit) is duniya ki gambheerta se door jaa rahi hai.
Aur achche Milton Wright ki tarah, shaayad aap khushi me apni aawaaz uthaaenge aur chillaenge, “Uncha, Pita, aur Uncha!”
Hum sabhi apne Swarg ke Pita aur Unke Priye Putra ko apna jiwan samarpit karne se milne waale unche anand ki khoj karein aur paaye. Yeh Ishu Masih ke pawitr naam par meri haardik praathna hai, amen.