Ishu Masih ke Zariye Vachano me Himmat
Jab hum Prabhu ke ghar ke andar jaaen, toh hum Masih ke uch aur pavitr shishye banne ke liye seekhne ki ek pavitr yaatra shuru karte hai.
Mere pyaare bhaaiyo aur bahano, mai praathna karta hoon ki is hafte ke anth me hum apne netaaon se jo prerit sandesh , usse hum dhaarmik rup se riniwal paae aur jise mai “Ishu Masih ke maadhyam se vachanbadh vishwaas” kehna pasand karta hoon, uska anand uthaae. Yeh aatmavishwaas un ashirwaadon ko paane ka shaant lekin nishchit aashwaasan hai jo Parmeshwar un logon ke liye vaada karte hai jo apni vachano ko nibhaate hai aur hamare din ki chunaotipurn paristhitiyon ke beech iski bahut zaroorat hai.
President Russell M. Nelson ke prerit netritav me, duniya bhar me Prabhu ke naye gharon ke nirmaan ne Girjaghar ke sadasyon ke beech bahut khushi paeda kee hai aur yeh Prabhu ke raajye ke vistaar ke ek mahatwapurn prateek ke rup me kaarye karta karta hai.
Pichle October me Feather Nadi California Mandir ke samarpan ke apne atyant prabhaaoshaali anubhao ke baare me sochte huwe, mujhe ashcharye hua ki kya kabhi-kabhi hum apne shaharon aur samaudaaeyon me naye mandir hone ke utsaah me kho jaate hai aur mandir me kiye gaye pavitr vachano ke pavitr uddheshye ka anaadar karte hai.
Har ek mandir ke aage ek gambheer bol likha hota hai: “Holiness to the Lord[Prabhu ke Liye Pavitrta].” Yeh prerit shabd ek spasht nimantran hai ki jab hum Prabhu ke ghar ke andar jaaen, toh hum Masih ke uch aur pavitr shishye banne ke liye seekhne ki ek pavitr yaatra shuru karte hai. Jaise hi hum Parmeshwar ke samaksh pavitrta me vachano ko banane hai aur Rakshak ke raah pe chalna thaan lete hai, hamein apne dil ko badalne, apni aatmaaon ko riniu karne aur Uske saath apne rishte ko gehra karne ki shakti praapt hoti hai. Aysi koshish hamari aatmaaon me pavitrta laata hai aur Parmeshwar aur Ishu Masih ke saath ek pavitr bandhan banata hai, jo vaada karte hai ki hum anant jiwan ka uphaar paa sakte hai. Is pavitr safar ka parinaam yeh hai ki hum Ishu Masih ke zariye banaai gayi apni vachano ke bheetar apne har-din-ke-jiwan ke liye ek pavitr aur uch aatmvishwaas praapt karte hai.
Aisa atmvishwaas Parmeshwar ke saath hamare divye sambandh ka shikhar[pinnacle] hai aur hame Ishu Masih aur Unke praeshchit ke balidaan ke prati hamari bhakti aur abhaar badhaane me madad kar sakta hai. Yeh dusron se pyaar karne aur unki sewa karne ki hamari chamta ko mazboot karta hai aur hamari aatmaaon ko ek apavitr duniya me rehne ke liye mazboot karta hai jo tezi se andhkaarmay aur himmat todnewaala hota jaa raha hai. Yeh hamein daaut aur maayusi, dar aur hataasha, dil ka dard aur niraasha ke beej par kaabu paane ki shakti deta hai, jise dushman hamare dilon me gehraai taj ghusaane ki koshish karta hai, khaaskar jab jiwan kathin ho, parikshan lambe ho, yaa paristhitiyaan kathin ho. Jab hum aaj ki saansaarik chunaotiyon ki kathor hawa ka saamna kar rahe hai toh baaibal ki ek verse ham me se har ek ke liye achchi salaah deti hai: “Isliye apna aatmvishwaas mat tyaago.”
Pyaare bhaaiyo aur bahano, jo log Ishu Masih ke zariye Prabhu ke ghar me banaai gayi vachano me sachcha vishwaas haasil karte hai, unke paas sabse shaktishaali taakato me se ek hai jise hum is jiwan me haasil kar sakte hai.
Jaise ki hum ne is saal Come, Follow Me me Mormon Dharamshaastr ki stady ki hai, hum ne dekha hai ki kaise Nephi se is tarah ke vachan ke aatmvishwaas ki shakti ka khubshoorti se uddhaaran diya, jab Use Prabhu ke aadesh ke anusaar plaites haasil karne jaisi asafaltaaon aur chunaotiyon ka saamna karna pada. Nephi, Laman aur Lemuel ke darr aur vishwaas ki kami ke kaaran atyadhik dukhi hone ke baawajood, ne bharosa rakkha ki Prabhu unhe plaites pahunchaaenge. Usne apne bhaaiyo se kaha, “Jab tak Prabhu jiwit hai, aur hum log jiwit hai, hum jangal me apne pita ke paas tab tak nahi jaaenge jab tak hum woh kaam pura na kar lein jo Prabhu ne hame diya hai.” Prabhu ke vaadon par Nephi ke vishwaas ke kaaran, woh wah karne me safal tha jo use karne ka aadesh diya gaya tha. Baad me, apne sapne me, Nephi ne is prakaar ke aatmvishwaas ke prabhaao ko dekha, unhonne likha, “Mai Nephi, ne Parmeshwar ke Memne ki shakti ko dekha, ki wah Memne ke girja ke santo ke upar aaya, aur Prabhu ke vaachanbadh logon par utraa, … aur weh dhaarmikta aur mahaan mahima me Parmeshwar kee shakti ke saath sashastr[armed] the.”
Maine khud se Prabhu ke prempurn vaadon aur shakti ko Parmeshwar ke bachcho ke jiwan me behte dekha hai, jo unhe jiwan ki paristhitiyon ka saamna karne ke liye mazboot banati hai. Dusre din meri patni mandir me bhakti karne ke baad ghar aai aur usne mujhe bataya ki usne wahan jo anubhao kiya usse woh kitni prabhaawit hui. Jaise hi woh Prabhu ke ghar me gayi, usne dekha ki weelcheyar par ek aadmi bahut dheere-dheere jaa raha tha aur ek mahila chadi ki madad se badi kathinaai se chal rahi thi, dono saahaspurwak Prabhu ke ghar me bhakti karne ke liye aa rahe the. Jaise hi meri patni inishiatory ke jagah me gayi, usne ek pyaari bahan ko dekha, jiska ek haath—gaayab tha aur dufse haath—ka sirf ek hissa hi khoobsurti aur divye tarike se use diye gaye kisi bhi kaarye ko kar rahi tha.
Jaisa ki meri patni aur maine us anubhao ke baare me baat ki, hum ne tay kiya ki Parmeshwar dwara apne ghar me Unke saath ki gayi pavitr vachano ke zariye pradaan kiye gaye paak vaado me sirf shudh aur haardik vishwaas hi Masih ke un adhbhut shikshyon ko us thand ke din apne ghar chodhne ke liye prerit kar sakta hai, unki niji jiwan ki parishthitiyon ke baawajood.
Mere pyaare doston, agar koi ek cheez hai jo hamare paas ho sakti hai—aur ek chez jise hum apne bachcho aur pote-potiyon ko de sakte hai jo aage aane waali parikchaaon aur parikchano me har ek ki madad karegi—toh woh Ishu Masih ke zariye banaai gayi vachano me vishwaas hoga. Aysi divye sampati paane se unhe jeene me madad milegi jaisa ki Prabhu ne Apne wafadaar folowars se vaada kiya tha: “Mere shishye pavitr sthaano me khade honge, aur unhe wahan se hataya nahi jaaega.”
Hum Ishu Masih ke zariye aysa aatmvishwaas kaise paate hai? Yeh vinamrata ke zariye aata hai, hamare jiwan ko Rakshak par kendrit karna, Ishu Masih ke susamachaar ke siddhaanton ke anusaar jeena, moksh aur unnati ke dharamvidhiyon ko praapt karta, aur Unke pavitr ghar me Parmeshwar ke saath kiye gaye vachano ka sammaan karna.
October 2019 ke maha sammelan me apni shuruaati bhaashan me, hamare priye profat ne hamein vachano me vishwaas praapt karne me ek mahatwapurn kadam ke baare me yaad dilaate huwe kaha: “Prabhu ke ghar me jaane ke liye niji yogyata ke liye bahut adhik niji dhaarmik taeyaaru ki zaroorat hoti hai. … Niji yogyata ke liye Prabhu ki tarah banne, ek imaandaar naagrik banne, ek behtar uddharan banne, aur ek pavitr insaan banne ke liye mann aur hriday ke pura parivartit howe ke zaroorat hai.” Isliye, agar hum mandir me jaane ki apni taeyaari badalte hai, toh hum mandir me apna anubhao badal denge, jo mandir ke baahar hamare jiwan ko badal dega. “Tab tera bharosa Parmeshwar ke saamne mazboot ho jaaega; aur purohiti ka siddhaant tumhari aatma par swarg se oas ki tarah fael jaaega.”
Mai jaanta hoon ki ek bishop Praemeri me sabse puraane kaksha ko “Praemeri” kaksha ke rup me nahi balki “mandir ki taeyaari” kaksha ke rup me pukaarta hai. January me bishop ne kaksha ke sadasyon aur unke shikshako ko apne ofis, me bulaaya jahan weh is baare me baat karte hai ki weh mandir me jaane ki taeyaari ke liye pura saal kaise bitaaenge. Bishop laagu mandir recommend ke intarviu ke sawaalo ko padhne ke liye samay leta hai, jinhe baad me unke Praemeri lessons me shaamil kiya jaata hai. Woh bachcho ko taeyaar rehne ke liye amantrit karte hai taaki jab weh ek saal me bishop ke ofis me aaen, toh weh vishwaaspurn, vachan me vishwaas, mandir ki sifaarish praapt karne ke liye taeyaar ho aur Prabhu ke ghar me jaaen. Is saal bishop ke paas chaar jawaan ladkiyaan thi jo mandir jaane ke liye itni utsaahit, taeyaar aur vishwaaspurn thi ki weh chahati thi ki bishop Naye Saal ke Din 12:01 a.m. ke samay unki sifaarish ko chaape.
Taeyaari khali pehli baar mandir jaane waalon ke liye nahi hai. Hum sabhi ko Prabhu ke ghar jaane ke liye sada taeyaari karte rehna chahiye. Mujhe pata hai ki ek stake ne “Ghar kendrit, Girjaghar samarthit, aur mandir bound[jaana]” aadarsh waakye ko apnaaya hai. Bound[jaana/juda] ek dilchasp shabd hai ki iska matlab hai ek disha ki or jaana, par iska matlab yeh bhi hai ki isse juda ya surakshit kiya gaya hai, hal kiya gaya hai aur nirdhaarit kiya gaya hai, nishchit rup se. Isliye mandir se bandhe rehna hame Rakshak ke paas surakshit rakhta hai, hame uchit disha aur sthirta deta hai aur yeh sunishchit karta hai ki hamare paas Ishu Masih ke zariye vachan ka vishwaas hai. Isliye, hum sabhi ko jaanboojh kar Prabhu ke saath Unke pavitr ghar me apni agli niyukti nirdhaarit karke is tarah ke bandhan ko badhaana chahiye, chaahe mandir nazdeek ho yaa door.
Hamein hamare priye profat, President Russell M Nelson ne yaad dilaya tha: “Mandir hamare vishwaas aur aadhyaatmik drdhata ko mazboot karne ka kendr hai kyunki Uddhaarkarta aur Uska dharamsiddhaant mandir ka sabse avashyak bhaag hai. Mandir me jo kuch bhi sikhaaya jaata hai, nirdesh aur Aatma ke maadhyam se, Ishu Masih ke baare me hamari samajh ko badhaata hai. Unke aavashyak dharamsiddhaant hamein pavitr purohiti vachano ke zariye Unse baandhte hain. Phir, jab hum apni vaachano ka paalan karte hain, to Woh hamein Apni changaee, mazboot karne waali shakti pradaan karta hai. Aur oh, aane waale dino me hamein Uski shakti ki kaise aavashyakta hogee.”
Rakshak chahata hai ki hum badi spashtta ke saath yeh samajhne ke liye taeyaar ho ki hamein apne Swarg ke Pita ke saath Uske naam par vachano ko banate samay kaise kaarye karna chahiye. Woh chahata hai ki hum apne vishesh-adhikaaro, vaado, aur zimmedaariyo ka anubhao karne ke liye taeyaar rahein, un dhaarmik antardrishtiyon aur jaagrutiyon ke liye taeyaar rehna jinki hamein is jiwan me aawashyakta hai. Mai jaanta hoon ki jab Prabhu hamare jiwan ko Us par aur Uske ghar me banae gaye niyamo aur anubandho par kendrit karne ki hamari ichcha me ichcha ki ek chingaari ya dhaarmik koshish ki ek jhalak bhi dekhte hai, toh Woh hamein Apne sampurn tarike se ashirwaad denge, hamein jin chamatkaaro aur komal daya ki aawashyakta hai ke mutaabik.
Prabhu ka ghar woh jagah hai jahan hum uch aur pavitr tariko se pariwartit ho sakte hai. Isliye, jab hum mandir se baahar nikalte hai, vachano ke vaado me hamari aasha se pariwartit hokar, upar se shakti se badal kar, hum mandir ko apne gharon aur jiwan me apne saath le jaate hai. Mai aapko vishwaas dilaata hoon ki Prabhu ke ghar ki aatma ka hamare andar hona hamein puri tarah se badal deta hai.
Hum bhi mandir se jaante hai ki agar hum chahate hai ki Prabhu ki Aatma hamare jiwan me aane se ruke nahi, toh hamein kisi ke prati nirdayi bhaaona nahi rakhni chahiye. Nirdayi bhaaonaaon ya vichaaro ko apne dil ya dimaag me jagah dene se nirdayi shabd aur kaarye utpann honge, chaahe woh sochal midia par ho ya hamare gharon me, jisse Prabhu ki Aatma hamare dilon se hat jaaegi. Isliye, kripya apna aatmvishwaas na khoe, balki apne aatmvishwaas ko mazboot hone dein.
Mandiron ka chal raha aur tej hota nirmaan hamein utsaahit, prerit, aur aashirwaad deta rahega. Mahatwapurn baat yeh hai ki, jaise hi hum mandir me jaane ki apni taeyaari badalte hai, toh hum mandir me apna anubhao badal denge, jo mandir ke baahar hamare jiwan ko badal dega. Yeh pariwartan hamein Ishu Masih ke zariye Parmeshwar ke saath banaai gayi hamari pavitr vachano me vishwaas se bhar dein. Parmeshwar jiwit hai, Ishu hamara Rakshak hai, aur yeh dharti par Uska punahsthaapit Girjaghar hai. Mai shraddhapurwak hamare Rakshak, Ishu Masih ke pavitr naam se in sachchaaiyon ki ghoshna karta hoon, amen.