ឱបក្រសោបយកអនាគតដោយសេចក្ដីជំនឿ
ថ្ងៃអនាគតនឹងរុងរឿងសម្រាប់អស់អ្នកដែលបានត្រៀមខ្លួន ហើយដែលបន្ដត្រៀមខ្លួនធ្វើជាឧបករណ៍នៅក្នុងព្រះហស្តរបស់ព្រះអម្ចាស់ ។
នេះជាដែលមិនអាចបំភ្លេចបាន ។ បងប្អូនស្ត្រីជាទីស្រឡាញ់ ខ្ញុំមានកិត្តិយសដែលនៅជាមួយបងប្អូន ។ បងប្អូនបានដក់ជាប់ក្នុង ចិត្តខ្ញុំជាញឹកញាប់ អំឡុងប៉ុន្មានខែកន្លងទៅ នេះ ។ បងប្អូនរឹងមាំច្រើនជាងមនុស្សចំនួនប្រាំបីលាននាក់ទៅទៀត ។ បងប្អូនមិនគ្រាន់តែជា ចំនួន ប៉ុណ្ណោះទេ ប៉ុន្តែជា អំណាចខាងវិញ្ញាណ ដើម្បីផ្លាស់ប្ដូរពិភពលោក ។ ខ្ញុំបានឃើញបងប្អូនធ្វើដូច្នោះអំឡុងពេលជំងឺរាតត្បាតនេះ ។
បងប្អូនមួយចំនួន បានឃើញខ្លួនឯងថាត្រូវស្វែងរកសម្ភារកម្រ ឬការងារថ្មីភ្លាមៗ ។ មានបងប្អូនជាច្រើនបានបង្រៀនកូនៗនៅផ្ទះ និងមើលថែអ្នកជិតខាង ។ បងប្អូនមួយចំនួនទៀតបានស្វាគមន៍អ្នកផ្សព្វផ្សាយសាសនាដែលត្រលប់មកផ្ទះមុនកំណត់ដែលរំពឹងទុក ខណៈដែលបងប្អូនផ្សេងទៀតបានប្រែផ្ទះរបស់ខ្លួនទៅជាមជ្ឈមណ្ឌលបំពាក់បំប៉នអ្នកផ្សព្វផ្សាយសាសនា ។ បងប្អូនបានប្រើបច្ចេកវិទ្យាដើម្បីទាក់ទងគ្រួសារ និងមិត្តភក្ដិ ដើម្បីផ្ដល់ការងារបម្រើដល់អស់អ្នកដែលមានអារម្មណ៍ឯកោ ហើយសិក្សាសៀវភៅ ចូរមកតាមខ្ញុំជាមួយអ្នកដទៃ ។ បងប្អូនបានរករបៀបថ្មីដើម្បីធ្វើឲ្យថ្ងៃឈប់សម្រាករីករាយ ។ ហើយបងប្អូនបានធ្វើម៉ាស់ការពារ— រាប់លានម៉ាស់ !
ដោយក្ដីមេត្តា និងក្ដីស្រឡាញ់អស់ពីចិត្ត ដួងចិត្តខ្ញុំបានគិតដល់ស្ត្រីជាច្រើននៅជុំវិញពិភពលោកដែលមនុស្សជាទីស្រឡាញ់របស់ខ្លួនបានទទួលមរណភាព ។ ពួកយើងយំជាមួយបងប្អូន ។ ហើយពួកយើងអធិស្ឋានសម្រាប់បងប្អូន ។ ពួកយើងកោតសរសើរ និងអធិស្ឋានសម្រាប់មនុស្សទាំងអស់ដែលធ្វើការយ៉ាងនឿយហត់ដើម្បីការពារដល់សុខភាពរបស់អ្នកដទៃ ។
យុវនារី ទាំងឡាយ ក្មួយៗ រាល់ គ្នាក៏អស្ចារ្យផងដែរ ។ ទោះជានៅក្នុងប្រព័ន្ធផ្សព្វផ្សាយមានពេញទៅដោយការឈ្លោះទាស់ទែង តែបងប្អូនរាល់គ្នាជាច្រើនបានរកឃើញរបៀបដើម្បីលើកទឹកចិត្តដល់អ្នកដទៃ ហើយចែកចាយពន្លឺនៃព្រះអង្គសង្គ្រោះរបស់យើង ។
បងប្អូនស្រី ទាំងឡាយ បងប្អូនគឺ ជាវិវរនារីយ៉ាងពិតប្រាកដ ! ខ្ញុំស្ងើចសរសើរចំពោះភាពរឹងមាំ និងសេចក្ដីជំនឿរបស់បងប្អូន ។ បងប្អូនបានបង្ហាញថា ទោះនៅក្នុងស្ថានភាពលំបាកក្ដី ក៏បងប្អូនបានអនុវត្តដោយក្លាហានដែរ ។ ខ្ញុំស្រឡាញ់បងប្អូន ហើយខ្ញុំអះអាងនឹងបងប្អូនថា ព្រះអម្ចាស់ស្រឡាញ់បងប្អូន ហើយទតឃើញកិច្ចការអស្ចារ្យដែលបងប្អូនកំពុងធ្វើ ។ សូមអរគុណ ! ជាថ្មីម្ដងទៀត បងប្អូនបានបង្ហាញថា បងប្អូនពិតជាក្ដីសង្ឃឹមនៃអ៊ីស្រាអែល !
បងប្អូនជាតំណាងឲ្យក្ដីសង្ឃឹមដែលប្រធានហ្គរដិន ប៊ី ហ៊ិងគ្លី មានចំពោះបងប្អូន នៅពេលលោកបានណែនាំអំពី « ក្រុមគ្រួសារ ៖ ការប្រកាសដល់ពិភពលោក » កាលពី ២៥ ឆ្នាំកន្លងទៅនៅខែវិច្ឆិកា ឆ្នាំ ១៩៩៥ ក្នុងការប្រជុំសមាគមសង្គ្រោះទូទៅ ។ ១ វាសំខាន់ដែលលោកបានជ្រើសរើសណែនាំអំពីការប្រកាសដ៏សំខាន់នេះទៅកាន់បងប្អូនស្ត្រីក្នុងសាសនាចក្រ ីអាចជំនួសបានទេ ។
ឥឡូវ ខ្ញុំចង់ដឹងអំពីអ្វីដែលបងប្អូនបានរៀននៅឆ្នាំនេះ ។ តើបងប្អូនបានខិតកាន់តែជិតព្រះអម្ចាស់ ឬតើបងប្អូនមានអារម្មណ៍ឃ្លាតឆ្ងាយពីទ្រង់ ? ហើយតើព្រឹត្តការណ៍បច្ចុប្បន្នបានធ្វើឲ្យបងប្អូនមានអារម្មណ៍យ៉ាងណាអំពីអនាគត ?
ប្រាកដណាស់ ព្រះអម្ចាស់បានមានបន្ទូលអំពីជំនាន់របស់យើងក្នុងព្រះបន្ទូលស្រគត់ស្រគំ ។ ទ្រង់បានព្រមានថា នៅក្នុងជំនាន់របស់យើង « មនុស្សនឹង[ ស្រយុត ] ចិត្តរបស់ពួកគេ » ២ ហើយសូម្បីតែអ្នកជម្រើសក៏នឹងត្រូវស្ថិតនៅក្នុងហានិភ័យនៃការត្រូវគេបញ្ឆោតផងដែរ ។ ៣ ទ្រង់បានប្រាប់ដល់ព្យាការី យ៉ូសែប ស៊្មីធ ថា « សេចក្ដីសុខសាន្ដនឹងត្រូវយកចេញពីផែនដីទៅ » ៤ ហើយវិបត្តិភ័យនឹងកើតឡើងចំពោះមនុស្សលោក ។ ៥
ប៉ុន្តែព្រះអម្ចាស់ក៏បានប្រទានការនិមិត្តមួយអំពីភាពអស្ចារ្យនៃគ្រាកាន់កាប់ត្រួតត្តានេះផងដែរ ។ ទ្រង់បានបំផុសគំនិតដល់ព្យាការី យ៉ូសែប ស៊្មីធឲ្យប្រកាសថា « កិច្ចការរបស់… ថ្ងៃចុងក្រោយទាំងនេះ គឺមានទំហំដ៏ធំមួយ ។… សិរីល្អ គឺពុំអាចពិពណ៌នាបាន ហើយរុងរឿងជាអនេករកថ្លែងពុំបាន » ។ ៦
ឥឡូវ ភាពរុងរឿងមិនអាចជាពាក្យដែលបងប្អូននឹងជ្រើសរើសមកពិពណ៌នាអំពីអ្វីដែលកើតឡើងកាលពីប៉ុន្មានខែកន្លងទៅនេះទេ ! តើយើង ត្រូវ ប្រឈមនឹងការព្យាការណ៍ដោយស្រងូតស្រងាត់ និងការប្រកាសដ៏រុងរឿងអំពីជំនាន់របស់យើងយ៉ាងដូចម្ដេច ? ព្រះអម្ចាស់បានប្រាប់យើងថាវាជាការអះអាងដ៏សាមញ្ញ ប៉ុន្តែវាធ្វើឲ្យភ្ញាក់ផ្អើល ថា ៖ « បើសិនជាអ្នករាល់គ្នាបានប្រុងប្រៀបទុកជាស្រេច នោះអ្នករាល់គ្នានឹងមិនត្រូវខ្លាចឡើយ » ។ ៧
ឱនេះជាការ សន្យា ដ៏ អស្ចារ្យមួយ ! វាគឺ ជាការសន្យាមួយដែលពិតជាអាចផ្លាស់ប្ដូររបៀបដែលយើងមើលទៅអនាគតរបស់យើង ។ ថ្មីៗនេះខ្ញុំបានស្ដាប់ឮទីបន្ទាល់ដ៏៏ជ្រាលជ្រៅរបស់ស្ត្រីម្នាក់ ទទួលស្គាល់ថា ជំងឺរាតត្បាត រួមទាំងការរញ្ជួយដីនៅ ជ្រលងសលត៍ លេក បានជួយគាត់ឲ្យដឹងថា គាត់ពុំបានរៀបចំខ្លួនដូចដែលគាត់គិតនោះទេ ។ នៅពេលខ្ញុំបានសួរថាតើគាត់ចង់សំដៅទៅលើការស្ដុកទុកអាហាររបស់គាត់ ឬ ទីបន្ទាល់របស់គាត់ នោះគាត់បានញញឹម ហើយថ្លែងថា « ចា៎ស !
បើការត្រៀមខ្លួនគឺជាគន្លឹះរបស់យើងដើម្បីឱបក្រសោបគ្រាកាន់កាប់ត្រួតត្រានេះ និងអនាគតរបស់យើងដោយសេចក្ដីជំនឿ តើយើងអាចត្រៀមខ្លួនឲ្យល្អបំផុតបានយ៉ាងដូចម្ដេច ?
អស់រយៈពេលជាច្រើនទស្សវត្សរ៍ ពួកព្យាការីរបស់ព្រះអម្ចាស់ បានជម្រុញយើងឲ្យស្ដុកអាហារ ទឹក និងការបម្រុងទុកខាងហិរញ្ញវត្ថុសម្រាប់ គ្រាដែលខ្វះខាត ។ ជំងឺរាតត្បាតបច្ចុប្បន្ននេះ បានពង្រឹងដល់គតិបណ្ឌិតនៃការទូន្មាននោះ។ ខ្ញុំសូមជម្រុញចិត្តបងប្អូនឲ្យបោះជំហាននានាដើម្បីត្រៀមទុកជាបណ្ដោះអាសន្ន ។ ប៉ុន្តែខ្ញុំកាន់តែបារម្ភអំពីការត្រៀមខ្លួនខាងវិញ្ញាណ និងខាងសតិអារម្មណ៍របស់បងប្អូន ។
ក្នុងន័យនោះ យើងអាចរៀនច្រើនមកពីមេទ័ពមរ៉ូណៃ ។ ក្នុងនាមជាមេទ័ពនៃកងទ័ពសាសន៍នីហ្វៃ លោកបានប្រឈមនឹងកម្លាំងសត្រូវដែលមានចំនួនច្រើនជាង ខ្លាំងជាង ហើយកាចសាហាវជាង ។ ដូច្នេះ មរ៉ូណៃបានរៀបចំមនុស្សរបស់លោកតាមរបៀបសំខាន់បីយ៉ាង ។
ទីមួយ លោកបានជួយពួកគេឲ្យបង្កើតតំបន់សុវត្ថិភាព— ដែលលោកហៅវាថា « ទីកន្លែងសន្ដិសុខទាំងឡាយ » ។ ៨ ទីពីរ លោកបានរៀបចំ « ចិត្តគំនិតរបស់ប្រជាជនឲ្យស្មោះត្រង់ចំពោះព្រះអម្ចាស់ជាព្រះរបស់ពួកគេ » ។ ៩ ហើយ ទីបី លោកពុំឈប់រៀបចំប្រជាជនរបស់លោក— ទាំងខាងសាច់ឈាម ឬខាងវិញ្ញាណឡើយ ។ ១០ ចូរយើងគិតអំពីគោលការណ៍ទាំងបីនេះ ។
គោលការណ៍ទីមួយ ៖ បង្កើតទីកន្លែងសន្ដិសុខទាំងឡាយ ។
មរ៉ូណៃបានធ្វើបន្ទាយការពារគ្រប់ទីក្រុងសាសន៍នីហ្វៃដោយទំនប់ដី បន្ទាយតូចៗ និងកំផែង ។ ១១ នៅពេលសាសន៍លេមិនមកទាស់នឹងពួកគេ នោះពួកគេ « មានការភ្ញាក់ផ្អើលហួសប្រមាណ ដោយព្រោះប្រាជ្ញារបស់ពួកសាសន៍នីហ្វៃក្នុងការរៀបចំទីកន្លែងសន្ដិសុខទាំងឡាយរបស់ពួកគេ » ។ ១២
ស្រដៀងគ្នានេះដែរ នៅពេលភាពចលាចលគ្រហឹមនៅជុំវិញ យើង នោះយើងចាំបាច់ត្រូវសង់ទីកន្លែងនានាដែល យើង មានសុវត្ថិភាព ទាំងខាងសាច់ឈាម និងខាងវិញ្ញាណ ំនឿផ្ទាល់ខ្លួន —ដែលមានព្រះវិញ្ញាណគង់នៅ— នោះគេហដ្ឋានរបស់បងប្អូនក្លាយជាជួរការពារមុខគេ ។
ស្ដេកនៃស៊ីយ៉ូន ក៏ជា « ទីជ្រកកោនពីព្យុះសង្ឃរា » ១៣ ដោយសារវាត្រូវបានដឹកនាំដោយអស់អ្នកដែលកាន់កូនសោបព្វជិតភាព ហើយអនុវត្តសិទ្ធិអំណាចបព្វជិតភាព ។ នៅពេលបងប្អូនបន្ដធ្វើតាមការទូន្មានពីអស់អ្នកដែលព្រះអម្ចាស់បានផ្ដល់សិទ្ធិឲ្យដឹកនាំបងប្អូន នោះបងប្អូននឹងមានអារម្មណ៍កាន់តែមានសុវត្ថិភាព ។
ព្រះវិហារបរិសុទ្ធ ព្រះ—ដំណាក់របស់ព្រះអម្ចាស់—គឺជាទីនៃសន្ដិសុខ ខុសពីកន្លែងណាៗទាំងអស់ ។ នៅទីនោះ បងប្អូនស្ត្រីត្រូវបានទទួលអំណោយទានជាមួយនឹងអំណាចបព្វជិតភាពតាមរយៈសេចក្ដីសញ្ញាបព្វជិតភាពដ៏ពិសិដ្ឋដែលបងប្អូនបានធ្វើ ។ ១៤ នៅទីនោះ គ្រួសារបងប្អូនត្រូវបានផ្សារភ្ជាប់សម្រាប់ភាពអស់កល្បជានិច្ច ។ ទោះជាឆ្នាំនេះ កាលដែលការចូលទៅកាន់ព្រះវិហារបរិសុទ្ធរបស់យើងត្រូវបានដាក់កំហិតខ្លាំងក្ដី ក៏អំណោយទានពិសិដ្ឋរបស់បងប្អូន ផ្ដល់ឲ្យបងប្អូននូវលទ្ធភាពចូលទៅកាន់ព្រះចេស្ដារបស់ព្រះ នៅពេលបងប្អូនគោរពតាមសេចក្ដីសញ្ញាទាំងឡាយរបស់បងប្អូនជាមួយទ្រង់ ។
និយាយដោយសាមញ្ញទៅ ទីកន្លែងនៃសន្ដិសុខទាំងឡាយ គឺជា ទីកន្លែងណាក៏ដោយ ដែលបងប្អូនអាចទទួលអារម្មណ៍ដឹងពីវត្តមានរបស់ព្រះវិញ្ញាណបរិសុទ្ធ ហើយត្រូវបានដឹកនាំដោយទ្រង់ ។ ១៥ នៅពេលព្រះវិញ្ញាណបរិសុទ្ធគង់នៅនឹងបងប្អូន នោះបងប្អូនអាចបង្រៀនសេចក្ដីពិត ទោះជាវាផ្ទុយពីគំនិតលោកិយក្ដី ។ ហើយបងប្អូនអាចពិចារណាអំពីសំណួរអស់ពីចិត្តអំពីដំណឹងល្អនៅក្នុងបរិដ្ឋាននៃវិវរណៈ ។
បងប្អូនស្រីជាទីស្រឡាញ់ ខ្ញុំសូមអញ្ជើញបងប្អូនឲ្យបង្កើតគេហដ្ឋានមួយដែលជាទីកន្លែងនៃសន្ដិសុខទាំងឡាយ ។ ហើយខ្ញុំសូមរំឭកការអញ្ជើញរបស់ខ្ញុំទៅកាន់បងប្អូនឡើងវិញថា សូមបងប្អូនបង្កើនការយល់ដឹងរបស់បងប្អូនអំពីអំណាចបព្វជិតភាព និងសេចក្ដីសញ្ញា និងពរជ័យទាំងឡាយនៃព្រះវិហារបរិសុទ្ធ ។ ការមានទីកន្លែងនៃសន្ដិសុខទាំងឡាយដែលបងប្អូនអាចជាទៅដើម្បីមានសុវត្ថិភាព នឹងជួយបងប្អូនឱបក្រសោបយកអនាគតដោយសេចក្ដីជំនឿ ។
គោលការណ៍ទីពីរ ៖ រៀបចំគំនិតរបស់បងប្អូនឲ្យស្មោះត្រង់ចំពោះព្រះ ។
យើងកំពុងធ្វើគម្រោងដ៏ធំមួយដើម្បីបន្ដជីវិត និងចំណុះនៃព្រះវិហារបរិសុទ្ធសលត៍ លេក ។
អ្នកខ្លះបានឆ្ងល់ថាហេតុអ្វីចាំបាច់ត្រូវធ្វើការវាស់វែងខុសប្លែកពីធម្មតាដូច្នេះធ្វើអ្វី ។ ទោះជាយ៉ាង នៅពេលជ្រលងសលត៍ លេករងនូវការរញ្ជួយដីកម្រិត ៥.៧ កាលពីដើមឆ្នាំនេះ នោះវាធ្វើឲ្យព្រះវិហារបរិសុទ្ធជាទីសក្ការៈនេះ ញ័រខ្លាំងរហូតទាល់តែត្រែនៅលើរូបទេវតាមរ៉ូណៃត្រូវបានធ្លាក់ចុះ ! ១៦
ក៏ដូចជាគ្រឹះព្រះវិហារបរិសុទ្ធសលត៍ លេក ត្រូវតែរឹងមាំគ្រប់គ្រាន់ដើម្បីទប់ទល់នឹងគ្រោះធម្មជាតិ នោះគ្រឹះ ខាងវិញ្ញាណ របស់យើង គឺត្រូវតែរឹងមាំផងដែរ ។ បន្ទាប់មក នៅពេលការរញ្ជួយដីជាន័យ ធៀបការរញ្ជួយក្នុងជីវិតយើង នោះយើងអាចឈរ « នៅខ្ជាប់ខ្ជួន ហើយនឹងនរ » ដោយសារតែសេចក្ដីជំនឿរបស់យើង ។ ១៧
ព្រះអម្ចាស់បានបង្រៀនយើងអំពីរបៀបចម្រើនសេចក្ដីជំនឿរបស់យើងដោយការស្វែងរក « ការរៀនសូត្រ គឺដោយសារការសិក្សា និងដោយសារសេចក្ដីជំនឿផង » ។ ១៨ យើងពង្រឹងសេចក្ដីជំនឿរបស់យើងទៅលើព្រះយេស៊ូវគ្រីស្ទ នៅពេលយើងព្យាយាមរក្សាបទបញ្ញត្តិរបស់ទ្រង់ ហើយ « តែងតែចងចាំទ្រង់ជានិច្ច » ។ ១៨ បន្ថែមពីលើនោះ សេចក្ដីជំនឿរបស់យើងចម្រើនឡើងគ្រប់ពេល ដែលយើង អនុវត្ត សេចក្ដីជំនឿរបស់យើងទៅលើទ្រង់ ។ នោះគឺជាអត្ថន័យនៃការរៀនសូត្រដោយសារសេចក្ដីជំនឿ ។
ឧទាហរណ៍ រាល់ពេលដែលយើងមានជំនឿគោរពតាមក្រឹត្យវិន័យរបស់ទ្រង់ — ទោះជាពេលដែលគំនិតលោកិយមិនឲ្យតម្លៃយើង — ឬរាល់ពេលដែលយើងមិនព្រមធ្វើតាមការ កម្សាន្ដ ឬជំនឿដែលធ្វើឡើងដើម្បីបំបាក់សេចក្ដីសញ្ញា នោះយើងកំពុងអនុវត្ត សេចក្ដីជំនឿរបស់យើង ដែលនឹងនាំឲ្យចម្រើនសេចក្ដីជំនឿរបស់យើងហើយ ។
បន្ថែមពីលើមាន រឿងមួយចំនួនដែលស្ថាបនាសេចក្ដីជំនឿច្រើនជាងការជ្រមុជខ្លួនទៅក្នុងព្រះគម្ពីរមរមនជាទៀងទាត់ ។ គ្មានគម្ពីរណាផ្សេងទៀតដែលថ្លែងទីបន្ទាល់អំពីព្រះយេស៊ូវគ្រីស្ទដោយព្រះចេស្ដា និងភាពច្បាស់លាស់ដូច្នេះទេ ។ ព្យាការី ដូចបានបំផុសគំនិតដោយព្រះអម្ចាស់ បានមើលឃើញជំនាន់របស់យើង ហើយបានជ្រើសរើសគោលលទ្ធិ និងសេចក្ដីពិតដែលនឹងជួយយើង បំផុត ។ ព្រះគម្ពីរមរមនគឺជាការដឹកនាំដ៏រស់រវើកនៅថ្ងៃចុងក្រោយរបស់យើង ។
ប្រាកដណាស់ សន្ដិសុខនៅទីបំផុតរបស់យើង កើតមាន នៅពេលយើងទឹមខ្លួនយើងទៅនឹងព្រះវរបិតាសួគ៌ និងព្រះយេស៊ូវ គ្រីស្ទ ! ជីវិតដោយគ្មានព្រះគឺជាជីវិតដែលមានពេញដោយភាពភ័យខ្លាច ។ ជីវិតដែលមានព្រះគឺជាជីវិតដែលមានពេញដោយភាពសុខសាន្ដ ។ នេះគឺដោយសារតែពរជ័យខាងវិញ្ញាណកើតមានដល់ជនស្មោះត្រង់ ។ ការទទួលវិវរណៈផ្ទាល់ខ្លួន គឺជាពរជ័យដ៏ធំបំផុតមួយនៃពរជ័យទាំងនោះ ។
ព្រះអម្ចាស់បានសន្យាថា បើយើងនឹងសូម នោះយើងអាចទទួល « វិវរណៈថែមទៅលើវិវរណៈ » ។ ២០ ខ្ញុំសន្យាថា នៅពេលបងប្អូនបង្កើនសមត្ថភាពដើម្បីទទួលវិវរណៈ នោះព្រះអម្ចាស់នឹងប្រទានពរដល់បងប្អូននូវការដឹកនាំបន្ថែមសម្រាប់ជីវិតបងប្អូន និងអំណោយទាននៃព្រះវិញ្ញាណដ៏ឥតព្រំដែន ។
គោលការណ៍ទីបី ៖ កុំបញ្ឈប់ការត្រៀមខ្លួនឡើយ ។
ទោះជានៅពេលអ្វីៗដំណើរការទៅល្អក្ដី ក៏មេទ័ពមរ៉ូណៃបន្ដរៀបចំប្រជាជនរបស់លោកដែរ ។ លោកពុំដែលបញ្ឈប់ឡើយ ។ លោកពុំដែលឥតខ្វាយខ្វល់ឡើយ ។
មារសត្រូវពុំបញ្ឈប់ការវាយប្រហារឡើយ ។ ដូច្នេះ យើងពុំអាចបញ្ឈប់ការត្រៀមខ្លួនឡើយ ណ៍ និងខាងវិញ្ញាណ— នោះយើងកាន់តែត្រៀមខ្លួនការពារទប់ទល់នឹងការវាយប្រហារមិនចេះចប់មិនចេះហើយរបស់សាតាំង ។
បងប្អូនស្រីជាទីស្រឡាញ់ បងប្អូនកាន់តែជំនាញក្នុងការបង្កើតទីកន្លែងនៃសន្ដិសុខទាំងឡាយសម្រាប់ខ្លួនឯង និងដល់អស់អ្នកជាទីស្រឡាញ់របស់បងប្អូន ។ បន្ថែម ពីលើនោះ បងប្អូនមានអំណោយទានពិសិដ្ឋដ៏ទេវភាព ដែលអាចឲ្យបងប្អូនស្ថាបនាសេចក្ដីជំនឿនៅក្នុងខ្លួនអ្នកដទៃតាមរបៀបដ៏មានឥទ្ធិពល ។ ២១ ហើយបងប្អូនពុំត្រូវបញ្ឈប់ឡើយ ។ បងប្អូនបានបង្ហាញជាថ្មីម្ដងទៀតនៅក្នុងឆ្នាំនេះ ។
សូមបន្តឆ្ពោះទៅមុខ ! ការប្រុងប្រយ័ត្នរបស់បងប្អូនក្នុងការការពារគេហដ្ឋានរបស់បងប្អូន និងបណ្ដុះសេចក្ដីជំនឿនៅក្នុងដួងចិត្តរបស់មនុស្សជាទីស្រឡាញ់របស់បងប្អូន នឹងច្រូតកាត់រង្វាន់អស់ជាច្រើនជំនាន់ខាងមុខ ។
បងប្អូនស្ត្រីជាទីស្រឡាញ់ យើងមានអ្វីៗជាច្រើន ដើម្បីទន្ទឹងចាំ ! ព្រះអម្ចាស់បានដាក់បងប្អូននៅទីនេះ ក្នុងពេលនេះ ដោយសារតែទ្រង់ស្គាល់បងប្អូនថាមានសមត្ថភាពដើម្បីចរចារនឹងភាពស្មុគស្មាញនានានៃផ្នែកចុងក្រោយនៃជំនាន់ចុងក្រោយនេះ ។ ទ្រង់បានដឹងថាបងប្អូននឹងចាប់យកភាពរុងរឿងនៃកិច្ចការទ្រង់ ហើយចង់ជួយឲ្យវាកើតឡើង ។
ខ្ញុំមិននិយាយថា នៅថ្ងៃខាងមុខនឹងងាយស្រួលទេ ប៉ុន្តែខ្ញុំសន្យានឹងបងប្អូនថា អនាគតនឹងរុងរឿងសម្រាប់អស់អ្នកដែលត្រៀមខ្លួន ហើយដែលបន្ដត្រៀមខ្លួនធ្វើជាឧបករណ៍នៅក្នុងព្រះហស្តរបស់ព្រះអម្ចាស់ ។
បងប្អូនស្ត្រីជាទីស្រឡាញ់ ចូរយើងកុំគ្រាន់តែស៊ូទ្រាំក្នុងរដូវកាលបច្ចុប្បន្ននេះប៉ុណ្ណេះឡើយ ។ ចូរយើងឱបក្រសោបយកអនាគតដោយសេចក្ដីជំនឿ ! គ្រាចលាចលគឺជាឱកាសសម្រាប់យើងសន្សំសំចៃខាងវិញ្ញាណ ។ វាជាគ្រាដែលឥទ្ធិពលរបស់យើងអាចនឹងមានឥទ្ធិពលចាក់ទម្លុះច្រើនជាងគ្រាមានភាពស្ងប់ស្ងាត់ទៅទៀត ។
ខ្ញុំសូមសន្យាថា នៅពេលយើងបង្កើតទីកន្លែងនៃសន្ដិសុខទាំងឡាយ ត្រៀមចិត្តគំនិតរបស់យើងដើម្បីស្មោះត្រង់ចំពោះព្រះ និងមិនដែលបញ្ឈប់ត្រៀមខ្លួន នោះព្រះនឹងប្រទានពរយើង ។ ទ្រង់នឹង « …ដោះលែងពួកយើង ឲ្យរួច មែនហើយ ដរាបដល់ទ្រង់មានព្រះបន្ទូលនូវសេចក្ដីសុខសាន្ដដល់ព្រលឹងពួកយើង ហើយបានប្រទានដល់យើងនូវសេចក្ដីជំនឿដ៏ធំ ហើយបានធ្វើឲ្យយើង[ មាន ]សេចក្ដីសង្ឃឹមដល់ការដោះលែងពួកយើងក្នុងទ្រង់ » ។ ២២
នៅពេលបងប្អូនរៀបចំខ្លួនដើម្បីឱបក្រសោបអនាគតដោយសេចក្ដីជំនឿ នោះការសន្យាទាំងនេះនឹងជារបស់បងប្អូន ! ខ្ញុំសូមថ្លែងទីបន្ទាល់ដូច្នោះ ដោយសេចក្ដីស្រឡាញ់ចំពោះបងប្អូននិងដោយមានទំនុកចិត្តទៅលើបងប្អូន នៅក្នុងព្រះនាមនៃព្រះយេស៊ូវគ្រីស្ទ អាម៉ែន ៕