អំណាចនៃការព្យាបាលរបស់ព្រះយេស៊ូវគ្រីស្ទ
នៅពេលយើងមករកព្រះយេស៊ូវគ្រីស្ទដោយការអនុវត្តសេចក្ដីជំនឿទៅលើទ្រង់ ការប្រែចិត្ត ហើយការធ្វើ និងការរក្សាសេចក្ដីសញ្ញា ភាពបាក់បែករបស់យើង— មិនថាមូលហេតុអ្វីទេ— អាចត្រូវបានព្យាបាល ។
ចាប់តាំងពីដើមឆ្នាំនេះ យើងបានជួបនឹងព្រឹត្តិការណ៍ដែលមិនបានរំពឹងទុកជាច្រើន ។ ការបាត់បង់ជីវិត និងប្រាក់ចំណូល ដោយសារតែជំងឺរាតត្បាតជាសាកលបានជះឥទ្ធិពលយ៉ាងធ្ងន់ធ្ងរដល់សហគមន៍ និងសេដ្ឋកិច្ចពិភពលោក ។
ការរញ្ជួយដី អគ្គីភ័យ និងទឹកជំនន់នៅតំបន់ផ្សេងៗក្នុងពិភពលោក ក៏ដូចជាគ្រោះមហន្តរាយផ្សេងៗទាក់ទិននឹងអាកាសធាតុ ដែលបានធ្វើឲ្យមនុស្សលោកមានអារម្មណ៍ថាគ្មានពំនឹង អស់សង្ឃឹម និងខូចចិត្ត ដោយការងឿងឆ្ងល់ថាតើជីវិតរបស់ពួកគេនឹងប្រែក្លាយដូចដើមឬអត់ ។
ខ្ញុំ សូម ប្រាប់ បងប្អូន នូវ ដំណើររឿង ផ្ទាល់ខ្លួនអំពីការបែកបាក់មួយ ។
នៅពេលកូនៗរបស់យើងនៅតូច ពួកគេបានសម្រេចចិត្តថាពួកគេចង់រៀនព្យាណូ ។ ស្វាមីរបស់ខ្ញុំ រ៉ូឌី ហើយនឹងខ្ញុំចង់ផ្តល់ឱកាសនេះដល់កូនៗណាស់ ប៉ុន្តែ យើងគ្មានព្យាណូនោះទេ ។ យើងគ្មានប្រាក់ទិញព្យាណូថ្មីនោះទេ ដូច្នេះ រ៉ូឌី ក៏ចាប់ផ្តើមរកទិញព្យាណូជជុះមួយ ។
បុណ្យគ្រីស្ទម៉ាស់នៅឆ្នាំនោះ គាត់បានធ្វើឲ្យយើងទាំងអស់គ្នាមានការភ្ញាក់ផ្អើលជាមួយព្យាណូមួយ ហើយជាច្រើនឆ្នាំមកនេះកូនៗរបស់យើងបានរៀនលេងព្យាណូ ។
នៅពេលកូនប្រុសរបស់យើងធំឡើង ហើយចេញទៅរស់នៅក្រៅ ព្យាណូចាស់នោះទុកហាលដីចោល ដូច្នោះយើងក៏លក់វាចេញ ្សំប្រាក់បានខ្លះ ។ នៅថ្ងៃមួយ រ៉ូឌី បាននិយាយថា « បងគិតថា ដល់ពេលដែលយើងត្រូវទិញព្យាណូថ្មីហើយ » ។
ខ្ញុំបានសួរថា « ហេតុអ្វីយើងត្រូវទិញព្យាណូថ្មី បើយើងទាំងពីរនាក់មិនចេះលេងព្យាណូផងហ្នឹង ? »
គាត់បាននិយាយថា « ឱ ! ប៉ុន្តែ យើងអាចទិញព្យាណូដែលអាចចាក់ភ្លេងបាន ! តាមរយៈការប្រើiPad នោះអូនអាចដាក់កម្មវិធីឲ្យព្យាណូលេងភ្លេងជាង ៤,០០០ បទឯណោះ បូករួមទាំង ទំនុកតម្កើង ចម្រៀងក្រុមចម្រៀងរោងឧបោសថ ចម្រៀងកុមារទាំងអស់ និងមានបទចម្រៀងជាច្រើនទៀត » ។
រ៉ូឌី ជាអ្នកលក់ដ៏ជំនាញ ។
យើងបានទិញព្យាណូចាក់ភ្លេងថ្មីដ៏ស្រស់ស្អាតមួយ ហើយពីរបីថ្ងៃ ក្រោយមក បុរសមាឌធំពីរនាក់បានដឹកមកដល់ផ្ទះរបស់យើង ។
ខ្ញុំបានប្រាប់ឲ្យពួកគេដាក់នៅកន្លែងដែលខ្ញុំចង់ដាក់ ហើយយកវាចេញពីផ្លូវ ។
វាគឺជាព្យាណូដ៏ធំស្អាតមួយ ហើយដើម្បីយកវាចូលក្នុងផ្ទះបាន ពួកគេបានដកជើងព្យាណូចេញ ហើយបានដាក់ព្យាណូផ្តេកនៅលើរទេះរុញដែលពួកគេបានយកមកជាមួយ ។
ផ្ទះរបស់យើងរៀងចោតបន្តិច ហើយជាអកុសលនៅពីមុនថ្ងៃនោះមានព្រិលធ្លាក់ទៀត ធ្វើឲ្យផ្លូវសើម ហើយមានភក់ជ្រាំ ។ តើបងប្អូនអាចមើលឃើញថារឿងនេះនឹងទៅជាយ៉ាងណាទេ ?
អំឡុងពេលបុរសទាំងនោះកំពុងអូសព្យាណូឡើងទៅលើចំណោតតូចមួយ វាបានធ្លាក់ ហើយខ្ញុំបានឮសំឡេងធ្លាក់នោះយ៉ាងខ្លាំង ។ ព្យាណូនោះបានធ្លាក់ចេញពីរទេះរុញ ទៅលើដីយ៉ាងខ្លាំងរហូតបន្សល់ស្នាមខូងដ៏ធំមួយនៅទីធ្លាមុខផ្ទះរបស់យើង ។
ខ្ញុំបាននិយាយថា « ឱ! ម្ចាស់ថ្លៃអើយ ។ តើអ្នកទាំងពីរមិនអីទេឬ ?
សំណាងល្អណាស់ដែលពួកគេមិនកើតអី ។
ពួកគេបានបើកភ្នែកធំៗមើលមុខគ្នាទៅវិញទៅមក រួចមើលមកខ្ញុំ ហើយនិយាយថា « ឲ្យពួកខ្ញុំសុំទោស ។ ពួកខ្ញុំនឹងដឹកវាទៅហាងវិញ ហើយចាំឲ្យនាយកពួកខ្ញុំទូរសព្ទមកលោកស្រី» ។ ។
មិនយូរប៉ុន្មាន នាយកនោះបាននិយាយជាមួយនឹងរ៉ូឌី ដើម្បីរៀបចំការដឹកព្យាណូមួយថ្មីមកឲ្យ ។ រ៉ូឌីមានសណ្ដានចិត្តល្អ ហើយព្រមអត់ទោសឲ្យ គេ រួចបានប្រាប់នាយកនោះថា វាមិនអីទេ បើពួកគេគ្រាន់តែជួសជុលព្យាណូចាស់នោះ ហើយដឹកវាមកវិញ ប៉ុន្តែនាយកនោះនៅតែទទូចសងព្យាណូថ្មីឲ្យយើង ។
រ៉ូឌី បានតបថា « វាមិនអាក្រក់អី ទេ ។ គ្រាន់តែជួសជុលហើយយកវាមកវិញបានហើយ » ។
នាយកនោះបាននិយាយថា « គ្រោងព្យាណូខ្ទេចអស់ហើយ កាលណាវាខ្ទេច នោះវាមិនអាចមានសំឡេងដូចដើមទេ ។ លោកនឹងទទួលបានព្យាណូមួយថ្មី » ។
បងប្អូនប្រុសស្រី តើយើងទាំងអស់គ្នាមិនដូចនឹងព្យាណូនេះទេឬអី ដែលមានស្នាមប្រេះបន្តិចបន្តួច ហើយមានអារម្មណ៍ថា យើងនឹងមិនបានដូចដើមទៀតឡើយ វើ និងការរក្សាសេចក្ដីសញ្ញា ភាពបាក់បែករបស់យើង— មិនថាមូលហេតុអ្វីទេ— អាចត្រូវបានព្យាបាល ។ ដំណើរការនេះ បានអញ្ជើញអំណាចនៃការព្យាបាលរបស់ព្រះអង្គសង្គ្រោះកើតមានក្នុងជីវិតយើង ពុំគ្រាន់តែស្ដារយើងឡើងនូវអ្វីដែលជាយើងពីមុននោះទេ ប៉ុន្តែធ្វើឲ្យយើងបានល្អប្រសើរជាងមុនផង ។ ខ្ញុំដឹងថា តាមរយៈព្រះអង្គសង្គ្រោះរបស់ យើង ព្រះយេស៊ូវគ្រីស្ទគ្រប់គ្នាអាចជួសជុល ធ្វើឲ្យជា ហើយ បំពេញតាមបំណងប្រាថ្នារបស់យើង ដូចគ្នាព្យាណូថ្មីមួយដែរ ។
ប្រធាន រ័សុល អិម ណិលសុន បានបង្រៀនថា « ពេលការសាកល្បងដ៏ឈឺចាប់កើតមានចំពោះយើង វាគឺជាពេលដើម្បីពង្រឹងសេចក្ដីជំនឿរបស់យើងទៅលើព្រះ ដើម្បីខិតខំធ្វើការ និងដើម្បីបម្រើមនុស្សដទៃ ។ បន្ទាប់មក ទ្រង់នឹងព្យាបាលបេះដូងខ្ទេចខ្ទំរបស់យើង ។ ទ្រង់នឹងប្រទានសេចក្ដីសុខសាន្ត និងការលួងលោមផ្ទាល់ខ្លួនដល់យើង ។ អំណោយទានដ៏ធំទាំងនោះនឹងមិនត្រូវបានបំផ្លាញឡើយ ទោះបីជាស្លាប់ក្ដី » ។ ១
ព្រះយេស៊ូវមានបន្ទូលថា
« អស់អ្នកដែលនឿយព្រួយ ហើយផ្ទុកធ្ងន់អើយ ចូរមកឯខ្ញុំ ខ្ញុំនឹងឲ្យអ្នករាល់គ្នាឈប់សម្រាក ។
« ចូរទទួលនឹមខ្ញុំ ហើយរៀននឹងខ្ញុំចុះ ដ្បិតខ្ញុំស្លូត ហើយមានចិត្តសុភាព ៖នោះអ្នករាល់គ្នានឹងបានសម្រាកដល់ព្រលឹង ។
« ពីព្រោះនឹមខ្ញុំងាយទេ ហើយបន្ទុកខ្ញុំក៏ស្រាល » ( ម៉ាថាយ ១១: ២៨–៣០ ) ។
ដើម្បីព្យាបាលស្នាមប្រេះស្រាំតាមរយៈការមករកទ្រង់ នោះយើងចាំបាច់ត្រូវមានសេចក្ដីជំនឿលើព្រះយេស៊ូវគ្រីស្ទ ។ « ការមានសេចក្តីជំនឿលើព្រះយេស៊ូវគ្រីស្ទមានន័យថា ការពឹងផ្អែកទាំងស្រុងទៅលើទ្រង់—ដោយទុកចិត្តលើព្រះចេស្ដា … និង សេចក្តីស្រឡាញ់ដ៏និរន្តរ៍របស់ទ្រង់ ។ វារួមមានទាំងការជឿលើការបង្រៀនរបស់ទ្រង់ផងដែរ ។ វាមានន័យថា យើងត្រូវមានជំនឿទោះបីជាយើងមិនយល់គ្រប់កិច្ចការទាំងអស់ដែលទ្រង់ធ្វើក៏ដោយ ។ ដោយសារទ្រង់ធ្លាប់ដកបទពិសោធន៍រាល់់ការឈឺចាប់ ទុក្ខវេទនា និងជំងឺគ្រប់បែបយ៉ាងរបស់យើង នោះ ទ្រង់ជ្រាបពីរបៀបដែលទ្រង់អាចជួយយើងយកឈ្នះលើការលំបាកប្រចាំថ្ងៃរបស់យើង » ។ ២
នៅពេលយើងមករកទ្រង់ « យើងអាចពោរពេញដោយអំណរ សេចក្ដីសុខសាន្ដ និង ការលួងលោមចិត្ត ។ អ្វីៗទាំងអស់ដែលមាន [ ភាពលំបាក ហើយជាឧបសគ្គ ]នៅក្នុងជីវិតនេះ អាចត្រូវបានធ្វើឲ្យមានភាពត្រឹមត្រូវបានតាមរយៈដង្វាយធួនរបស់ព្រះយេស៊ូវគ្រីស្ទ » ។ ៣ ព្រះអម្ចាស់បានប្រឹក្សាយើងថា« ចូរមើលមកឯ យើង ដោយនូវគ្រប់ទាំងគំនិត ចូរកុំសង្ស័យ ចូរកុំខ្លាចឡើយ » ( គោលលទ្ធិ និង សេចក្តីសញ្ញា ៦:៣៦ ) ។
នៅក្នុងព្រះគម្ពីរមរមន ពេលអាលម៉ា និងប្រជាជនរបស់លោកហៀបនឹងបំផ្លិចបំផ្លាញដោយសារតែបន្ទុកដែលពួកគេមាន ប្រជាជននោះបានទូលអង្វរសុំភាពធូរស្បើយ ះអម្ចាស់មិនបានដកយកបន្ទុករបស់ពួកគេទេ ផ្ទុយទៅវិញទ្រង់បានសន្យានឹងពួកគេថា
« ហើយយើងនឹងសម្រាលបន្ទុកទាំងឡាយដែលដាក់នៅលើស្មាអ្នកផង ហើយសូម្បីតែរូបអ្នកក៏នឹងមិនអាចចាប់អារម្មណ៍ថា មានបន្ទុកទាំងនោះនៅលើខ្នងអ្នកឡើយ ទោះនៅពេលអ្នកជាប់នៅក្នុងសេវកភាពក្ដី ហើយយើងនឹងធ្វើការនេះ ដើម្បីឲ្យអ្នករាល់គ្នា អាចឈរជាសាក្សីដល់យើងពីអំណឹះតទៅ ហើយដើម្បីឲ្យអ្នករាល់គ្នាអាចដឹងជាពិតប្រាកដថា យើងជាព្រះអម្ចាស់ដ៏ជាព្រះ មករករាស្ត្រយើងក្នុងពេលគេស្ថិតក្នុងសេចក្ដីវេទនា ។
« ហើយឥឡូវនេះ ហេតុការណ៍ បានកើតឡើងថា បន្ទុកទាំងឡាយដែលដាក់នៅលើអាលម៉ា និងបងប្អូនលោក ត្រូវបានសម្រាលទៅ មែនហើយ ព្រះអម្ចាស់ទ្រង់បានចម្រើនកម្លាំងឲ្យគេ ដើម្បីឲ្យគេអាចទ្របន្ទុកទាំងឡាយរបស់គេបានដោយងាយ ហើយពួកគេបានធ្វើតាមអស់ទាំងព្រះហឫទ័យនៃព្រះអម្ចាស់ »( ម៉ូសាយ ២៤:១៤-១៥ ) ។
អែលឌើរ ថាត អរ ខាលីស្ទើរ បានបង្រៀនអំពីសមត្ថភាពរបស់ព្រះអង្គសង្គ្រោះដើម្បីព្យាបាល និងសម្រាលបន្ទុកថា
« ពរជ័យមួយនៃដង្វាយធួនគឺថា យើងអាចទទួលបានព្រះចេស្ដាជួយសង្គ្រោះរបស់ព្រះអង្គសង្គ្រោះ ។ អេសាយបានថ្លែងម្ដងហើយម្ដងទៀតអំពីព្រះចេស្ដាព្យាបាល និងលួងលោមចិត្តរបស់ព្រះអម្ចាស់ ។ លោកបានថ្លែងទីបន្ទាល់ថា ព្រះអង្គសង្គ្រោះគឺជា‹ ទី មាំមួន ដល់ មនុស្ស កំសត់ ទុគ៌ត ក្នុង គ្រា ដែល មាន ទុក្ខ លំបាក ជា ទី ជ្រក កោន ឲ្យ រួច ពី ព្យុះ សង្ឃរា ជា ម្លប់ បាំង កម្តៅ ›( អេសាយ ២៥:៤ ) ។ អេសាយបានប្រកាសដល់អ្នកដែលសោកសៅថា ព្រះអង្គសង្គ្រោះមានព្រះចេស្ដាដើម្បី‹ កម្សាន្ដចិត្តនៃអស់អ្នកណាដែលសោយសោក ›( អេសាយ ៦១:២ ) ហើយ‹ ជូតទឹកភ្នែកពីមុខមនុស្សទាំងអស់ › ( អេសាយ ២៥:៨ សូមមើលផងដែរ វិវរណៈ ៧:១៧ ) ‹ ធ្វើឲ្យចិត្តរបស់មនុស្សទន់ទាបបានសង្ឃឹមឡើង › ( អេសាយ ៥៧:១៥ ) ហើយ‹ ប្រោសមនុស្សដែលមានចិត្តសង្រេង ›( អេសាយ ៦១:១ សូមមើលផងដែរ លូកា ៤:១៨, ទំនុកដំកើង ១៤៧:៣ ) ។ ព្រះចេស្ដាជួយសង្គ្រោះរបស់ទ្រង់ធំធេងខ្លាំងណាស់រហូតដល់ទ្រង់អាចផ្លាស់ប្តូរ « ភួងលំអជំនួសផេះ ហើយប្រេងនៃសេចក្តីអំណរជំនួសសេចក្តីសោកសៅ ព្រមទាំងអាវពាក់នៃសេចក្តីសរសើរ ជំនួសទុក្ខធ្ងន់ដែលគ្របសង្កត់ »( អេសាយ ៦១:៣ ) ។
« យើងអាចមានសេចក្ដីសង្ឃឹមដ៏ធំដោយសារតែការសន្យាទាំងនោះ !… ព្រះវិញ្ញាណរបស់ទ្រង់ព្យាបាល ។ វាបន្សុទ្ធ ។ វាលួងលោមចិត្ត ។ វានាំយកជីវិតថ្មីចូលទៅក្នុងដួងចិត្តដែលអស់សង្ឃឹម ។ វាមានព្រះចេស្ដាដើម្បីផ្លាស់ប្តូរអ្វីដែលអាក្រក់ និងសាហាវ ព្រមទាំងគ្មានតម្លៃនៅក្នុងជីវិតទៅជាអ្វីមួយដែលមានភាពរុងរឿងឧត្តម ជាភាពស្រស់ស្អាតនៃភាពអស់កល្បជានិច្ច » ។ ៤
ខ្ញុំសូមថ្លែងទីបន្ទាល់ថា ព្រះយេស៊ូវគ្រីស្ទគឺជាព្រះអង្គសង្គ្រោះ ព្រះប្រោសលោះ អង្គព្យាបាលជាទីស្រឡាញ់របស់យើង និងជាមិត្តស្មោះត្រង់របស់យើង ។ ប្រសិនបើយើងងាកមករកទ្រង់ នោះទ្រង់នឹងព្យាបាលយើង ហើយធ្វើឲ្យយើងជាសះស្បើយម្ដងទៀត ។ ខ្ញុំសូមថ្លែងទីបន្ទាល់ថា នេះគឺជាសាសនាចក្ររបស់ទ្រង់ ហើយទ្រង់កំពុងរៀបចំយាងត្រឡប់មកផែនដីនេះម្ដងទៀត ដើម្បីគ្រងរាជ្យដោយព្រះចេស្ដា និងសិរីល្អ ។ នៅក្នុងព្រះនាមនៃព្រះយេស៊ូវគ្រីស្ទ អាម៉ែន ៕