បន្ដផ្លាស់ប្តូរ
តាមរយៈព្រះយេស៊ូវគ្រីស្ទ យើងទទួលបានកម្លាំងដើម្បីធ្វើការផ្លាស់ប្តូរដ៏អស់កល្ប ដែល ។ នៅពេលយើងងាកទៅរកទ្រង់ដោយរាបសា នោះទ្រង់នឹងបង្កើនសមត្ថភាពរបស់យើងដើម្បីធ្វើការផ្លាស់ប្តូរ ។
បងប្អូនស្រីវាគឺជាអំណរដ៏ពិតដើម្បីនៅជាមួយបងប្អូន ។
សូមស្រមៃថា មានមនុស្សម្នាក់ ទៅហាងមួយដើម្បីទិញទំនិញមួយ ។ ប្រសិនបើនាងបង់ប្រាក់ច្រើនជាងឥវ៉ាន់ដែលយើងទិញនោះអ្នកគិតលុយនឹងអាប់ប្រាក់ឲ្យនាងវិញ ។
ស្ដេចបេនយ៉ាមីនបានបង្រៀនប្រជាជនរបស់ទ្រង់នៅទ្វីបអាមេរិកពីបុរាណ អំពីពរជ័យដ៏មហិមាដែលយើងបានទទួលពីព្រះអង្គសង្គ្រោះព្រះយេស៊ូវគ្រីស្ទរបស់យើង ។ ទ្រង់បានបង្កើតស្ថានសួគ៌ និងផែនដី ព្រមទាំងភាពស្រស់ស្អាតដែលធ្វើឲ្យយើងរីករាយ ។១ តាមរយៈដង្វាយធួនដែលពេញដោយក្ដីស្រឡាញ់របស់ទ្រង់ ទ្រង់បានប្រទានផ្លូវមួយដើម្បីឲ្យយើងត្រូវបានប្រោសលោះពីអំពើបាបនិងសេចក្ដីស្លាប់ ។២ ពេលយើងបង្ហាញការដឹងគុណរបស់យើងចំពោះទ្រង់ តាមរយៈការរស់នៅតាមព្រះបញ្ញត្តិដោយឧស្សាហ៍ ទ្រង់នឹងប្រទានពរដល់យើងភ្លាមៗ ដែលធ្វើឲ្យយើងជាប់បំណុលរបស់ទ្រង់ ។
ទ្រង់ប្រទានអ្វីៗដល់យើងជាច្រើន ច្រើនជាងតម្លៃដែលយើងអាចសងទ្រង់វិញបានទៅទៀត ។ ដូច្នេះតើយើងអាចផ្តល់អ្វីដល់ទ្រង់វិញ ដែលបានបង់ថ្លៃសម្រាប់អំពើបាបយើងដែលមិនអាចកាត់ថ្លៃបាននេះ ? យើងអាចថ្វាយដល់ទ្រង់នូវការផ្លាស់ប្តូរ ។ យើងអាចថ្វាយទ្រង់នូវប្រាក់អាប់របស់យើងនោះ ។ វាអាចជាការផ្លាស់ប្តូរគំនិត ទម្លាប់ ឬទិសដៅ ដែលយើងកំពុងឆ្ពោះទៅ ាស់សុំឲ្យយើងផ្លាស់ប្តូរចិត្ត ។ ការផ្លាស់ប្តូរដែលទ្រង់ស្នើសុំពីយើងមិនមែនសម្រាប់ជាប្រយោជន៍របស់ទ្រង់នោះទេ ប៉ុន្តែគឺជាប្រយោជន៍សម្រាប់យើង ។ ដូច្នេះមិនដូចអ្នកទិញនៅផ្សារដែលនឹងយកប្រាក់អាប់វិញនោះព្រះអង្គសង្រ្គោះដ៏សប្បុរសរបស់យើងហៅយើងឲ្យ ទុកប្រាក់អាប់នោះវិញ ។
បន្ទាប់ពីបានស្តាប់បន្ទូលមកពីស្ដេចបេនយ៉ាមីន ប្រជារាស្រ្តរបស់ទ្រង់បានស្រែកយំប្រកាសថា ដួងចិត្តរបស់ពួកគេបានផ្លាស់ប្តូរ ហើយនិយាយ « ពីព្រោះតែព្រះវិញ្ញាណនៃព្រះអម្ចាស់ដ៏មានគ្រប់ព្រះចេស្ដា ដែលបាននាំមកនូវការផ្លាស់ប្ដូរយ៉ាងធំដល់ពួកយើង … យើងខ្ញុំពុំមានបំណងនឹងប្រព្រឹត្តអំពើទុច្ចរិតទៀតឡើយ ប៉ុន្តែចង់ប្រព្រឹត្តអំពើល្អជានិច្ចវិញ » ។៣ ព្រះគម្ពីរមិនបាននិយាយថា ពួកគេប្រែក្លាយជាឥតខ្ចោះភ្លាមៗនោះទេ ប៉ុន្តែបំណងប្រាថ្នាដើម្បីផ្លាស់ប្ដូររបស់ពួកគេទៅវិញទេ ដែលបានបង្ខំពួកគេឲ្យធ្វើសកម្មភាព ។ ការផ្លាស់ប្តូរក្នុងដួងចិត្តពួកគេមានន័យថា ការសម្រាតចោលភាពជាមនុស្សខាងសាច់ឈាម ហើយចុះចូលនឹងព្រះវិញ្ញាណនៅពេលព្យាយាមក្លាយកាន់តែដូចព្រះយេស៊ូវគ្រីស្ទ ។
ប្រធាន ហិនរី ប៊ី អាវរិងបង្រៀនថា « ការប្រែចិត្តជឿពិតប្រាកដផ្អែកលើការស្វែងរកដោយសេរីនៅក្នុងសេចក្តីជំនឿ ដោយមានការខិតខំខ្លាំង និងការឈឺចាប់ខ្លះៗ ។ ហើយបន្ទាប់មក ព្រះអម្ចាស់អាចប្រទាន …អព្ភូតហេតុនៃការសម្អាត និងការផ្លាស់ប្តូរ » ។ ៤ ដោយរួមបញ្ចូលកិច្ចខិតខំរបស់យើងជាមួយនឹងសមត្ថភាពរបស់ព្រះអង្គសង្គ្រោះដើម្បីផ្លាស់ប្តូរយើង នោះយើងនឹងក្លាយជាសត្វលោកថ្មី ។
កាលខ្ញុំនៅក្មេង ខ្ញុំបានស្រមៃថាខ្លួនឯងដើរឡើងលើ តាមខ្សែបញ្ឈរត្រង់ឆ្ពោះទៅកាន់គោលដៅជីវិតដ៏អស់កល្បជានិច្ចរបស់ខ្ញុំ ។ រាល់ពេលដែលខ្ញុំធ្វើ ឬនិយាយអ្វីមួយខុស វាធ្វើឲ្យខ្ញុំមានអារម្មណ៍ថារអិលថយក្រោយ វិញមានតែត្រូវចាប់ផ្តើមដំណើរជាថ្មីម្តងហើយម្តងទៀត ។ វាដូចជាការឈប់នៅលើជ្រុងមួយនៃក្តាអុក និងជណ្ដើររបស់កុមារ ( Chutes and Ladders ) ដែលធ្វើឲ្យបងប្អូនរអិលចុះ ពីខាងលើក្តារត្រឡប់ក្រោយវិញទៅកាន់ទីចាប់ផ្តើម ! ខកចិត្តណាស់ ! ប៉ុន្តែនៅពេលដែលខ្ញុំចាប់ផ្តើមយល់នូវអ្វីដែលគោលលទ្ធិនៃព្រះគ្រីស្ទ៥ និងពីរបៀបអនុវត្តវានៅក្នុងជីវិតប្រចាំថ្ងៃរបស់ខ្ញុំ ខ្ញុំបានរកឃើញក្តីសង្ឃឹម ។
ព្រះយេស៊ូវគ្រីស្ទបានបន្តប្រទានគំំរូនៃការផ្លាស់ប្តូរដល់យើង ។ ទ្រង់បានអញ្ជើញយើងឲ្យអនុវត្តសេចក្តីជំនឿ លើទ្រង់ ដែលបំផុសគំនិតយើងឲ្យប្រែចិត្ត—« គឺជាសេចក្ដីជំនឿ និងការប្រែចិត្ត ដែលនាំមកឲ្យគេនូវការផ្លាស់ប្ដូរនៅក្នុងចិត្តគេ » ។៦ នៅពេលយើងប្រែចិត្តហើយបង្វែរដួងចិត្តយើងទៅរកទ្រង់ នោះយើងមានបំណងប្រាថ្នាកាន់តែខ្លាំងដើម្បីធ្វើនិងរស់នៅតាមសេចក្ដីសញ្ញាដ៏ពិសិដ្ឋ បន្តអនុវត្តគោលការណ៍ទាំងនេះពេញមួយជីវិតរបស់យើង ហើយអញ្ជើញព្រះអម្ចាស់ឲ្យផ្លាស់ប្តូរយើង ។ ការស៊ូទ្រាំដល់ទីបំផុតមានន័យថា ជាការផ្លាស់ប្តូររហូតដល់ទីបញ្ចប់ ។ ពេលនេះខ្ញុំចាប់ផ្តើមយល់ថា ខ្ញុំមិនមែនចាប់ផ្តើមសារជាថ្មីនោះទេ ពេលខ្ញុំបរាជ័យរាល់ដង ប៉ុន្តែដោយមានការព្យាយាមម្ដងៗ នោះខ្ញុំកំពុងបន្តដំណើរការនៃការផ្លាស់ប្តូរ ។
មានឃ្លាដ៏បំផុសគំនិតមួយក្នុងបាវចនាយុវនារីដែលបានថ្លែងយ៉ាងថា« ខ្ញុំរីករាយចំពោះអំណោយទាននៃការប្រែចិត្ត ហើយខិតខំកែលម្អជារៀងរាល់ថ្ងៃ » ។៧ ខ្ញុំអធិស្ឋានឲ្យយើងរីករាយនឹងអំណោយទានដ៏អស្ចារ្យនេះ ហើយថាយើងមានបំណងពិតក្នុងការស្វែងរកការផ្លាស់ប្តូរ ។ ពេលខ្លះការផ្លាស់ប្តូរដែលយើងត្រូវធ្វើ ពាក់ព័ន្ធនឹងអំពើបាបធ្ងន់ធ្ងរ ។ ប៉ុន្តែជាញឹកញាប់ យើងខិតខំដុះខាត់អាកប្បកិរិយាយើងដើម្បីសម្របខ្លួនទៅនឹងគុណលក្ខណៈរបស់ព្រះយេស៊ូវគ្រីស្ទ ។ ជម្រើសប្រចាំថ្ងៃរបស់យើងអាចជួយ ឬរារាំងយើងពីការរីកចម្រើន ។ ចេតនាផ្លាស់ប្តូរតូចតាន ប៉ុន្ដែខ្ជាប់ខ្ជួន នឹងជួយកែលម្អយើង ។ សូមកុំបាក់ទឹកចិត្ត ។ ការផ្លាស់ប្តូរគឺជាដំណើរការពេញមួយជីវិត ។ ខ្ញុំមានអំណរគុណ ដែលព្រះអម្ចាស់មានព្រះទ័យអំណត់ជាមួយយើង នៅពេលយើងមានការលំបាកក្នុងការផ្លាស់ប្តូរ ។
តាមរយៈព្រះយេស៊ូវគ្រីស្ទ យើងទទួលបានកម្លាំងដើម្បីធ្វើការផ្លាស់ប្តូរដ៏អស់កល្ប ដែល របស់យើងដើម្បីធ្វើការផ្លាស់ប្តូរ ។
បន្ថែមពីលើព្រះចេស្តានៃការកែប្រែនៃដង្វាយធួនរបស់ព្រះអង្គសង្រ្គោះ នោះព្រះវិញ្ញាណបរិសុទ្ធនឹងគាំទ្រ ហើយដឹកនាំយើង នៅពេលយើងព្យាយាមអស់ពីលទ្ធភាព ។ ទ្រង់ក៏អាចជួយឲ្យយើងដឹងនូវអ្វីដែលចាំបាច់ត្រូវផ្លាស់ប្ដូរផងដែរ ។ យើងក៏អាចស្វែងរកជំនួយ និងការលើកទឹកចិត្តតាមរយៈការប្រសិទ្ធពរបព្វជិតភាពការអធិស្ឋាន ការតមអាហារ និងការចូលរួមក្នុងព្រះវិហារបរិសុទ្ធផងដែរ ។
ម្យ៉ាងវិញទៀត សមាជិកគ្រួសារ ថ្នាក់ដឹកនាំ និងមិត្តភក្តិដែលអាចទុកចិត្តបានអាចជួយនៅក្នុងកិច្ចខិតខំផ្លាស់ប្តូររបស់យើងបាន ។ កាលខ្ញុំអាយុប្រាំបីឆ្នាំ បងប្រុសច្បងរបស់ខ្ញុំ ឈ្មោះលី និងយើងបានលេងជាមួយមិត្តភក្តិលើមែកឈើអ្នកជិតខាង ។ យើងចូលចិត្តលេងជាមួយគ្នាយ៉ាងសប្បាយរីករាយនៅក្រោមម្លប់ឈើនោះ ។ មានថ្ងៃមួយបងប្រុសលី បានធ្លាក់ពីលើដើមឈើ ហើយបាក់ដៃ ។ ព្រោះដៃគាត់បាក់ នោះគាត់មិនអាចឡើងដើមឈើដោយខ្លួនឯងបានទេ ។ ប៉ុន្តែការលេងនៅលើដើមឈើមិនដូចពីមុនទេ ពេលគ្មានរូបគាត់ ។ ដូច្នេះពួកយើងទ្រក្រោយ ខ្លះទាញដៃគាត់ឡើងហើយដោយមានជំនួយបងប្រុសលីអាចឡើងដើមឈើម្តងទៀត ។ ដៃរបស់គាត់នៅតែបាក់ ប៉ុន្តែគាត់ត្រឡប់មករីករាយក្នុងមិត្តភាពរបស់យើងម្តងទៀត ពេលគាត់ជា ។
ខ្ញុំបានគិតអំពីបទពិសោធន៍នៃការលេងក្រោមដើមឈើរបស់ខ្ញុំជាញឹកញាប់ ព្រោះជាប្រភេទសកម្មភាពមួយរបស់យើងក្នុងដំណឹងល្អរបស់ព្រះយេស៊ូវគ្រីស្ទ ដំណឹងល្អ យើងរីករាយនឹងពរជ័យជាច្រើនដែលមានមកជាមួយនឹងសេចក្តីសញ្ញារបស់យើង ។ មនុស្សមួយចំនួនអាចធ្លាក់ចេញពីទីសុវត្ថិភាពនៃសេចក្តីសញ្ញារបស់ពួកគេ ហើយត្រូវការជំនួយរបស់យើងដើម្បីឡើងមកវិញទៅរកទីសុវត្ថិភាពនៃមែកធាងដំណឹងល្អ ។ វាអាចពិបាកសម្រាប់ពួកគេ ដើម្បីធ្វើដំណើរមកវិញតែមា្នក់ឯង ។ តើយើងអាចរុញពួកគេថ្នមៗតិចៗ ហើយលើកឡើងបន្តិចម្តងៗ ដើម្បីជួយព្យាបាលពួកគេ ខណៈពួកគេរីករាយជាមួយនឹងមិត្តភាពរបស់យើងដែរឬទេ ?
ប្រសិនបើបងប្អូនរងទុក្ខ ហើយឈឺចាប់មកពីការបរាជ័យ សូមអនុញ្ញាតឲ្យអ្នកដទៃជួយបងប្អូនឲ្យត្រឡប់មកកាន់សេចក្តីសញ្ញា និងពរជ័យដែលបានផ្តល់ឲ្យបងប្អូន ។ ព្រះអង្គសង្គ្រោះអាចជួយបងប្អូនឲ្យជាសះស្បើយ ពេលហ៊ុមព័ទ្ធដោយមនុស្សដែលស្រឡាញ់បងប្អូន ។
ជួនកាល ខ្ញុំបានជួបមិត្តភក្តិដែលមិនបានជួបគ្នាជាយូរឆ្នាំមកហើយ ។ ពេលខ្លះ ពួកគេបាននិយាយថា « ឯងមិនផ្លាស់ប្តូរសោះ ! » រាល់ពេលដែលខ្ញុំបានឮដូច្នេះ ខ្ញុំភ័យបន្តិច ព្រោះខ្ញុំសង្ឃឹមថា ខ្ញុំបានផ្លាស់ប្តូរក្នុងរយៈពេលប៉ុន្មានឆ្នាំកន្លងទៅនេះ ។ ខ្ញុំសង្ឃឹមថា ខ្ញុំបានផ្លាស់ប្តូរតាំងពីម្សិលមិញ ! ខ្ញុំសង្ឃឹមថា ខ្ញុំមានចិត្តល្អជាងនេះបន្តិច មិនសូវវិនិច្ឆ័យ និងកាន់តែមានចិត្តមេត្តា ។ ខ្ញុំសង្ឃឹមថា ខ្ញុំអាចឆ្លើយតបនឹងសេចក្តីត្រូវការរបស់អ្នកដទៃបានឆាប់ជាងនេះ ហើយសង្ឃឹមថា ខ្ញុំអត់ធ្មត់ជាងនេះបន្តិច ។
ខ្ញុំចូលចិត្តឡើងភ្នំនៅជិតផ្ទះរបស់ខ្ញុំ ។ ជាញឹកញាប់ មានកូនគ្រួសតូចៗចូលក្នុងស្បែកជើងរបស់ខ្ញុំ ពេលដែលខ្ញុំដើរតាមផ្លូវ ។ នៅទីបញ្ចប់ ខ្ញុំបានឈប់ ហើយរលាស់ស្បែកជើងខ្ញុំ ។ ប៉ុន្តែវាធ្វើឲ្យខ្ញុំភាំងស្មារតី ដែលខ្ញុំទុកឲ្យខ្លួនឯងដើរនៅក្នុងការឈឺចាប់នេះយ៉ាងយូរ ទម្រាំខ្ញុំឈប់ ហើយរលោស់ចោលការរំខាននេះ ។
នៅពេលយើងធ្វើដំណើរនៅលើផ្លូវនៃសេចក្តីសញ្ញានេះ ពេលខ្លះយើងរើសដុំថ្មដាក់ក្នុងស្បែកជើងរបស់យើង ជាសណ្ឋាននៃទម្លាប់មិនល្អ អំពើបាប ឬចរិតអាក្រក់ ។ នៅពេលយើងរលាស់វាចោលពីជីវិតរបស់យើងកាន់តែរីករាយ និងពេញលេញនៅក្នុងដំណើរនៃជីវិតរមែងស្លាប់របស់យើង ។
ការបន្ដផ្លាស់ប្ដូរតម្រូវឲ្យមានកិច្ចខិតខំ ។ ខ្ញុំស្រមៃមិនឃើញទេថាត្រូវឈប់តាមផ្លូវដើម្បីដាក់ភាពរំខាន និងដុំគ្រួសដ៏ឈឺចាប់ក្នុងស្បែកជើងខ្ញុំ ដែលខ្ញុំទើបដោះរលាស់ចេញនោះ ។ ខ្ញុំមិនចង់ធ្វើដូច្នេះទេ គឺដូចជាមេអំបៅបានជ្រើសរើសមិនត្រឡប់ចូលក្នុងសំបុកវាវិញដែរ ។
ខ្ញុំសូមថ្លែងទីបន្ទាល់ថា ដោយសារតែព្រះយេស៊ូវគ្រីស្ទ នោះយើងអាចផ្លាស់ប្តូរបាន ។ យើងអាចកែលម្អទម្លាប់របស់យើង កែប្រែគំនិតរបស់យើង និងដុសខាត់ចរិតលក្ខណៈរបស់យើងឲ្យកាន់តែដូចជាទ្រង់ ។ ហើយដោយមានជំនួយរបស់ទ្រង់ យើងអាចបន្ដផ្លាស់ប្តូរបាន ។ នៅក្នុងព្រះនាមនៃព្រះយេស៊ូវគ្រីស្ទ អាម៉ែន ។