មានស្បៀងអាហារ
នៅពេលយើងព្យាយាមបម្រុងទុកខាងសាច់ឈាម នោះយើងអាចប្រឈមមុខនឹងការសាកល្បងនៃជីវិតដោយកាន់តែមានទំនុកចិត្ត ។
ពីមុនមានការដាក់កំហិតក្នុងការធ្វើ ដំណើរ ដែលបាន បណ្ដាលមកពីជំងឺរាតត្បាតបច្ចុប្បន្ននេះ ខ្ញុំបានត្រឡប់មកពីការចាត់តាំងអន្តរជាតិមួយ តែដោយសារមានបញ្ហាកាលវិភាគ នោះក៏ធ្វើឲ្យមានការផ្អាកជើងយន្ដហោះនៅថ្ងៃអាទិត្យ ។ ខ្ញុំមានពេលខ្លះពីមុនការហោះហើរ ដើម្បីចូលរួមក្នុងការប្រជុំសាក្រាម៉ង់ក្នុងស្រុក ជាកន្លែងដែលខ្ញុំអាចចែកចាយសារលិខិតខ្លីមួយផងដែរ ។ បន្ទាប់ពីការប្រជុំ មានឌីកុនដ៏អង់អាចម្នាក់មកជួបខ្ញុំ ហើយបានសួរខ្ញុំ ថា បើសិនជាខ្ញុំស្គាល់ប្រធាន ណិលសុន ហើយតើខ្ញុំធ្លាប់មានឱកាសចាប់ដៃលោកដែរឬទេ ។ ខ្ញុំបានឆ្លើយថា ខ្ញុំស្គាល់លោក ហើយខ្ញុំបានចាប់ដៃលោក ព្រោះក្នុងនាមជាសមាជិកនៃគណៈប៊ីស្សពជាអធិបតី ខ្ញុំមានឱកាសដើម្បីជួបនឹងប្រធានណិលសុន និងទីប្រឹក្សារបស់លោក ពីរបីដងក្នុងមួយសប្ដាហ៍ ។
ឌីកុនវ័យក្មេងនោះ បានអង្គុយចុះលើកៅអីមួយ ហើយបានបោះដៃលើកឡើងលើ ហើយបានស្រែកថា « នេះជាថ្ងៃដ៏អស្ចារ្យបំផុតក្នុងជីវិតខ្ញុំ ! » បងប្អូនប្រុសស្រី ខ្ញុំពុំអាចបោះដៃលើកឡើងហើយស្រែកបានទេ ប៉ុន្តែខ្ញុំមានអំណរគុណដ៏អស់កល្បជានិច្ចចំពោះព្យាការីនៅរស់ និងការដឹកនាំ ដែលយើងបានទទួលមកពីពួកព្យាការី អ្នកមើលឆុត និង អ្នកទទួលវិវរណៈ ជាពិសេសអំឡុងគ្រាមានបញ្ហាទាំងនេះ ។
ចាប់តាំងពីដើមដំបូងមក ព្រះអម្ចាស់បានប្រទានការដឹកនាំដើម្បីជួយ ដល់រាស្ត្រទ្រង់ឲ្យរៀបចំខ្លួន ទាំងខាងវិញ្ញាណ និងខាងសាច់ឈាម ទប់ទល់នឹងគ្រោះមហន្តរាយនិងការសាកល្បងទាំងឡាយដែលទ្រង់ដឹងថានឹងកើតមាន ដែលវាជាចំណែកនៃបទពិសោធន៍ជីវិតរមែងស្លាប់នេះ ។ គ្រោះមហន្តរាយទាំងនេះអាចនឹងជារឿងផ្ទាល់ខ្លួន ឬជាទូទៅនៅក្នុងធម្មជាតិ ប៉ុន្តែការណែនាំរបស់ព្រះអម្ចាស់នឹងផ្ដល់ការការពារ និងការគាំទ្រទៅតាមដែលយើងស្ដាប់ ធ្វើតាមការទូន្មានរបស់ទ្រង់ ។ គំរូដ៏អស្ចារ្យមួយដែលបានផ្ដល់ឲ្យនៅក្នុងដំណើររឿងចេញពីព្រះគម្ពីរលោកុប្បត្តិ នៅត្រង់កន្លែងដែលយើងរៀនអំពីយ៉ូសែបនៅស្រុកអេស៊ីព្ទ និងការបកស្រាយសុបិនរបស់ស្ដេចផារ៉ោនដ៏បំផុសគំនិត ។
« យ៉ូសែប គាត់ ទូល ទៅ ផារ៉ោន ថា …ព្រះ បាន សម្ដែង ឲ្យ ព្រះករុណា ជ្រាប ពី ការ ដែល រៀប នឹង ធ្វើ ។ …
« គឺ ថា នឹង ត្រូវ មាន ៧ ឆ្នាំ ដែល សម្បូរ នៅ ពេញ ក្នុង ស្រុក អេស៊ីព្ទ ៖
« រួច ក្រោយ នោះ ទៅ នឹង មាន អំណត់ ប្រាំពីរ ឆ្នាំ វិញ នោះ គេ នឹង ភ្លេច ពី ផល បរិបូរ ក្នុង ស្រុក អេស៊ីព្ទ អស់ ដ្បិត អំណត់ នោះ នឹង បង្ហិន ស្រុក នេះ ទៅ » ។ ១
ផារ៉ោនបានស្ដាប់តាមយ៉ូសែប បានឆ្លើយតបចំពោះអ្វីដែលព្រះបានបង្ហាញដល់ទ្រង់ក្នុងសុបិន រួចក៏ធ្វើការរៀបចំសម្រាប់អ្វីដែលនឹងកើតឡើងជាបន្ទាន់ ។ បន្ទាប់មកព្រះគម្ពីរកត់ត្រាថា ៖
« នៅ ក្នុង ឆ្នាំ សម្បូរ ទាំង ប្រាំពីរ នោះ ដី បាន បង្កើត ផល ជា បរិបូរ ។
« គាត់ក៏ប្រមូលស្បៀងអាហារនៅស្រុកអេស៊ីព្ទទាំងអស់ក្នុងរវាង ប្រាំពីរឆ្នាំនេះ ។ …
« យ៉ូសែប បាន ប្រមូល ស្រូវ យ៉ាង សន្ធឹក ណាស់ ដូច ជា ខ្សាច់ នៅ នា សមុទ្រ … ទាល់ តែ គាត់ លែង រាប់ ពី ព្រោះ រាប់ មិន បាន » ។ ២
នៅពេលឆ្នាំសម្បូរទាំង ប្រាំពីរ បានកន្លងផុតទៅ យើងបានដឹងថា « ឯ ឆ្នាំ អំណត់ ទាំង ប្រាំពីរ ក៏ ចាប់ តាំង ផ្តើម ឡើង ដូច ជា យ៉ូសែប បាន ទាយ មែន ក៏ មាន អំណត់ នៅ គ្រប់ ស្រុក ទាំង អស់ តែ នៅ ស្រុក អេស៊ីព្ទ ទាំង មូល មាន ស្បៀង អាហារ វិញ » ។ ៣
សព្វថ្ងៃនេះ យើងមានពរដែលត្រូវបានដឹកនាំដោយពួកព្យាការី ដែលយល់ពីតម្រូវការដើម្បីយើងរៀបចំ ខ្លួនទប់ទល់នឹងគ្រោះមហន្តរាយ « ដែលនឹងកើតមានឡើង » ៤ ដែលដឹងផងដែរពីព្រំដែន ឬការដាក់កំហិត ដែលយើងអាចនឹងជួបនៅពេលព្យាយាមដើម្បីធ្វើតាមដំបូន្មានរបស់ពួកលោក ។
យើងដឹងយ៉ាងច្បាស់ថា ឥទ្ធិពលរបស់ កូវីត-១៩ ក៏ដូចជាមហន្ដរាយគ្រោះថ្នាក់ធម្មជាតិ គឺមិនរើសមុខនរណាម្នាក់ឡើយ ទូទាំងជាតិពន្ធ សង្គម និងសាសនានៅគ្រប់ទ្វីបទាំងអស់ ។ មានការបាត់បង់ការងារ ហើយចំណូលបានធ្លាក់ចុះ នៅពេលឱកាសការងារទទួលរងពីការបញ្ឈប់ការងារ ហើយសមត្ថភាពការងារបានរងគ្រោះដោយបញ្ហាសុខភាព និងបញ្ហាប្រឈមផ្លូវច្បាប់នានា ។
ចំពោះអស់អ្នកដែលត្រូវបានរងគ្រោះ ពួកយើងសូមបង្ហាញពីការយល់ចិត្ត និងខ្វល់ខ្វាយចំពោះស្ថានភាពរបស់បងប្អូន ក៏មានជំនឿចិត្តមុតមាំថាថ្ងៃល្អប្រសើរគឺស្ថិតនៅខាងមុខនេះ អូនឡើងវិញ ហើយដាក់បងប្អូននៅលើផ្លូវទៅកាន់ភាពខ្លួនទីពឹងខ្លួន នៅពេលបងប្អូនអនុវត្តតាមគោលការណ៍នៃការរៀបចំខ្លួន ។
នៅក្នុងបរិដ្ឋានសព្វថ្ងៃនេះ ដោយមានជំងឺរាតត្បាតបានបំផ្លាញដល់សេដ្ឋកិច្ចក៏ដូចជាជីវិតរបស់បុគ្គលម្នាក់ៗ វានឹងមិនត្រូវទៅនឹងព្រះអង្គសង្គ្រោះដែលពេញដោយក្ដីមេត្តាករុណាទេ បើយើងបដិសេធភាពពិតដែលថា មនុស្សជាច្រើនកំពុងមានបញ្ហា ហើយទៅសុំឲ្យពួកគេចាប់ផ្ដើមបម្រុងទុកម្ហូបអាហារ និងប្រាក់កាសសម្រាប់អនាគត ។ ទោះជាយ៉ាងណា នោះពុំមែនមានន័យថា យើងគួរតែបដិសេធចោលទាំងស្រុងចំពោះ គោលការណ៍នៃការបម្រុងទុកនោះដែរ—គ្រាន់តែគោលការណ៍ទាំងនេះគួរតែអនុវត្ត « ដោយប្រាជ្ញា និងរបៀបរៀបរយ » ៥ ដើម្បីយើងអាចនិយាយដូចជាយ៉ូសែបនៅស្រុកអេស៊ីព្ទថា « មានស្បៀង អាហារ» ។ ៦
ព្រះអម្ចាស់ពុំរំពឹងឲ្យយើងធ្វើច្រើនជាងដែលយើងអាចធ្វើនោះទេ ប៉ុន្តែទ្រង់រំពឹងឲ្យយើងធ្វើអ្វីដែលយើងអាចធ្វើបាននៅពេលយើងអាចធ្វើវាបាននោះ ។ ដូចដែលប្រធាន ណិលសុន បានរំឭកយើងកាលពី សន្និសីទទូទៅមុនថា « ព្រះអម្ចាស់សព្វព្រះទ័យនឹងការខិតខំ » ។ ៧
ថ្នាក់ដឹកនាំទាំងឡាយរបស់សាសនាចក្របានលើកទឹកចិត្តជារឿយៗដល់ពួកបរិសុទ្ធថ្ងៃចុងក្រោយឲ្យ « កាសខ្លះៗសន្សំទុក » ។ ៨ ដូចគ្នានេះដែរ យើងត្រូវបានលើកទឹកចិត្តឲ្យ « ឈ្លាសវៃ » ហើយ« មិនទៅហួសជ្រុលពេក » ៩ នៅក្នុងការខិតខំរបស់យើងដើម្បីបង្កើតការស្ដុកទុកអាហារក្នុងផ្ទះ និងការរក្សាទុកខាងហិរញ្ញវត្ថុ ។ ធនធានមួយដែលមានចំណងជើងថា ហិរញ្ញវត្ថុផ្ទាល់ខ្លួនសម្រាប់ភាពខ្លួនទីពឹងខ្លួន ដែល បានបោះពុម្ពក្នុងឆ្នាំ ២០១៧ ហើយថ្មីៗនេះមាននៅលើគេហទំព័រសាសនាចក្រជា ៣៦ ភាសា បានចាប់ផ្ដើមដោយសារលិខិតមួយមក ពីគណៈប្រធានទីមួយ ដែលបានថ្លែង ៖
« ព្រះអម្ចាស់ បានប្រកាសថា ‹ នេះជាគោលបំណងរបស់យើង ដើម្បីផ្គត់ផ្គង់ដល់ពួកបរិសុទ្ធរបស់យើង › [ គោលលិទ្ធិនិងសេចក្តីសញ្ញា ១០៤:១៥ ] ។ វិវរណៈនេះគឺជាការសន្យាមួយមកពីព្រះអម្ចាស់ថា ទ្រង់ នឹងប្រទានពរជ័យខាងសាច់ឈាម ហើយបើកទ្វារនៃភាពខ្លួនទីពឹងខ្លួន ។…
«… ការទទួលយក និងការរស់នៅតាមគោលកាណ៍ទាំងនេះនឹងធ្វើឲ្យអ្នកអាចទទួលបានពរជ័យខាងសាច់ឈាមដែលព្រះអម្ចាស់បានសន្យាកាន់តែប្រសើរឡើង ។
« យើងសូមអញ្ជើញអ្នកឲ្យសិក្សាដោយឧស្សាហ៍ព្យាយាម ហើយអនុវត្តតាមគោលការណ៍ទាំងនេះ និងបង្រៀនវាទៅកាន់សមាជិកគ្រួសារបងប្អូន ។ នៅពេលបងប្អូនធ្វើដូច្នោះ នោះជីវិតរបស់បងប្អូននឹងទទួលពរ… [ ដោយសារ ] បងប្អូនគឺជាបុត្ររបស់ព្រះវបិតាសួគ៌យើង ។ ទ្រង់ស្រឡាញ់បងប្អូន ហើយទ្រង់នឹងពុំបោះបង់ចោលបងប្អូនឡើយ ។ ទ្រង់ស្គាល់បងប្អូន ហើយត្រៀមជាស្រេចដើម្បីប្រទានពរជ័យខាងវិញ្ញាណ និង ខាងសាច់ឈាមនៃភាពខ្លួនទីពឹងខ្លួនដល់បងប្អូន ។ ១០
ធនធាននេះមានដាក់បញ្ចូលជំពូកនានាដែលផ្ដោតទៅលើការបង្កើត និងការរស់នៅក្នុងរង្វង់ថវិការ ការការពារក្រុមគ្រួសាររបស់បងប្អូនពីការលំបាក ការគ្រប់គ្រងវិបត្តិហិរញ្ញវត្ថុ និងការវិនិយោគនាពេលអនាគត និងមានច្រើនទៀតហើយវាមានសម្រាប់មនុស្សគ្រប់រូបនៅលើគេហទំព័ររបស់សាសនាចក្រ ឬតាមរយៈថ្នាក់ដឹកនាំក្នុងមូលដ្ឋានរបស់បងប្អូន ។
នៅពេលពិចារណាអំពីគោលការណ៍នៃការបម្រុងទុក យើងអាចក្រឡេកទៅមើលទៅយ៉ូសែបស្រុកអេស៊ីព្ទរកការបំផុសគំនិត ។ ពេលដឹងអំពីអ្វីដែលនឹងកើតមានឡើងថានឹងពុំគ្រប់គ្រាន់ដើម្បីជួយពួកគេឆ្លងកាត់ឆ្នាំ « បន្ដបន្ទាប់ » ដោយគ្មានការពលិកម្មអំឡុងឆ្នាំសម្បូរសប្បាយ ។ ជាជាងការប្រើប្រាស់រាល់ប្រធានបទ របស់ផារ៉ោនអាចផលិតដែលពួកគេបានផលិត នោះការដាក់កំហិតត្រូវបានបង្កើតឡើង ហើយបានធ្វើតាម នោះវាផ្ដល់នូវភាពគ្រប់គ្រាន់សម្រាប់តម្រូវការបន្ទាន់របស់ពួកគេ ក៏ដូចជាតម្រូវការនាពេលអនាគតរបស់ពួកគេ ។ វាពុំគ្រប់គ្រាន់ទេដើម្បីដឹងថាគ្រាលំបាកនឹងកើតមាននោះ ។ ពួកគេត្រូវតែធ្វើសកម្មភាព ហើយដោយសារតែការខិតខំរបស់ពួកគេ « នោះពួកគេមានស្បៀងអាហារ » ។ ១១
រឿងនេះនាំទៅរកសំណួរសំខាន់មួយ ៖ « ហេតុដូច្នេះ តើត្រូវធ្វើយ៉ាងណា ? ាងគឺខាងវិញ្ញាណចំពោះព្រះអម្ចាស់ « គ្មានពេលណាមួយ » ដែលទ្រង់ប្រទានដល់យើងនូវ « បញ្ញត្តិខាងសាច់ឈាម » ។ ១២ បន្ទាប់មក រឿងគ្រប់យ៉ាង ចង្អុលទៅរកព្រះយេស៊ូវគ្រីស្ទ ជាគ្រឹះដែលយើងត្រូវសង់លើទោះជាការបម្រុងទុកខាងសាច់ឈាមក្ដី ។
ការត្រៀមខ្លួនខាងសាច់ឈាម និងភាពខ្លួនទីពឹងខ្លួន មានន័យថា « គឺជាការជឿថា តាមរយៈព្រះគុណ ឬព្រះចេស្ដាដែលអាចធ្វើទៅបានរបស់ព្រះយេស៊ូវគ្រីស្ទ និងការខិតខំរបស់យើងផ្ទាល់ នោះយើងអាចទទួលបាននូវអ្វីៗដែលចាំបាច់សម្រាប់ជីវិតទាំងខាងវិញ្ញាណ និងខាងសាច់ឈាម ដូចដែលយើងចង់បានសម្រាប់ខ្លួនយើង និងក្រុមគ្រួសាររបស់យើង » ១៣
ទិដ្ឋភាពបន្ថែមពីលើគ្រឹះខាងវិញ្ញាញសម្រាប់ការបម្រុងទុកខាងសាច់ឈាម រួមមាន ៖ ការធ្វើសកម្មភាព « ក្នុងប្រាជ្ញា និងរបៀបរៀបរយ » ១៤ ដែលស-បញ្ជាក់ពីការបង្កើនការស្ដុកអាហារ និងការសន្សំបន្ដិចម្ដងៗក៏ដូចជា ការឱបក្រសោបយក មធ្យោបាយ « តូចតាច និងសាមញ្ញ » ១៥ ដែលជាការបង្ហាញពីសេចក្ដីជំនឿថា ព្រះអម្ចាស់នឹងតម្កើងភាពតូចតាចរបស់យើងនោះ ប៉ុន្តែជាការខិតខំដ៏ខ្ជាប់ខ្ជួន ។
ដោយការចាក់គ្រឹះខាងវិញ្ញាណ នោះយើងអាចអនុវត្តដោយជោគជ័យនូវធាតុសំខាន់ពីរយ៉ាងនៃការបម្រុងទុកខាងសាច់ឈាម គឺ ការគ្រប់គ្រងហិរញ្ញវត្ថុ និងការស្ដុកទុកក្នុងផ្ទះ ។
គោលការណ៍គន្លឹះចំពោះការគ្រប់គ្រងហិរញ្ញវត្ថុ រួមមានទាំងការថ្វាយដង្វាយមួយភាគក្នុងដប់ និងដង្វាយតមអាហារ ការលុបបំបាត់បំណុល និងការចៀសវាងពីបំណុល និងការរៀបចំ និងការរស់នៅតាមរង្វង់ថវិកា និងការសន្សំទុកសម្រាប់ពេលអនាគត ។
គោលការណ៍គន្លឹះនៃការស្ដុកទុកក្នុងផ្ទះ រួមមាន កាស្ដុកទុកអាហារ ការស្ដុកទុកទឹក ក៏ដូចជាវត្ថុសំខាន់ៗដទៃទៀត អាស្រ័យតាមតម្រូវការរបស់បុគ្គលម្នាក់ៗ និងក្រុមគ្រួសារទាំងអស់នេះ ក៏ដោយសារ « ឃ្លាំងដែលល្អបំផុត » ១៦ គឺជាគេហដ្ឋាន ដែលក្លាយជា « កន្លែងបម្រុងទុកដែលអាចប្រើប្រាស់បានល្អបំផុតនៅក្នុងគ្រាខ្វះខាត » ១៧ ។
នៅពេលយើងឱបក្រសោបយកគោលការណ៍ខាងវិញ្ញាណ ហើយស្វែងរកការបំផុសគំនិតមកពីព្រះអម្ចាស់ នោះយើងនឹងត្រូវបានដឹកនាំឲ្យស្គាល់ព្រះទ័យព្រះអម្ចាស់មានចំពោះយើង ជាបុគ្គលម្នាក់ៗ និងជាក្រុមគ្រួសារ និងរបៀបដើម្បីអនុវត្តតាមគោលការណ៍នៃការបម្រុងទុកខាងសាច់ឈាមដ៏សំខាន់ ។ ជំហានសំខាន់បំផុតជាងគេនោះ គឺចាប់ផ្ដើមធ្វើ ។
អែលឌើរ ដេវីឌ អេបែតណា បានបង្រៀនគោលការណ៍នេះ ពេលលោកមានប្រសាសន៍ថា « ការធ្វើសកម្មភាព គឺជាការអនុវត្តសេចក្ដីជំនឿ » ។… « សេចក្ដីជំនឿពិតគឺផ្ដោតនៅក្នុង និងទៅលើព្រះអម្ចាស់ព្រះយេស៊ូវគ្រីស្ទ ហើយតែងតែដឹកនាំទៅរកសកម្មភាព ។ ១៨
បងប្អូនប្រុសស្រី នៅក្នុងពិភពលោកកំពុងផ្លាស់ប្ដូរមួយនេះ យើងត្រូវតែរៀបចំទុកសម្រាប់ភាពមិនប្រាកដប្រជា ។ ទោះបីជានៅថ្ងៃខាងមុខកាន់តែប្រសើរ យើងដឹងថាកំពូលខាងសាច់ឈាមនិងជ្រលងនៃជីវិតរមែងស្លាប់នឹងបន្ត ។ នៅពេលយើងព្យាយាមបម្រុងទុកខាងសាច់ឈាម នោះយើងអាចប្រឈមមុខនឹងការសាកល្បងនៃជីវិតដោយកាន់តែមានទំនុកចិត្ត មានភាពសុខសាន្ដក្នុងដួងចិត្ត ហើយដូចជាយ៉ូសែបនៅស្រុកអេស៊ីព្ទ យើងនឹងអាចនិយាយថា យើង ទោះជាស្ថិតនៅក្នុងស្ថានភាពតានតឹងក៏ដោយក៏« មានស្បៀងអាហារ » ។ ១៩ នៅក្នុងព្រះនាមនៃព្រះយេស៊ូវគ្រីស្ទ អាម៉ែន ៕