Ew Tappin Aramas mi Tongeni Ungeni Tipis
Nupwen ka aiti,emmweni me tongei ekkewe semirit, Iwe ka tongeni angei omw pochokkunen kapasen pwarata, omw kopwe tongeni anisi manaweer ar repwe tongeni winiti koch sokkun semirit mei pochokkun ne ungeni tipis.
Ew esop ier a no, Preseten Russell M. Nelson a kapas usun auchean “ach aiti me anisi ne amari ew tappin aramas mi tongeni ungeni tipis.”1Ekkewe kapas “ew tappin aramas mi ungeni tipis” a watte wewen ngeniei non pekin ngun.
We honor children who strive to live pure and obedient lives. I have witnessed the strength of many children throughout the world. They stand resilient, “steadfast and immovable”2 in a variety of challenging circumstances and environments. These children understand their divine identity, feel Heavenly Father’s love for them, and seek to obey His will.
Nge, mi wor semirit ra weires ne “tipepos me nukuchar” me ar ekiek mi pwetete ra feiengaw. 3 Ra fen feiengaw ekis meinisin ren “ekkewe nikappich mi ngetenget an ewe chon ungeni”4” 4 me mi auchea ngeni apochokun me aninis. Ir repwe pesei kich ne fitir me maun ngeni tipis non ach achocho ne uwei nouch kewe semirit ngeni Kraist.
Ausening ngeni ekkewe kapas an Elter Bruce R. McConkie arap ngeni 43[faik me unungat] ier a ano:
“Kich chon ewe Mwichefen, sia nom non ew osukosuk mi napanap. Sia nom non maun. Sia fen choni Kraist ne fiu ngeni Lucifer. . …
“Ewe maunen ngun a fen fis ekis meinisin me a fen efisata an chommong aramas repwe rikino, ekkoch mi anoninen, esap ew mettoch minafo. …
“Iwe ese wor ion epwe tongeni finata an epwe chok nom nukanapan ei maun.”5
Ikenai ewe maun mi soposopono pochokunan. Ewe maun mi weri kich meinisin, nouch kewe semirit ra nom mwen ne ungeni ekkewe chon fiu ngenikich. Iwe, mi auchea ngenikich sipwe apochokunano ach kokkot non pekin ngun.
Ach apochokuna semirit pwe repwe winiti chon ungeni tipis ina ew angang me ew feioch an sam me in, semach me inach chinnap, chon ach famini, sense, me sou emwen. Ina wisach ne aninis. Nge, ewe Samon a fen auroura sam me in ar repwe aiti nour semirit ne weweiti nongonongen aier, nuku non Kraist ewe Noun ewe Kot mi manau, me nongonongen papatais me ewe niffangen ewe Ngun mi Fel me ar repwe iotek, me fetan sufon me mewen ewe Samon.”6
Ifa usun sipwe amari nouch semirit non saram me ennet” 7 eni epwe ew kapas eis mi weires pokiten mi sokofesin ngeni ew me ew famini me emon me emon semirit, nge Samach won Nang a fen ngenikich meinisin aurour pwe repwe anisikich. Ewe Ngun a fen anisikich non ekkewe aan mi murino ren ach sipwe eppeti nouch semirit non pekin ngun.
Sipwe poputa, ren ach weweiti auchean ei wis mi fokkun auchea. Mi auchea sipwe weweiti ion kich—me ir—me ach popun me mwen sipwe tongeni anisi nouch semirit ne kuna ion ir mepwatara nom ikei. Mi auchea sipwe anisir pwe repwe sinei me resap tipemwaramwar pwe ir at me nengin noun Samach won Nang mi tong me mi wor An mochen ngeniir.
Aruwan, ach weweiti nongonongen aier mi auchea ren ach sipwe winiti chon ungeni tipis. Ach winiti chon ungeni tipis esap wewen pwe ese wor ach tipis, nge a wewen pwe sia soposopono ne aier, tumunoch me nimenimoch. Eni ach ungeni tipis a fis pwe ew feioch seni ach sou ungeni tipis. Usun James a apasa, “ Ungeni ewe Setan, iwe epwe su seni kemi.”8
Ekkewe soufiun serafo “ir mi fokkun uren pwaracho ren apinukunuk … ; nge nengeni, esap ikkei meinisin—ir … mi ennet fansoun meinisin non met chok mettoch ra ewiis ngeni.”9.”9Ekkei anuon ra no maun ren napanapen Kraist pwe ar pisekin maun ngeni ekkewe chon koum ngeni ir. Preseten Thomas S. Monson a achema ngenikich pwe “ewe kokkon pwaracho a fis ngeni emon me emon kich. Pwaracho mi auchea non manauach iteiten ran—esap chok non ekkewe fansoun mi auchea nge akkaewin nupwen sia finata ika ponuweni met mi fis unukuch..”10
Nouch kewe semirit ra ufouf fouten eppet non pekin ngun nupwen ra forta ar tettenin wisen chon kuno iteiten ran. Eni sia tunano ekkewe tufichin semirit ne weweiti kokkotun wisen chon kuno. Preseten Henry B. Eyring a fonou kich pwe sipwe “poputa kai me nukuchar.”11 Iwe ewe aunungatin kiien ach sipwe anisi nouch semirit ar repwe winiti chon ungeni tipis ina sipwe poputa nekukunur ne aitir nongonongen kapas allim—seni ekkewe pukefel, Nongonongen Achifoua, ewe puken Ren Pochokunen Serafo, konun Kinter, kon mi fel, me pwisin ach kapasen pwarata—repwe emweni semirit ngeni ewe Chon Amanau.
Ach fori orenien iotek, kaeo pukefel, pwinin famini, fenin Sabbath a efisata nongonongochun manau mi unusoch, tettenoch, me pochokun—ika non ekkoch kapas, pochokunen ngun. Ikenai, ian pochokun a unusen morono, mi fich ngeni nouch kewe semirit repwe weweiti met ennetin pochokun me pwata mi auchea—akkaewin nupwen sia amonareta ar repwe fori ar pwon mi pin fansoun papatais me non ewe tempel. Usun Preach My Gospel a aitikich, “Ach apwonueta pwon a amwonta aramas [mi pachenong ekkewe mi fokkun kukkun] ar repwe fori me aneasochisi pwon mi pin.”12
Elter Jeffery R. Holland a aiti, “Nupwen sia kapas usun aneasochisin pwon mi pin, sia kapas usun auchean popun manauach won fonufan.”13 Mi wor och sokkun pochokun mi sokkono a feito nupwen sia fori me aneasochisi pwon mi pin ngeni Semach won Nang. Ewe chon ungeni mi sinei usun ei, iwe a aosukosuka ewe kokkotun aneasochisi pwon mi pin.14 Ach anisi semirit repwe weweiti, fori, me aneasochisi pwon mi pin ina pwan ew kiien ach fori ew tappin aramas mi tongeni ungeni tipis.
Ifa usun sia amonata nouch semirit ne fori me aneasochisi pwon mi pin nupwen ra tonong me fefeita won ewe aanen pwon mi pin? Ach aiti semirit ne aneasochisi pwon mi mecheres nupwen ir mi chok kukkun epwe apochokuner ne aneasochisi pwon mi pin nupwen ra watte.
Upwe aporousa ew kapasen awewe mi mecheres: Non ew pwinin famini, emon sam a eis, “Ifa usun sia tipew fengen non ach famini?” Lizzie ewe nimu ierin a wokoku pwe mwongeian we watte, Kevin, a amengawa me enetipengawa. Kevin a fangeta pwe Lizzie mi pung. Inen Kevin we a eisini met epwe fori an epwe chiechioch ngeni fefinan we. Kevin a ekiek me finata pwe epwe pwon ngeni Lizzie pwe I esap amengawa non unusen ew ran.
Nesopun ewe ran mwirin nupwen ra ioifengen ren iotekin famini, semen Kevin we a eisini Kevin ifa usun an we pwon. Kevin a ponuweni, “Papa, ua apwonueta ai pwon!” Lizzie a pwapwa ne tipew. Ewe famini ra apwapwai Kevin.
Iwe inen Kevin we a ara pwe ika i a tongeni apwonueta an ewe pwon non ew ran, pwata i esap tongeni non ru ran? Kevin a tipew pwe epwe sotuni sefan. Ru ran mwirin, Kevin a wesen fisioch an apwonueta an we pwon, me Lizzie a fokkun kinisou! Nupwen seman we a eis pwata a apwonuochueta an pwon, Kevin a apasa, “Ua apwonueta ai pwon pokiten ngang mi apasa pwe upwe fori.”
Ew tetteniochun kukkunun ach apwonueta pwon epwe efisata pochokun. Ach kaeo ne apwonueta ach pwon iteiten fansoun ina ewe pekin amwoneta non ngun ren semirit ar repwe angei ar aewin pwonen papatais mi pin me ewe niffangen ewe Ngun mi Fel, minne ra pwon mi pin ne angang ngeni Kot me aneasochisi An kewe annuk 15Pwon me pwon mi pin rese tongeni keimufesen.
Non ewe puken Daniel sia kaeo usun an Shadrack, Meshach, me Abednego rese tipew ngeni ar repwe fen ngeni noun King Nebuchadnezzar we niosun anu muan. 16 } Ewe king a fonor pwe ina repwe katurunong non ew ngetin ekkei ika rese apwonueta. Rese tipew me apasa:
“Ika pwe ewe God am aua angang ngeni epwe tongeni amanaua kem seni ewe um mi ngetenget. …
“Nge ika mwo pwe ese amanaua kem, am king epwe chok sinei pwe am ousap pin ngeni an ewe god. ”17
“Nge ika esap.” Ekieki wewen ekkei unungat foun kapas me ifa usun a wewe ngeni ach apwonueta pwon mi pin. Ekkei unumon anuon rese wanong ar aneasochis anongonong won ika repwe ngaseno. Ika mwo rese ngaseno, repwe chok apwonueta ar pwon ngeni ewe Samon pokiten ra apasa pwe repwe fori.
Ifa usun sia tongeni aea ekkei awewe non imwach me ngeni ach famini? “Kinikinin kapas won kinikinin kapas, annuk won annuk,”18 sia anisi semirit ne kuna fisioch ekis me ekis. Nupwen ra apwonueta ar pwon, ra mefi ewe Ngun non manauer. Elter Joseph B. Wirthlin a aiti pwe “ewe niwinin pochokun mi murino ina ewe chiechien ewe Ngun mi Fel.”19 Iwe mwirin an nouch kewe semirit apinukunuk epwe pochokununo me mwen Kot.”20 Seni ei popun pochokun a feito ew manamanen tappin aramas mi tongeni ungeni tipis.
Mongeei me pwii, kamwoch ngenikemi noumi kewe— fokkun kamwoch ngenikemi pwe repwe kuna napanapemi mi manaman iteiten ran me katon ami apwonueta ami pwon me pwon mi pin. “Semirit ra angoch ne appiru, iwe ngeni mettoch mi murino repwe appiru..”21Kich sia ennetin aninis ne aiti me amari ew tappin aramas mi tongeni ungeni tipis ngeni ewe Samon ren ach fori pwon me pwon mi pin.
Ua pwarata pwe Jises Kraist a emweni ei Mwichefen. Nupwen ka asukun, me tongei semirit usun ewe Chon Amanau, ka tongeni angei om pwarata epwe anisuk ne fori me awora semirit mi poracho mi tongeni ungeni tipis. Ai iotek pwe semirit repwe pwan mefi ekkewe kapasen Nifai: “Kose mochen kopwe foriei pwe upwe chechech ren ai niweiti feiton tipis?”22Ua pwarata pwe ewe Chon Amanau a achasefani tipisin fonufan23—24pokiten A apasa pwe epwe fori, me I mi tongei kich nap seni kich aramas sia tongeni weweiti24—pokiten A apasa pwe epwe fori. Non iten Jises Kraist, amen.