2010-2019
Imaandaari se Sambandhit
April 2015


Imaandaari se Sambandhit

Mai prarthna karta hoon bhaaiyon hum khud ke baare mein sochne ke behkaawe ko hataae aur, uske bajae, ek mahaan sammaan ko paane ki soche: Ishu Maseeh ke vinamra, imaandaar chelein banne ke liye.

Der 18th sadi mein, Catherine jo Russia ki Prasidh thi ne goshna kiya woh apne raajye ke dakshin bhaag ka bhraman karegi, apne kayi videshi raajdut ke saath. Us chetra ka gavarnar, Grigory Potemkin, ki behad chaahat thi in mehmaano ko khush karne ki. Aur isliye woh itne had tak gaya desh ke safalta ko dikhlaane mein.

Yaatra ke kuch der tak, Catherine Dnieper Nadi mein dakshin ki or saer karte gaye, raajduton ko badhaai mein nadi ke tat ke sabhi chote gaawon ko dikhaate huwe, jismein mehnati aur khush log bhare the. Sirf ek samasya thi: yeh sab sirf dikhaawa tha. Yeh kaha jaata hai ki Potemkin ne dukaanon aur gharon ke chitra waale pradarshan board rakhe the. Usne usmein vyast dikhaai dene waale logon ko bhi bithaaya tha taaki pragati karne waale shahar lage. Jaise hi naaonadi mein mod se ghum gayi, Potemkin ke aadmiyon ne nakli gaao ko hataya aur agle gaao tak le gaye jahan Catherine pahunchne waali thi.

Bhale hi aaj kal ke itihaas-lekhakon ne is kahani ki sachchaai par sawaal kiye hai, yeh shabd “Potemkin village” ab duniya jaan gayi hai. Ab iska matlab hai, koi bhi koshish jisse auron ko vishwaas karwate hai ki hum jaise hai use behtar dikhaate hai.

Kya Hamare Iraade Nek Hai?

Yeh manushye prakriti hai jiske kaaran hum behtar dikhna chahate hai. Yahi kaaran hai ki kyun hum log apne gharon ke baahar par itna kaam karte hai aur kyun hamare Aaronic Purohiti ke bhaai dhyaan karte ki har baal sahi jagah par hai, shaayad woh apne kisi khaas se mil jaaye. Kuch bhi to galat nahin hai jute chamkane se, achcha mahaakne se, ya gharelu shikshak aane se pehle maele bartan chupa dene se. Haalaanki, jab yeh had paar karta hai, yeh dilchaspiyaan upyogi ki jagah dhokha lagne lagta hai.

Prabhu ke bhavishyevaktaaon ne ek chetaoni ke aawaaz uthaai hai unke khilaaf jo “muh se [Prabhu ka] aadar karte huwe sameep aate, aur hoton se [Unka] gungaan karte hai, parantu apna mann [Unse] dur rakhte hai.”1

Uddhaarkarta sehmat aur dayalu tha paapiyon ke saath jinke hriday vinamra aur sachche the. Magar Woh dhaamik krodh ke saath pesh aata paakhandiyon ke khilaaf jaise lipik, Faarisi, aur Saduki—jo sahi hone ka dikhawa karte the taaki woh duniya ki prashansa, prabhaao, aur dhan ko paa sake, aesa karne mein woh jinhe ashish de sakte the unpar atyachaar karte rahe. Uddhaarkarta ne unki tulna “safed samadhiyon ki tarah, jo baahar se sundar dikhte hai, par andar mare huwon ke haddiyon, aur sab prakaar ki mael se bhari hai.” 2

Hamare dinon mein, Prabhu ke paas aese hi taaqatwar shabd hai purohiti rakhnewalon ke liye jo koshish karte hai “[apne] paap ko chupaane ki, ya [apna] ghamand ko shaant karne, [ya apne] bekaar ke abhlaashaon mein.” Usne kaha, “Usne kaha, Jab woh aysa karte hai “swarg hat jaata hai aur Prabhu ki aatma dukhi ho jaati hai aur jab woh dur ho jaata hai, amen purohiti ke liye aur us aadmi ke adhikaar ka.” 3

Aysa kyun hota hai? Kyun hum kabhi kabhi baahar se joshile, safal, aur wafadaar lagte hai jabki andar se—jaise Revelator ne Ephesians ke baare mein kaha—ki humne “[apna] pehla prem chod diya hai”? 4

Kuch stithiyon mein, humne susamachaar ke mukhye lakshye par se apna dhyaan kho diya hai, galatfehmi mein “ishwartav ke aakaar ko” uska “shakti maan liya hai.” 5 Yeh khaaskar khatarnaak hai jab hum apne chelapan ke bahari dikhaawe se dusron par tikate hai niji faede ya prabhaao ke liye. Tab aysa hota hai ki hum Farisi jaisa ban jaate hai, aur samay abhi hai jab hum apne andar ke ehsaas ko parkhe taaki apne jiwan mein zaroori badlaao laa sakein.

Potemkin ke Kaaryekaram

Yeh behkawa ki hum khud behtar bane sirf hamare niji jiwan mein nahin hai magar hamare Girjaghar niyuktiyon mein bhi paaya jaata hai.

Uddharan ke taur par, mai ek stake ke baare mein jaanta hoon jahan netaaen varsh ke liye kuch mahatvaakanshi lakshye banate hai. Jabki lakshye sahi lagte the, chaahe woh shandaar aur lubhaane waale goshnaaen ya gintiyon aur pratishaton par aadhaarit the.

Yeh sab lakshye par baat cheet karne ke baad yeh maana gaya, ki stake adhyaksh ko kuch acha nahin lag raha tha. Usne apne stake ke sadasyon ke vishay mein socha—jaise us jawaan vidhwa ke jo haal hi mein vidhwa hui ho apne bachcho ke baare mein sochti ho. Woh un sadasyon ke baare mein soch raha tha jo sandeh ya akelepan ya kathin swaasth sambandhi beemaari aur kuch bhi bhima nahin rakhkar sangharsh kar rahe the. Woh un sadasyon ke baare mein soch raha tha jo tute huwe vivaah, latein, berozgaari, aur maansik takleef ka saamna kar rahe the. Aur woh jitna unke baare mein sochta, utna woh khud se ek namra hone waala sawaal puchta: kya hamare naye lakshye in sadasyon ke jiwanon mein koi badlaao laaega?

Woh achambhit hua ki stake ke lakshye kya hote agar unse pucha gaya hota, “Hamara sewa kya hai?”

Tab yeh stake adhyaksh apne salaahkaaron ke paas lauta, aur saath mein unhonne apna dhyaan badla. Unhonne socha ki woh kisi “bhukhon, zarooratmand, … bina vastra ke, … beemaaron ko aur dukhiyon [ke] bagal se nikal jaane dete ho, aur unpar dhyaan bhi nahin dete ho.” 6

Unhonne naye laskhye banaye, yeh jaante huwe ki in naye lakshyon se safalta nahi naapa jaa sakta hamesha, acha manushye se to nahin—kyunki kaise koi niji gawahi, Parmeshwar se prem, ya auron ke liye daya ka naap lagaye?

Magar woh yeh bhi jaante the ki “kayi cheese jinhe gina jaa sakta hai, koi maaine nahin rakhta. Kayi cheese jinhe gina nahin jaa sakta, sach mein bahut maaine rakhte hai.” 7

Mai ashcharye karta hoon ki kya hamare vyavasthaapna sambandhi aur niji lakshye kabhi kabhi ek adhunik uddharan hai ek Potemkin gaao ka. Kya woh dur se sahi dikhte hai magar hamare priye bandhuwon ke vaastavik zarooraton ko nahin pura karte?

Mere priye doston aur saathi purohiti rakhnewaalon, agar Ishu Maseeh hamare saath baethta aur humse hisaab chahata hamare zimmedaari ka, mai nahin sochta woh kaaryekramon aur sankhiyaon par utna gaor karta. Uddhaarkarta yeh jaanna chahata ki hamare hriday ki stithi kya hai. Woh jaanna chahata kaise hum apne sahare jeene waalon se prem karte aur unhe sewa karte hai, kaise hum apne pati ya patni aur parivaar se prem karte hai, aur hum kaise unka bojh halka karte hai. Aur Uddhaarkarta jaanna chahata kaise tum aur mai Unke aur hamare Swarg ke Pita ke kareeb aa rahe hai.

Hum Kyun Yahan Hai?

Laabhdaayi hoga apne khud ke hriday mein jhaankna. Uddharan ke liye, hum khud se puchenge, hum kyun Ishu Maseeh ke Girjaghar mein sewa pradaan karte hai?

Hum yeh bhi puch sakte hai, aaj hum yahan is sabha mein kyun hai?

Mujhe lagta hai agar mai us sawaal ka jawaab ek baahari star par doon, mai kahunga ki mai yahan hoon kyunki Pradhaan Monson ne mujhe bhaashan dene ko kaha hai.

Isliye mere paas koi aur chaara nahin tha.

Uske alaawa, meri patni, jise mai bahut prem karta hoon, chahati hai ki mai upasthit rahun. Aur mai kaise use na keh sakta hoon?

Magar hum sab jaante hai ki isse behtar kaaran hai ki hum apne sabhaaon mein jaae aur Ishu Maseeh ke samarpit chelon ki tarah apna jiwan jiye.

Mai yahan hoon kyunki mai apne pure hriday se Swami, Ishu Maseeh ke piche chalna chahata hoon. Mai chahata hoon mai is mahaan lakshye mein woh sab karun jo Woh kehta hai. Mujhe Pavitra Aatma se prerna chahiye aur Parmeshwar ki aawaaz sunna hai jab Woh Apne niyukt sewakon ke zariye baate karta hai. Mai yahan ek behtar insaan banne ke liye aaya hoon, Maseeh mein jo mere bhaai aur bahan hai unke prerna bhare uddhaaran se sikhne aaya hoon, aur kaise zarooratmandon ki sewa karni chahiye seekhne ke liye.

Kuch shabdon mein, mai yahan hoon kyunki mai apne Swarg ke Pita aur Unke Putra, Ishu Maseeh se prem karta hoon.

Mai jaanta hoon yeh tumhari vajah bhi hai. Isliye hum balidaan karna chahate ho aur sirf waise kehte nahin ki Uddhaarkarta ke piche ho lena chahate ho. Isliye hum sammaan ke saath Unke pavitra purohiti ko rakhte hai.

Chingaari se Bade Aag Mein

Chaahe tumhara gawahi sampann aur swasth hai ya Girjaghar ki gatividhi Potemkin gaaon ki tarah hai, achchi khabar yeh hai ki tum apne hi shakti par nirbhar ho sakte ho. Yahan Ishu Maseeh ke Girjaghar mein tum aatmik rup se badh sakte ho aur Uddhaarkarta ke kareeb aa sakte hohar din susamachaar ke siddhaanton ko aazmaane se.

Dhaerye aur jidh, chelapan ka sabse chota uddharan ya vishwaas ka sabse chota dikhawa ek jalta huwa aag ban sakta hai ek pratishthit jiwan ka. Varnan, waise hi kayi aag shuru hote hai—ek choti chingaari se.

Isliye agar tum chote aur kamzor mehsoos kar rahe ho, kripya sirf Maseeh ke paas aaye, jo nirbal baaton ko mazboot karta hai. 8 Jo hum mein se kamzor hai, Parmeshwar ke mahima se, dhaarmik rup se mazboot ban sakta hai, kyunki Parmeshwar “kisi ka paksh nahin karta.”9 Woh hamara “yeh vishwaasyogye Parmeshwar hai, jo use prem rakhte hai aur uski aagyaaen maante hai unke saath Woh hazaar peedhi tak apni vaachan ka paalan karta aur unpar karuna karta rehta hai.”10

Yeh mera vishwaas hai ki agar Parmeshwar ek gareeb German sharnagat ko ek yudh chalte huwe desh ke ek saadharan parivaar mein jahan se Girjaghar ka mukhye daftar itna dur hai tak pahunch sakta hai aur use raahat pahuncha sakta hai, tab Woh tum tak bhi pahunch sakta hai.

Mere priye Maseeh mein ke bhaaiyon, Rachnewaale Parmeshwar, jisne vishwa mein jiwan daan diya, ke paas shakti hai tumhare andar jiwan dene ki. Tab to woh tumhe sahi, aatmik jiu bana sakta hai jyoti aur sachchaai ka jo tum banna chahate ho.

Parmeshwar ke vaade nishchit aur sahi hai. Hum sabhi paapon se chama paa sakte hai aur sab adharm se shudh ho sakte hai.11 Aur agar hum sachche siddhanton ko apnaana aur jeena jaari rakhenge apne niji parishthitiyon mein aur apne parivaaron mein, hum ek ayse sthaan par pahuchenge jahan hum “bhukhe aur pyaase na honge. … Kyunki Memna jo singhasan ke beech mein hai [hamari] rakhwaali karega, aur [hamein] jiwan rupi jal ke sote ke paas le jaaega: aur Parmeshwar [hamare] aankhon se sab aansu poch daalega.” 12

Girjaghar Changaai ka Jagah hai, Chupne ka Nahin

Par aysa nahin ho sakta agar hum nakli niji, dhaarmik, ya vyavasthaapna sambandhi chehro ke piche chupenge. Ayse nakli chelapan na sirf hamein apne sahi aape ko dekhne se rokte hai, par woh hamein Uddhaarkarta ke Praeshchit ke zariye sahi rup se badalne bhi nahin dete hai.

Girjaghar ek gaadiyon ka dikhawa sthal nahin hai—ek jagah jaha hum khud ki numaaish karte hai taaki anye log hamare dhaarmikta, chamta, ya badhanti ko dekh sake. Woh zyaada ek sewa kendra ki tarah hai, jahan gaadiyaan aati hai marammat aur sudharne ke liye.

Aur kya hum, sab, ko marammat, sudhaar, aur swasthlaabh ki zaroorat nahi hai?

Hum girjaghar aate hai apne samasyaaon ko chupaane nahin par unse theek hone ke liye.

Aur purohiti rakhnewaale hone ke kaaran, hamare paas ek aur zimeedaari hai—ki “Parmeshwar ki us jhund ki …  , dabaao se nahin, parantu Parmeshwar ki ichcha ke anusaar; aur [apne faede] ke liye nahin, parantu mann laga kar; Parmeshwar dwara saope gaye ki tarah nahin unpar adhikaar na jataao, waran jhund ke liye [aa]darsh bano.” 13

Bhaaiyon, yaad rakho, “Parmeshwar abhimaaniyo ka virodh karta hai, par deeno par anugrah karta hai.” 14

Sabse mahaan, sabse kaabil, sabse mukkamal aadmi jo kabhi is dharti par chala hai bhi vinamra tha. Usne Apne sabse prabhaaoshaali sewa Apne niji chanon mein kiya, jahan bahut kam dekhne waale the, jinse Unhonne kaha ki “kisi se na kehna” 15 Maine kya kiya hai. Jab kisi ne Use “uttam” kehta tha, Woh turant use inkaar karta, yeh kehte huwe ki sirf Parmeshwar hi uttam hai. 16 Saaf rup se duniya ki badhaai Unke liye kuch nahin tha; Unka ek hi lakshye tha Apne Pita ki sewa karna aur “woh kaam karna jisse pita khush hota tha.” 17 Hum sahi karenge jab hum apne Swami ka uddharan par challenge.

Hum Bhi Unki Tarah Prem Karein

Bhaaiyon, yeh hamara uncha aur pavitra niyukti hai—Ishu Maseeh ke pratinidhi hona, Unke tarah prem karna, Unki tarah sewa karna, “un haathon ko uthaana jo nirbal hai, aur kamzor ghutno ko taaqat dena,”18 “gareeb aur zarooratmand ki dekhbhaal [karna],”19 aur vidhwaaon aur yateemon ki dekhrekh karna. 20

Mai prarthna karta hoon bhaaiyon, ki jab hum apne parivaaron, parishadon, ward, stake, samaajon, aur deshon, mein sewa pradaan kare hum khud ke baare mein sochne ke behkaawe ko hataae aur, uske bajae ek mahaan sammaan ko paane ki soche: hamare Prabhu aur Uddhaarkarta, Ishu Maseeh ke vinamra, imaandaar chelein banne ke liye. Jab hum aysa karenge, hum khudko us maarg mein chalet paaenge jo hamein hamare betar, sabse imaandaar, aur nek stithi mein le jaaega. Iski mai gawahi deta hoon hamare Swami, Ishu Maseeh ke naam se, amen.