របាយការណ៍ពីការិយាល័យសវនកម្មសាសនាចក្រឆ្នាំ 2012
ជូនចំពោះគណៈប្រធានទីមួយនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ
បងប្អូនប្រុសស្រីជាទីស្រឡាញ់ ៖ ដូចដែលបានណែនាំនៅក្នុងវិវរណៈនៅកណ្ឌទី 120 នៃគោលលិទ្ធិ និង សេចក្តីសញ្ញា គឺក្រុមប្រឹក្សាស្តីពីការប្រើប្រាស់ដង្វាយមួយភាគក្នុងដប់ដើម្បីអនុញ្ញាតការចំណាយនៃមូលនិធិសាសនាចក្រ ។ ក្រុមប្រឹក្សានេះរួមមានគណៈប្រធានទីមួយ កូរ៉ុមនៃសាវកដប់ពីរនាក់ និង គណៈប៊ីស្សពជាអធិបតី ។
ក្រុមប្រឹក្សានេះអនុមតិថវិកាសម្រាប់ការិយាល័យនានា ដំណើរការនៃសាសនាចក្រ និង ការបែងចែកទាក់ទងទៅនឹងអង្គភាពសាសនា ។ អង្គភាពសាសនាចក្រទាំងឡាយចាយវាយមូលនិធិស្របទៅតាមថវិកាដែលបានអនុមតិ ហើយស្របទៅនឹងគោលនយោបាយ និង ទម្រង់ការទាំងឡាយរបស់សាសនាចក្រ ។
ការិយាល័យសវនកម្មសាសនាចក្រត្រូវបានផ្តល់ឲ្យនូវការអនុញ្ញាតដើម្បីប្រើប្រាស់កំណត់ត្រា និង ប្រព័ន្ធចាំបាច់មួយចំនួនដើម្បីវាយតម្លៃការគ្រប់គ្រងគ្រប់គ្រាន់សម្រាប់ការទទួលមូលនិធិ ការចំណាយ និង ការការពារទ្រព្យសម្បត្តិសាសនាចក្រ។ ការិយាល័យសវនកម្មសាសនាចក្រជាការិយាល័យឯករាជ្យពីការិយាល័យផ្សេងៗទៀតនៃសាសនាចក្រ និង មានដំណើរការ ហើយរួមមានបុគ្គលិកដូចជា គណនេយ្យករសាធារណៈដែលមានលិខិតបញ្ជាក់ សវនករផ្ទាល់ដែលមានលិខិតបញ្ជាក់ សវនករប្រព័ន្ធព័ត៌មានដែលមានលិខិតបញ្ជាក់ និង អ្នកជំនាញដទៃទៀតដែលបានអនុញ្ញាតឲ្យធ្វើការ ។
ដោយផ្អែកលើការធ្វើសវនកម្ម ការិយាល័យសវនកម្មសាសនាចក្រមាននូវគោលគំនិតមួយថា គ្រប់ព័ត៌មានលម្អិត វិភាគទានដែលទទួលបាន ចំណាយដែលបានចាយ និង ទ្រព្យរបស់សាសនាចក្រសម្រាប់ ឆ្នាំ 2012 ត្រូវបានកត់ត្រា និង គ្រប់គ្រងដោយរបៀបដ៏ត្រឹមត្រូវតាមផ្នែកគណនេយ្យ តាមថវិកាដែលបានអនុមតិ និង គោលនយោបាយ និង ទម្រង់ការទាំងឡាយនៃសាសនាចក្រ ។
ផ្ញើជូនដោយការគោរព
ការិយាល័យសវនកម្មសាសនាចក្រ
រ៉ូប៊ើត ដបុលយូ ខានវែល
នាយកគ្រប់គ្រង