Mukenji wa ku Ngondu Bua Dikankamika dia Bansonga, Ngondu wa Muanda Muteketa 2026
Ngelelu ya meji 3 ya bantu pa Mabenesha a Nkambua Mukulu
Dibenesha dia nkambua mukulu didi dipa dishema dia kudi Tatu wa mu Diûlu
Tshifuanyi tshia kudi Jarom Vogel
Dipeta dia dibenesha dia nkambua mukulu didi diesa dimpa. Padi nkambua mukulu uteka bianza bienda pa mutu weba, udi ukupesha mabenesha adi mua kukuambuluisha bua kumanya mushindu udi Tatu wa mu Diûlu mukunanga ne mujinga bilenga bieba.
Bamua bantu badi mua kudiabakena bua mabenesha a nkambua mukulu. Eyi idi ngelelu ya meji isatu idi mua kufikisha didiabakena edi, ne kabidi mishindu mimpa ya kuyitangila.
Ngelelu wa meji: ntshinyi tshidi mu dibenesha dieba dia nkambua mukulu tshidi tshiakula bua matuku eba alualua.
Bulelela: Dibenesha dieba dia nkambua mukulu didi buludiki bua moyo weba.
Dibenesha dieba dia nkambua mukulu didi difila mibelu ne milayi. Tshidi mua kujandula bimua bintu biwudi mua kuenza ne mabenesha awudi mua kupeta kupitshila ku lulamatu lueba, kadi kadiena diumvuija bintu bionsu biafika kuwudi.
Bua kupeta ngumvuilu wa bungi pa dibenesha dieba dia nkambua mukulu, udi mua kudilonga ne kunana meji pa diodi ku misangu. Kadiena dileja bintu bionsu pa moyo weba, kadi ngumvuilu wadi ne mushindu uwudi udienzela mu moyo weba udi mua kukudimuka pawudi ukola ne kupeta mamanya mapia-mapia. Kudibala misangu yonsu kudi mua kukangula dibuluila bua bipolu bidi mua kukuambuluisha mu moyo weba.
Ngelelu wa meji: Dibenesha kadiakulua to pikaladi kadiyi ditela mu dibenesha dieba dia nkambua mukulu.
Bululela: kakuena mikalu ku mishindu idi Tatu wa mu Diûlu mua kukubenesha bua lulamatu.
“Mu mushindu wa ne dibenesha dia nkambua mukulu didi mua kubenga kutela bua bibilu bia mushinga bia moyo weba bu mudi, mudimu wa bukenji anyi dibaka, kabiena biumvuija ne kabiakufika to.”
Tatu wa mu diûlu udi mua kukubenesha mu mishindu mitela mu dibenesha dia nkambua mukulu. Bidi kabidi bilelela ne amua mabenesha kaêna mua kukumbajibua mu moyo ewu (tangila Dilongesha ne Bipungidi 58:3-4). Nansha mabenesha makumbana mpidiewu anyi pashisha, Milayi ya Tatu wa mu Diûlu adi akumbana.
Ngelelu wa meji: Bula bua dibenesha dieba dia nkambua mukulu budi buleja mushindu kayi uwuvua mukumbana anyi mudilongolola bua kudibeta.
Bulelela: Dibenesha dieba dia nkambua mukulu didi dia nkaya bua biwudi mujinga.
Padi nkambua mukulu ukupesha dibenesha, udi mulombodibua kudi Nyuma wa Tshijila bua kumanyisha tshidi tshilombibua ne tshidi Tatu wa mu Diûlu mujinga bua wewa umanya. Amua mabenesha adi mipi ne makola; makuabu adi mala ne afila diumvuija dia bungi. Mashilangayi â kaêna tshipiminyi tshia dikumbana, didilongolola, anyi disomba ne Tatu wa mu Diûlu.
Bunena bua bujitu bua dibenesha dia nkambua mukulu mbuimanyina pa maludiki a nyuma ne milayi ididi nadi, kabiyi mu bula buadi to. Dinanga dia Tatu wa mu Diûlu ne milayi kabiena mua kuikala bipimibua anyi bikala mu bungi kampanda bua miaku.
Dibenesha dia nkambua mukulu didi dipa dinena dia kudi Nzambi. Kudimonununa, kudilonga, ne kunana meji pa diodi misangu yonsu nebikukolesha ne bikuludika bua kulua bionsu bidi Tatu wa mu Diûlu mujinga bua wikala.
© 2026 by Intellectual Reserve, Inc. All rights reserved. Bipatula mu USA. Dianyisha mu: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, June 2026. Tshiluba. 20042 760