Zaj Lus hauv phau For the Strength of Youth Txhua Hli, Rau Hli Ntuj 2026
Yog tias kev hloov siab lees txim yog ib tug txheej txheem, ces tus txheej txheem ntawd yog dab tsi?
Ntsib tus Cawm Seej, los ntawm Jen Tolman
Cov thawj coj ntawm lub Koom Txoos qhia tias muaj tej yam yus yuav tsum ua kom hloov siab lees txim tiag tiag. Tej yam no yog kev ntseeg Leej Txiv Saum Ntuj Ceeb Tsheej thiab Yexus Khetos, kev tu siab vim tau ua txhaum, kev lees txim, kev tso kev txhaum tseg, kev kho kev txhaum, thiab kev ua neej ncaj ncees.
Yeej yuav tsum ua tej yam no, thiab thaum cov thawj coj pov thawj hwj yuav pab peb hloov siab lees txim rau tej kev txhaum loj heev, tej zaum lawv yuav hais kom peb ua tej yam thiab. Tiam sis thaum peb hais tias kev hloov siab lees txim yog ib tug txheej txheem, ces peb tsis hais tias yog ib txoj kev yus lam ua xwb. Yeej tsis muaj ib yam dab tsi yus lam ua tau. Peb yuav tsum xav hloov kawg siab kawg ntsws—thiab yeej yuav tsum siv sij hawm ua li ntawd. Peb thiaj li hais tias kev hloov siab lees txim yog ib tug txheej txheem. Yuav tsum siv sij hawm thiab, feem ntau, yuav tsum pheej rov qab ua dua ntxiv. Tiam sis cia li nco ntsoov tias “Yexus muab kev pib dua tshiab rau peb raws li peb xav tau” thiab “kev tsim nyog tsis yog kev zoo tag nrho.”
Ntau npaum li peb thov kom txais tau kev zam txim ces peb yuav txais tau kev zam txim ntau npaum li ntawd. Tiam sis tus txheej txheem hloov siab dhau los ntawm tus Cawm Seej lub hwj chim yog ib txoj kev uas tsis tu.
Peb yuav tsum xav tias kev hloov siab lees txim yog ib yam peb zoo siab ua txhua hnub, thiab tsis txhob xav tias yog ib yam peb lam ua los sis muaj kev nyuaj siab ua xwb. Dhau los ntawm tus Cawm Seej lub hwj chim, peb yeej hloov tau. Thiab kev hloov siab tiag yeej yog ib tug txheej txheem.
© 2026 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Askiv: 6/19. Pub txhais ua lus Hmoob: 6/19. Kev txhais Monthly For the Strength of Youth Message, June 2026. Hmong. 20075 295