Mukenji wa ku ngondu Bua Dikankamika dia Bansonga, Ngondu Muisatu 2026
Ekesode 12
Pâsaka wetu—Biakudia bia Tshiijila
Kudi dipetengana pankatshi pa Pâsaka wa kala ne biakudia bietu bia tshijila bia ku lumingu.
Bimfuanyi kudi Alyssa Tallent
Kumpala kua Bena Isalela ba kala kumbukabu mu Ejipitu, bavua balombibua bua kutumikila nangananga maludiki adi umbukila kudi Mukalenga nanku muanjelu wa dibutula nebalekela anyi neabapita (tangila Ekesode 12). Panyima pa diya diabu mu Ejipitu, Bena Isalele bavua benza Tshibilu tshia difesto tshidimu dionsu, batshibikila ne Pâsaka, bua kuvuluka mushindu uvua Mukalenga musungila bantu benda ba tshipungidi.
Mu lumingu lua ndekelu mu moyo wenda wa tshifuaka, Yezu Kilisto uvua mu didia dia Pâsaka. Lelu ewu tudi tudibikila ne Didia dia Tshijila. Mupandishi wakenzela tshipolu etshi bua kubanga mululu wa biakudia bia tshijila, utudi tuenza mpidiewu lumingu lonsu? (Tangila Matayo 26:26–28; Luka 22:19–20; Dilongesha ne Bipungidi 20:77, 79.)
Monayi bionsu bibidi bidi bipetangana pankatshi pa Pâsaka wa kumpala, ne Didia dia Tshijila dia Mukalenga, ne biadidia bia tshijila bia lelu bidi mua kutuambuluisha bua tuvuluka disungidibua dietu kupisthila ku Mupandishi.
Diampa
Pâsaka: mu matuku muanda muteketa, Bena Isalele bakadia diampa kadiyi luevene (adi mikala alambibua lukasa ne kaayi abola lukasa).
Didia dia Tshijila: Yezu Kilisto wakabenesha ne wakakosa mampa kaayi luevene mu dituku dia pâsaka, ne wakapesha bayidi benda. Wakabambila bua kudiabu bu tshivulukilu tshia mubidi wenda, mumanya ne neashipibue ne neafua kadi neabika kabidi.
Biadidia bia Tshijila: tudi tudia diampa bu tshivulukilu tshia mubidi wa Yezu Kilisto.
Yezu Kilisto udi Diampa dia Moyo. Kupitshila ku Dibika ku Lufu dienda, netubika bonsu ne mubidi mujima, udi kawuyi ubola, kawuyi ufua. Mutusungila ku lufu.
Mashi a Muana wa Mukoku
Pâsaka: Muana wa mukoku wa mpanga wa Pâsaka uvua kayi ne tshilema, wa tshidimu tshimuepela. Uvua mushipa, ne mashi enda avua medibua mu dilongu. Bavua batua mutshi mu dilongo bua kumiamine mashi ku biluwa bibidi bia mushiku wa mbelu wa nzubu. Tshivua tshimanyinu tshivua tshimanyisha bantu ba tshipungidi ba Mukalenga bua muajelo wa dishipa apita bua nusungidibua ku bupika mu Ejipitu.
Didia dia Tshijila: Yezu Kilisto wa kenzela mvinyo bua kuleja mashi enda. Wakambila bayidi benda bua kuanua bu tshivulukilu tshia mashi enda, akapueka buabu bua dijimija dia mibi ne bu tshitupa tshia tshipungidi tshipia tshipia.
Didia dia Tshijila: tudi tunua mâyi bu tshivulukilu tshia mashi a Yezu Kilisto.
Yezu Kilisto udi Muana wa Mukoko wa Nzambi. Mashi enda akapueka pa kakengayi bua mibi yetu ne mateketa. Mashi enda—Mulambu wenda—adi atutokesha. Mutusungila ku mibi.
© 2026 kudi Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, March 2026. Tshiluba. 19936 760