Mukenji wa ku ngondu Bua Dikankamika dia Bansonga, Ngondu Muibidi 2026
Udi Musua Kuikala ne Disanka Dinene anyi? Teta Dianyisha
Pikala moyo weba muikala muwula ne mashintuluka, dianyishaa didi mua kukuambuluisha bua kutangila ku buimpa ne kushala ne ditekemena.
Bimfuanyi bia kudi Maggie Stephenson
“Kua kuikala ne disanka dinene dipita muwudi ne dianyisha.”
Anu bumudi mufundu ewu wa kudi Mukulu Gary B. Sabin Wa mu ba Makumi Muanda Muteketa umvuija, Mushindu uwudi ne disanka udi uleja mushindu uwudi ne dianyisha. Bidi biumvuika—pawudi mu dianyisha, udi utangila kudi bintu bimpa pa muaba wa kutangila ku bintu bidi bibi.
Nansha nanku, nsombelu kakuikala misangu yonsu bu mudibi bilongolola to. Mashintuluka adi kaayi matekemena adi mua kuenza bua udiabakena bikole, ubungama, anyi wikala ne tshiji pamutu pa kuikala ne disanka. Kadi padi bintu bikala bikole, dianyisha didi mua kukuambuluisha bua ushala mu ditekemena. Teta mishindu isatu eyi bua kubueja dianyisha mu moyo weba.
1. Keba bidi bimpa
Misangu yonsu, bidi bikala bikole bua kuikala ne dianyisha pawudi udiumvua bu ne udi mupangila tshintu kapanda. Kadi mabenesha kayi awudi mua kulekela mu kutangila pa bintu biwudi kuyi nabi pa muaba wa kutangila pa biwudi nabi?
Mu dikeba dieba dia bimpa mu nsombelu weba, ku matuku nebilue bipepela bua kubipeta.
2. Leja Dianyisha kudi Mufidi
Pawudi ubala mabenesha eba, kupu moyi muaba udiwu afuma.
Kusakidila Tatu wa mu Diulu bua mapa enda—pamua ne dipa dia Muanenda—kudi mua kuvudija dinanga dieba ne ditabuja mu yeya. Mulombodi Mukulu D. Todd Christofferson, Mubedi Muibidi mu Bulombodi Bukulu bua Kumpala, uvua enda mumvuija, “Kumvua ne kuleja dianyisha kudi Nzambi … kudi kubueja ku ndambu dikukuila ne mushindu wa dienzulula dia disanka,” dikutumina disanka ne bukole ne kuambuluisha dijadika dieba bua dikoleshibua.
3. Tangila mu Dilongolola dia tatu wa mu Diulu
Mu bulelela, kuikala ne dianyisha kakuena kumvuija kupua moyo malu makole mu moyo wetu anyi kumvua disanka misangu yonsu. Nansha Yezu Kilisto wa kumvua ne kuitabija dikenga (Tangila Alama 7:11; Dilongesha ne Bipungidi 19:18–19). Dibungama didi tshitupa tshilongama dia lufu.
Kadi nansha koku tshinyi, tshintu tshimua katshia kushintuluka: Dilongolola dia lusa dia Tatu wa mu Diulu. Dibungama dionsu ne busami buwudi umona mu moyo ne bilongolodibua Kupitshila ku Yezu Kilisto ne Bupikudi buenda (tangila Buakabuluibua 21:4).
Mukulu Dieter F. Uchdorf wa mu Mpuilu wa Bapostolo Dikumi ne Babidi wakumvuija: “Kuikala ne dianyisha mu matuku makole kakuena kumvuija ne tudi basanka ne bikondu bietu. Bidi biumvuija ne kupitshila ku mesu a ditabuja tudi tumona diamomua dia makenga etu a dituku dia lelu.”
© 2026 kudi Intellectual Reserve, Inc. All rights reserved. Bipatula mu USA. dianyisha mu Angele: 6/19. dianyisha dia dikudimuna: 6/19. Dikudimuna dia Monthly For the Strength of Youth Message, February 2026. Tshiluba. 19935 760