សារលិខិតប្រចាំខែ ដើម្បីកម្លាំងនៃយុវជន ខែកុម្ភៈ ឆ្នាំ២០២៥

ជំនួយមកពី ប្រភពដ៏ល្អឥតខ្ចោះ

ដោយ ដេវីឌ ឌីកសុន

ទស្សនាវដ្ដីសាសនាចក្រ

មិនថាអ្នកកំពុងមានបញ្ហាអ្វីដែលអ្នកកំពុងប្រឈមនោះទេ ព្រះយេស៊ូវគ្រីស្ទនឹងជួយអ្នកនៅពេលដែលអ្នកងាកទៅរកទ្រង់ ។

មានពេលណាមួយយើងទាំងអស់គ្នាត្រូវការជំនួយបន្តិចបន្តួច ។ ពេលខ្លះត្រូវការជំនួយ ច្រើន ។ ការពិតទៅជីវិតកាន់តែមានភាពប្រសើរច្រើន នៅពេលដែលអ្នកមិនព្យាយាមដើរតែម្នាក់ឯង ។

ព្រះយេស៊ូវគ្រីស្ទគឺជាប្រភពដ៏ល្អឥតខ្ចោះនៃជំនួយ ក្តីសង្ឃឹម និងកម្លាំងរបស់អ្នក ។ ទ្រង់ក៏អាចជួយផ្លាស់ប្តូរអ្នកឲ្យកាន់តែប្រសើរឡើង—ប្រហែលសូម្បីតែនៅក្នុងវិធីដែលអ្នកគិតថាមិនអាចទៅរួចផងដែរ ។

ការផ្លាស់ប្តូរដួងចិត្ត

តើអ្នកធ្លាប់អធិស្ឋានឲ្យព្រះនឹងបន្ទន់ចិត្តរបស់សត្រូវរបស់អ្នកដែរទេ ? បើធ្លាប់ អ្នកមិនមែនមានតែម្នាក់ឯងនោះទេ ( សូមមើល នីហ្វៃទី៣ ១២:៤៤; មរ៉ូណៃ ៧:៤៨ ) ។ ទោះបីជាអ្នកមិនមានសត្រូវដូចនៅក្នុងព្រះគម្ពីរមរមនក្តី ( អ្នកដឹងថា សត្រូវប្រដាប់ដោយអាវុធ និងត្រៀមខ្លួនជាស្រេចដើម្បីវាយប្រហារ ) អ្នកប្រហែលជាបានអធិស្ឋានឲ្យព្រះបន្ទន់ចិត្តរបស់នរណាម្នាក់ដែលមិនបានធ្វើល្អដាក់អ្នក ។

ប៉ុន្តែតើអ្នកធ្លាប់គិតថា អធិស្ឋាន និងទូលសុំព្រះឲ្យបន្ទន់ចិត្ត របស់ អ្នកដែរឬទេ ? ប្រហែលអ្នកកំពុងមានការលំបាកក្នុងការអភ័យទោសឲ្យនរណាម្នាក់ ។ ឬអ្នកចេះតែមានកំហឹង បើទោះបីជាអ្នកមិនចង់ក្តី ។ ឬអ្នកចង់មានអារម្មណ៍កាន់តែសប្បុរសទៅកាន់បងប្អូនរបស់អ្នក ទោះបីជាពួកគេពេលខ្លះរំខានអ្នកក៏ដោយ ។

« [ ព្រះយេស៊ូវគ្រីស្ទ ]នឹងផ្លាស់ប្តូរចិត្ត និងជីវិតរបស់អ្នក ។ បន្តិចម្តងៗ អ្នកនឹងរីកចម្រើន ហើយប្រែក្លាយកាន់តែដូចជាទ្រង់ ។ ទំនាក់ទំនងសេចក្តីសញ្ញារបស់អ្នកជាមួយទ្រង់នឹងនាំឲ្យអ្នកកាន់តែទទួលបានព្រះចេស្តាទ្រង់កាន់តែច្រើនឡើង » ( ដើម្បីកម្លាំងនៃយុវជន ៖ សេចក្តីណែនាំដើម្បីធ្វើការជ្រើសរើស [ ឆ្នាំ២០២២ ] ទំព័រ ៨ បានបន្ថែមការគូសបញ្ជាក់ ) ។

តើនោះពុំមែនជាការសន្យាដ៏អស្ចារ្យទេឬ ? មិនថាជាមួយអ្វីដែលអ្នកកំពុងជួបការលំបាកនោះទេ សូម្បីតែដួងចិត្តរបស់អ្នកផ្ទាល់ ក៏ព្រះយេស៊ូវគ្រីស្ទអាចជួយបានដែរ ។ តើអ្នកអាចងាកទៅរកទ្រង់នៅថ្ងៃនេះដោយរបៀបណា ?

© ឆ្នាំ២០២៥ ដោយ Intellectual Reserve, Inc. All rights reserved ។ បោះពុម្ពនៅ ស.រ.អា. ។ ការអនុម័តជាភាសាអង់គ្លេស ៖ ៦/១៩ ។ ការអនុម័តឲ្យបកប្រែ ៖ ៦/១៩ ។ ការបកប្រែនៃ Monthly For the Strength of Youth Message, February 2025. Cambodian. 19621 258