Molaetsa oa khoeli le khoeli Bakeng Sa Matlafalo ea Bacha, Pherekhong 2025.
Shebang ho Kreste
Lithuto tsa Tumelo le Lilekane 6:36
Mohoo oa Bacha oa 2025 o tla u thusa ho khetha ho ts´epa holim´a pelaelo le tumelo holim´a ts´abo.
Kailey ea lilemo li leshome le metso e supileng o ne a le sehlopheng sa boetapele bo khothatsang libapali ho fihlela kotsi eo e ileng ea fella ka tsietsi ea kotsi ea boko. Ho ikoka ha hae ho ile ha mo thibela ho kena sekolo, ´me o ile a qala ho ikutloa a le ka thoko ´me a le mong. O ile a sokola maikutlong ´me a sa tsebe hore a batle thuso kae. Motsoelle o ile a sisinya hore a mamele barumuoa ba boruti lichabeng. Ba ile ba mo ruta ka Topollo ea Jesu Kreste. Ho ithuta ho feta ka Kreste ho ile ha mo fa ts´epo, ´me o ile a utloa eka Molimo ka bo eena o ne a mo nanabela.
Kailey o ile a bolela ´m´e oa hae, “Ha ke so ka ke utloa eka Molimo oa nthata. Empa joale kea tseba hore oa nthata.”
´M´e oa hae, Michelle, o ne a maketse hanyane. Eena le monna oa hae , Brock, ba ne ba ile ba tlohela Kereke ea Jesu Kreste ea Bahalaleli ba Mehla ea Kajeno ha Kailey a ne a le lilemo li supileng ka lebaka la lipotso tse fapaneng, lipelaelo, le mats´oenyeho. Ba ne ba lekanya hore morali oa bona o tla thaba ho feta ntle le likopano tsohle le litaelo. Ha ba ka ba nahana hore khetho ea bona e tla boloka Kailey ho tsoa khokelong e haufi le Molimo. Ha Michelle le Brock ba ntse ba shebella kamoo Kailey a fetohang, ba ile ba lemoha hore e ne e bile nako e telele ho tloha ba ikutloa ba le haufi le Molimo, ´me ba ne ba batla ho ikutloa joalo hape.
Ba ile ba kopana le Mobishopo oa bona, ´me haufinyane, lelapa, ho kenyeletsa moena oa Kailey Braeden, ba ile ba khutlela kerekeng. Ho ikutloa haufi le Molimo le ho hokahana le eena—haholo ka thapelo—ho ile ha tsosolosa tumelo ea bona. Ho khutlela kerekeng ha ho ha ka ha rarolla lipotso tsohle tsa bona le mats´oenyeho, empa ba ile ba lemoha hore hoba le khokahanyo e fetisang ka matla ea bo mong le Molimo ho ne ho le bohlokoa ho feta ho se lumele.
Tsena tsohle li ile tsa qala ha motsoalle—mocha joalo ka uena—a mema Kailey ho sheba ho Kreste. ´Me o ile a etsa joalo!
Jesu Kreste o itse, “shebang ho ´na mehopolong eohle, se belaelleng letho, se ts´abeng letho” (Lithuto tsa Tumelo le Lilekane 6:36). Ena ke pululelo e kamor´a Mohoo oa 2025 oa Bacha. Re lumelle ho arolelana kamoo u ka khethang ho ts´epa holim´a ho belaela le tumelo holim´a ts´abo ha u ntse u sheba ho Kreste.
Le lets´sehali ho ea ho le letona: ´M´e Runia, Mookameli Freeman, ´M´e Spannaus
Tamara W. Runia
Ha ke sokola, kamehla ho a nthusa ho nahana Jesu Kreste ka matsoho a hae a otloletsoe kantle. Ha ke mo sheba, Ke hopola mantsoe a pina, “Ke tla Tsamaea le Jesu”: “A keke a hlola a nsia, esita le ha ke oela.”
Emily Belle Freeman
Ha ke bala lengolo lena le halalelang la mohoo, ke hopola Petrose leoatleng la Galelia. Ho tsepamisa maikutlo sefefong ho ile ha eketsa ts´abo ea hae´ le pelaelo, ho etsa hore a tebe maqhubung a sefefo. Empa ho tsepamisa maikutlo ho Mopholosi ho ile ha mo lumella ho fihlella ntho eo a neng a so e fihlele pele: o ile a tsamaea holim´a metsi! Ho ea makatsa kannete. Ke eng seo u ka se fihlelang ka ho sheba ho eena?
Andrea Muñoz Spannaus
Ha ke qala ho ikutloa ke ts´aba, ho sa natsehe hore na ke hokae kapa boemo bo feng boo ke leng ho bona, ka boomo ke nahana ka kamano ea ka le Ntate ea Maholimong le Jesu Kreste. Ke pheta makhetlo a mangata ka kelellong eaka: KE MORALI OA MOLIMO. Ke tsoelapele ho etsa sena hofilela ke qala ho ikutloa betere. E ea sebetsa kamehla!
Ho le lets´ehali ho ea ho le letona: Ntate Wilcox, Mookameli Lund, Ntate Nelson
Bradley R. Wilcox
Ipotse hore na ke mang ea u ratang le ho u tsotella ka ho fetisisa. Na ke batsoali ba hau le baetapele ba kereke? Na ke batho ba ho marangrang beo ho bona e ka ´nang eaba u palo feela? Sheba ho Ntate ea Maholimong le Kreste. Ba tsotella e le kannete!
Steven J. Lund
Hopola seo u se hopotsoang hau pheta mehoo ea lekhotla la boprista ba Aarone le Baroetsana: U mora kapa morali oa Molimo ea ratoang. Eba le tumelo hore Ntat´a rona ea maholimong u na le moralo bakeng sa hau. Ho sheba ho Kreste ho bolela ho bona hore Topollo ea hae e khubung ea moralo oo.
Michael T. Nelson
Ho bala mangaolo a halalelang ke ho sheba ho Kreste! Lipelaelo le Matsoalo li fela ka tlholeho ha re ntse re hopotsoa mehlolo le lithuto tsa Jesu. Re lehlohonolo haholo ho ba le phihlello ea mantsoe a Hae. A sebetsa maemong oohle ao rea fihlellang bophelong ba rona.
© 2025 by Intellectual Reserve, Inc. All rights reserved. E hatisitsoe USA. Tumello ea Senyesemane: 6/19. Tumello ea Phetolelo: 6/19. Phetolelo ea Khoeli le Khoeli Monthly For the Strength of Youth Message, Pherekhong 2025.. South Sotho. 19615 739