“Tera raoi ae ti beritanna ngke ti bwabetitoaki?,” Ibukin Kakorakoraia Kairake, Tuun 2024.
Rongorongo ni Katoa Namwakaina Ibukin Kakorakoraia Kairake Tuun 2024
Tera raoi ae ti beritanna ngke ti bwabetitoaki?
Bwabetito, iroun Annie Henrie Nader
A reireiniira koroboki aika tabu bwa ngke ti bwabetitoaki, ti karaoa te berita ae tabu (ke berita) bwa ti na kukurei ni katokaa i aora aran Iesu Kristo, beku ibukin te Atua, ao ni kawakin Ana tua (taraa Motiaea 18:10; Reirei ao Berita aika Tabu 20:37, 77).
Ti reiakinna naba n koroboki aika tabu bwa e buokiira te bwabetito ni kakoroi bukin ara kaantaninga “ni kaaina ana nanai te Atua, ao n aranaki bwa ana botanaomata” (Motiaea 18:8). N taekana teuana, bukina teuana ae ti bwabetitoaki bwa ti tangiria n kaaina ana ekaretia Iesu Kristo ao n karekea te kimwareirei n te tangira ao te bwaibwai ake a roko man katiteuanaakira i nanon Kristo.
Te motinnano n beku ibukin te Uea ao ni kawakinanAna tua a kona n irekereke ma bwaai aika a bati i nanon maiura. Te katooto, e mena naba i nanona “te nano ni kan buoka temanna n rawawatana, … n tang ma ake a tang; eng, ao ni karau nanoia ake a kainnanoa karauan nanoia, ao n tei bwa taan kakoaua ibukin te Atua n taainako ao ni bwaai nako, ao n taabo nako” (Motiaea 18:8-9).
© 2024 by Intellectual Reserve, Inc. All rights reserved. Boretiaki i USA. Kariaiakaki te Ingiriti: 6/19. Kariaiakaki rairana: 6/19. Rairan te Rongorongo ni Katoa Namwakaina Ibukin Kakorakoraia Kairake, Tuun 2024, Kiribati. 19299 859