Mukenji wa ku Ngondu Bua Dikankamika dia Bansonga, Ngondu wa Dikumi ne Umua 2026

Lungenyi bua Tshibilu tshia Bansonga

Malelela Asatu ne Dishima

Kipatshila

Kebayi bua kumanyangana umua ne mukubau ne kulonga pa ditapulula pankatshi pa bulelela ne tshilema.

Bintu Bidi Bijingibua

• Tukanda tukesa anyi tutupa tua mabeji, kamua bua nsonga yonsu. Mu katupa ka kakanda, funda tshitupa tshiakumpala tshia tshimfuanyi tshia tshibidilu, ne pa katupa kakuabu, funda tshitupa tshibidi. Tshilejilu: “Tangila kundi mu meji onsu …” ne “… kuedi mpata, kutshinyi” (Dilongesha ne Bipungidi 6:36).

Maludiki

• Malelela pa umua ne mukuabu. Bansonga badi bangata tshikondu bua kuambilangana malu anayi pa bobu nkayabu. Asatu a ku malu â adi ne bua kuikala malelela, ne bumua budi ne bua kuikala bua dishima. Basonga bakushala badi babuka bualu budi bua dishima.

• Dinaya dia dituangaja tshimfuanyi. Pesha nsonga yonsu kakanda anyi katupa ka dibeji ne tshitupa tshia muaku pa koku. Babikila bua kukumbaja bulelela pa kakanda kabu ku dipeta muntu ne tshitupa tshikuabu tshia tshimfuanyi. Muntu awu neikala nyanenda bua tshitupa tshidi tshilonda tshia tshibilu. (Udi mua kuela musambu padi bansonga bapeta banyanabu.)

• Dipeta malelela mu muyuki wa mu mpungilu munena. Yukila ne bansonga pa dibenesha dinena dia kuikala ne baprofete bua kutuambuluisha tulonga bulelela bua kudi Nzambi ne tuepuka dikala bapishibua kudi muluishi.

Pesha tusumbu tonsu tua bansonga babidi mukenji ku mpungilu munena mushala pabuipi menamena. Balomba bua bakuata mudimu pamua bua kupeta biambilu bisatu bia bulelela bua tshiendelela mu muyuki. Badi ne bua kufuka tshiambilu tshisatu tshidi katshiyi tshilelela.

Bansonga badi benza dinaya dia “malelela asatu ne dishima” kabidi, musangu ewu ne biambilu bia mu miyuki ya mu mpungilu munena.

Tuakula bua bualu ebu

Mushindu kayi utudi mua kutapulula pankatshi pa bulelela ne tshilema padi bionsu bikala bituishibua.

Mabenesha kayi awudi mumona ku dilonda mubelu wa baprofete ba Nzambi.

© 2026 by Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, November 2026. Tshiluba. 20068 760