Tshisangi Tshia Mikanda
2. Longa bia bungi pa dilonga dia mifundu

Mukenji wa ku Ngondu wa Bua Dikankamika dia Bansonga, Ngondu wa Dikumi ne Umua 2026

Dialumingu Dibidi

2. Longa bia bungi pa dilonga dia mifundu

muntu muluma mukulumpa ulonga mivungu ya mifundu

Tshionkomokela pa Dîyi, kudi Liz Lemon Swindle, tshimfuanyi tshia disanka tshia Havenlight

Mifundu idi ne bukola bua nyuma. Idi ijadika bua Yezu Kilisto, itupesha ditekemena, ne ileja njila ku Tatu wa mu Diûlu. Mifundu idi mikanda ya tshijila idi ne Dîyi dia Nzambi, dimanyisa kupitshila ku baprofete. Idi ileja mushindu udi Nzambi mubenesha, mudimuisha, ne muludika bana Benda kupitshila ku bikondu bishala.

Eyi idi imua nkonku ne bibilu bia dilonga biwudi mua kuteta:

  • Buatshinyi Tatu wa mu Diûlu mmutupesha mifundu?

    Bala 1 Nefi 6:4–6, mudi Nefi umvuija kipatshila ka mifundu. Mifundu idi mua kulua balunda ba kueyemena. Idi misangu yonsu babuipi padiyi mijingibua. Dilonga, kunana meji, kukeba, ne kukuata mifundu mu meji kudi bu kûja moyo ne balunda, malenga, ne malelela bidi mua kuikalaku diba dionsu, muaba onsu mu buloba. Mifundu idi mua kufila ditalala, ditekemena, ne dipinguluja dia dituishibua. Fila kanungu keba kanangibua kadi kakuambuluisha bua kusemena pabuipi ne Yezu Kilisto.

  • Mushindu kayi uwudi mua kushala mulamata ku dîyi dia Nzambi?

    Lehi ne Nefi bakamona tshimônyi muvua mulonda wa tshiamua uleja dîyi dia Nzambi. Tangununa 1 Nefi 8:19–25, 30–34; 11:25, ne jandula mushindu uvua bantu bashilashilangana benzela (anyi kabayi benzela) mulonda wa tshiamua. Tshinyi tshiwudi ulonga pa mifundu ku tshimanyishilu etshi? Akula pa tshidi tshiumvuija kuwudi “ditungunka kukuata [bikola]” ku dîyi dia Nzambi mu moyo weba.

  • Mushindu kayi uwudi mua kupeta bukenka bua bungi?

    Mu mifundu eyi, keba miaku ne biambilu bidi biumvuija mushindu utudi ne bua kubala mifundu—ne mushindu utudi babeneshibua patudi tutshienza: Yoshua 1:8; Misambu 119:105; 2 Timote 3:15–17; 1 Nefi 15:24; 2 Nefi 32:3; Helamana 3:29–30. Enza lista wa biwudi mupeta.

© 2026 by Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, November 2026. Tshiluba. 20068 760