“Updon ang Espiritu bilang Imo Giya,” Para sa Kusog sang mga Lamharon, Okt. 2023.
Bulanan nga Mensahe sang Para sa Kusog sang mga Lamharon, Oktubre 2023
Updon ang Espiritu bilang Imo Giya
Gikan sa Abril 2017 nga pamulongpulong sa pangkabilogan nga komperensya.
Nakahibalo ang aton Amay sa Langit nga sa duta maagyan naton ang mga kabudlayan, pagtilaw, kag kagamo; nahibal-an Niya nga magaatubang kita sang mga pamangkutanon, kapaslawan, tentasyon, kag mga kahuyang. Para mahatagan kita sang mortal nga kusog kag diosnon nga giya, ginhatag niya ang Balaan nga Espiritu.
Bilang diosnon nga katungdanan, ang Espiritu nagapapagsik, nagapamatuod, nagatudlo, kag nagapabatyag sa aton nga maglakat sa kasanag sang Ginuo. May sagrado kita nga responsibilidad nga tun-an ang pagkilala sang Iya impluwensya sa aton mga kabuhi kag aktohan ini.
Paano naton ina himuon?
Una, tinguhaan naton nga magpangabuhi nga takos sa pag-upod sang Espiritu.
Ikaduha, kinahanglan gusto naton batunon ang Espiritu.
Ikatatlo, kinahanglan makilala naton ang Espiritu kon mag-abot ini.
Ikaapat, kinahanglan naton maggiho sa una nga pagpabatyag.
Kabay nga seryosohon naton ang panawagan sang Ginuo nga “magkalipay kamo, kay giyahan ko kamo” (Doktrina kag mga Kasugtanan 78:18). Ginagiyahan Niya kita paagi sa Balaan nga Espiritu. Kabay nga mangabuhi kita nga malapit sa Espiritu, nga nagaaksyon dayon sa una naton nga mga nabatyagan, nga nakahibalo nga halin ini sa Dios. Nagasaksi ako sa gahum sang Balaan nga Espiritu sa paggiya sa aton, sa pagbantay sa aton, kag pag-upod sa aton pirme.
© 2023 by Intellectual Reserve, Inc. All rights reserved. Gin-imprinta sa Pilipinas. Petsa sang pagtugot sa Ingles: 6/19. Petsa sang pagtugot sa paglubad: 6/19. Paglubad sang Monthly For the Strength of Youth Message, October 2023. Language. 19048 861