Da Spirit ke Ndausuŋ Fo

Etop otode Elder Ronald A. Rasband

Eke Eboho mme Apostle Duopeba

Ndise

Ronald A. Rasband

Otode ke etop eke akwa mbono April 2017.

Ete nnyin ke Enyɔŋ ama ɔdiɔŋɔ ete ke uwem-isɔŋ ke nnyin iyekut afanikɔŋ, ukut, ye ufen; Enye ama ɔdiɔŋɔ ke nnyin iyenyene mme mbume, edikpu, idomo, ye mmemidem. Man ɔnɔ nnyin ɔsɔŋɔ ye edisana ndausuŋ, Enye ama ɔnɔ Edisana Spirit.

Otode ke edisana ubono-ŋkpɔ, Spirit oro ɔnɔ-ifiɔk, edi ntiense, ekpep, onyuŋ eteme nnyin ndisaŋa ke unwana Abasi. Nnyin iminyene edisana ubiɔŋ-utom ndibɔ-ukpep man idiɔŋɔ odudu Esie ke uwem nnyin ndien inɔ ibɔrɔ.

Didie ke nnyin idinam oro?

Akpa, nnyin idomo edidu uwem man idot edibɔ Spirit oro.

Udiana, ana nnyin inyime edibɔ Spirit oro.

Ɔyɔhɔ ita, ana nnyin idiɔŋɔ Spirit oro kini enye edide.

Ɔyɔhɔ inaŋ, ana nnyin inam ŋkpo ke akpa item oro.

Yak nnyin inehede ida ikoot Abasi “ke inemesit, koro Ami nyeda mbufo usuŋ isaŋ” (Doctrine ye Covenants 78:18). Enye ada nnyin usuŋ oto ke Edisana Spirit. Yak nnyin idu ikpere Spirit oro, isɔsɔp inam-ŋkpɔ ito akpa item nnyin, idiɔŋɔ ke mmɔ eto Abasi edi. Ami mmedi ntiense mbaŋa odudu Edisana Spirit ke edida nnyin usuŋ, ekpeme nnyin, onyuŋ odu ye nnyin ke nsinsi.

©2023 eketode Intellectual Reserve, Inc. Ekpan kpukpru unen ndimiŋ nwed emi. Ekemiŋ ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare Ɔfiɔŋ-ke-ɔfiɔŋ Etop eke Kabaŋa Nsɔŋɔnda eke Iwaad, Ɔyɔhɔ Ɔfiɔŋ Duop 2023. Language. 19048 553