“बुझ्न खोज्नुहोस्,” युवाहरूको शक्तिका लागि, अगष्ट २०२३ ।
मासिक युवाहरूको शक्तिका लागि मासिक सन्देश, अगष्ट २०२३
बुझ्न खोज्नुहोस्
अप्रिल २०१९ साधारण सम्मेलन सम्बोधनबाट अनुकूलित ।
एमिली जोन्सद्वारा चित्रण
येशू ख्रीष्टको सुसमाचारलाई बुझ्न खोज्दा हाम्रो उद्देश्य परमेश्वरमा र उहाँको खुशीको दैवी योजनामा र येशू ख्रीष्ट र उहाँको प्रायश्चितको बलिदानमा आस्था बढाउनु र दिगो परिवर्तनप्राप्त गर्नु हुनु पर्छ । यस्तो बढ्दो आस्था र परिवर्तनले हामीलाई परमेश्वरसँग वाचाहरू गर्न र राख्न मद्दत गर्ने छ, यसरी येशूलाई अनुशरण गर्ने हाम्रो चाहनालाई बलियो बनाउँछ र हामीमा साँचो आध्यात्मिक रूपान्तरण उत्पन्न गर्छ । यो रूपान्तरणले हामीलाई थप सुखी, उत्पादनशील र स्वस्थ जीवन ल्याउने छ र हामीलाई अनन्त दृष्टिकोण कायम राख्न मद्दत गर्ने छ ।
यो प्राप्त गर्नको लागि, हामीले धर्मशास्त्रमा आफूलाई डुबाएर तिनीहरूमा रमाएर, उहाँको सिद्धान्त सिकेर र उहाँको जीवनयापन अनुशरण गर्ने प्रयास गरेर येशू ख्रीष्टमा रहनु आवश्यक छ । तब मात्र हामीले उहाँलाई जान्ने छौँ र उहाँको आवाजलाई चिन्ने छौँ, यो जानेर कि हामी उहाँकहाँ आउँदा र उहाँमा आस्था राख्दा, हामी कहिल्यै भोकाउने छैनौँ न तिर्खाउने छौँ (हेर्नुहोस् यूहन्ना ६:३५)।
त्यो संयोगले हुँदैन । ईश्वरीयताको उच्चतम प्रभावहरूमा आफूलाईसंलग्न गर्नु सामान्य कुरा होइन; यसको लागि परमेश्वरलाई पुकार्नु र येशू ख्रीष्टको सुसमाचारलाई हाम्रो जीवनको केन्द्रमा कसरी ल्याउने भनेर सिक्नु आवश्यक छ ।
म तपाईंहरूलाई गवाही दिन्छु कि जब हामीले येशू ख्रीष्टको सुसमाचार बुझ्नको लागि गहिरिएर, हृदयदेखि, दृढताका साथ र इमान्दारीपूर्वक प्रयास गर्छौँ र यसलाई वास्तविक उद्देश्य र आत्माको प्रभावमा एकअर्कालाई सिकाउँछौँ, यी शिक्षाहरूले हृदयलाई परिवर्तन गर्न र परमेश्वरको सत्यता अनुसार जिउने इच्छालाई प्रेरित गर्न सक्छ ।
© २०२३ Intellectual Reserve, Inc. द्वारा सर्वाधिकार सुरक्षित । संयुक्त राज्य अमेरिकामा मुद्रित । अङ्ग्रेजी अनुमोदन: ६/१९ । अनुवाद अनुमोदन: ६/१९ । Monthly For the Strength of Youth Message, August 2023 को अनुवाद । Language. 19046 372