Ennaan eo N̄an Kōkajoorļo̧k Jodikdik Ro Kajjojo Allōn̄, O̧kwōj 2023

Pukōt Meļeļe

Jān Elder Ulisses Soares

Jān Doulul eo an Jon̄oulruo Rijilōk ro

Ulisses Soares

Kar bōke jān juon kōnono an Eprōļ 2019 kweilo̧k eo eļap.

oil in ļaam̧ ippān kōrā eo

Kōmeļeļe ko jān Emily Jones

Jibadbad eo ad ilo ad pukōt meļeļe kōn gospel in an Jisōs Kraist ej aikuj kōļapļo̧k tōmak ilo Anij im ilo karōk eo An ekam̧ōņōņō im ekwojarjar im ilo Jisōs Kraist im pinmuur eo An im n̄an bōk oktak eo em̧ool. Kain tōmak im oktak rot in enaaj jipan̄ kōj kōm̧m̧an im kōjparok bujen ko ippān Anij, ijoke kōkajoorļo̧k ikdeelel ko ad n̄an ļoore Jisōs im kwaļok eļap oktak ilo jetōb eo ilo kōj. Oktak in enaaj bōktok n̄an kōj eļap m̧ōņōņō, jeraam̧m̧an, im ājmour n̄an jipan̄ kōj dāpij wōt kōļmenļo̧kjeņ ko an indeeo.

juon likao ej riiti jeje ko rekwojarjar

N̄an bōk menin, jej aikuj in atartar wōt ippān Jisōs Kraist ilo ad tulo̧k aolepān ad ilo jeje ko rekwojarjar, lan̄lōn̄ kaki, ekkatak katak ko An, im kajjieon̄ mour ilo wāween eo Ekar mour. Innām jenaaj itok jeļā E im kile Ainikien, jeļā bwe ilo ad itok n̄an E im tōmak ilo E, jej jāmin kwōle barāinwōt maro (lale Jon 6:35).

juon likao ej jar

Men in ekar jab itok jan jide. Kaminene kōj kōm̧m̧an oktak ko reļļap an mour kwojarjar ejjab juon men epidodo, jaikuj kūr n̄an Anij im ekkatak kilen bōktok gospel eo An Jisōs Kraist n̄an ioļapļap in mour ko ad.

jiron̄ eo ej un̄ūr buruōn

Ij kam̧ool n̄an kwe bwe n̄e jej m̧oolin, aolepen ad, dim, im lukkun pukōt n̄an meļeļe gospel eo an Jisōs Kraist im katakin droon kōn juōn kōttōbar im tōl eo an Jetōb eo, katakin kein remaron̄ ukōt bōro ko im kadeel an juon kōņaan n̄an mour ekkar n̄an m̧ool ko an Anij.

Oktak: Wāween an oktak jerbal, ekoba oktak eo ej bōk jikin n̄e jej itok n̄an Kraist im bōke im ļoore katak ko An im kien ko An.

Tulo̧k: ej bōk koņaad ilo juon m̧akūtkūt ak jerbal. Tulo̧k ej barāinwōt meļeļein tulo̧k ilowaan dān, kain kan an dān. N̄e jej peptaij, jej peptaij ilo ad tulo̧k.

Kaminene: N̄an peļļok n̄an jabdewōt ak jeļā juon men.

Moolin: Kōm̧m̧ane juon men ilo m̧ool im kapen e.

© 2023 jān Intellectual Reserve, Inc. Aolep mālim rej pād ie. Kar būriin ilo USA. Kōmālim ilo kajin In̄lij: 6/19. Kōmālim ukook eo: 6/19. Ukook eo an Monthly For the Strength of Youth Message, August 2023. Language. 19046 874