« ស្វែងរកការយល់ដឹង » ទស្សនាវដ្តី ដើម្បីកម្លាំងនៃយុវជន ខែ សីហា ឆ្នាំ ២០២៣ ។
សារលិខិតទស្សនាវដ្តី ដើម្បីកម្លាំងនៃយុវជន ប្រចាំខែ ខែ សីហា ឆ្នាំ ២០២៣
ស្វែងរកការយល់ដឹង
បានកែសម្រួលមកពី សុន្ទរកថាសន្និសីទទូទៅ ខែ មេសា ឆ្នាំ ២០១៩ ។
រចនារូបភាពដោយ អិមមីលី ចូនស៍
គោលបំណងរបស់យើងនៅពេលយើងស្វែងរកការយល់ដឹងនៃដំណឹងល្អរបស់ព្រះយេស៊ូវគ្រីស្ទ ត្រូវតែបង្កើនសេចក្តីជំនឿលើព្រះ និងផែនការនៃសុភមង្គលដ៏ទេវភាពរបស់ទ្រង់ និងទៅលើព្រះយេស៊ូវគ្រីស្ទព្រមទាំងដង្វាយធួនរបស់ទ្រង់ ហើយដើម្បីទទួលបាននូវ ការប្រែចិត្តជឿ ដ៏យូរអង្វែង ។ ការបង្កើនជំនឿ និងការប្រែចិត្តជឿដែលបានកើនឡើងបែបនេះនឹងជួយយើងឲ្យធ្វើ និងរក្សានូវសេចក្តីសញ្ញាចំពោះព្រះ ដែលពង្រឹងនូវបំណងប្រាថ្នារបស់យើងឲ្យធ្វើតាមព្រះយេស៊ូវ និងបង្កើតនូវការផ្លាស់ប្តូរខាងវិញ្ញាណដ៏ពិតប្រាកដមួយនៅក្នុងយើង ។ ការផ្លាស់ប្តូរនេះនឹងនាំឲ្យយើងកាន់តែសប្បាយរីករាយ កាន់តែមានប្រយោជន៍ ហើយមានជីវិតល្អប្រសើរ និងជួយយើងឲ្យថែរក្សាទស្សនវិស័យដ៏អស់កល្បមួយ ។
ដើម្បីសម្រេចការណ៍នេះបានយើងត្រូវតែនៅជាប់នឹងព្រះយេស៊ូវគ្រីស្ទដោយ ការជ្រមុជ ខ្លួនយើងនៅក្នុងព្រះគម្ពីរ រីករាយនឹងគម្ពីរទាំងនោះ រៀនអំពីគោលលទ្ធិរបស់ទ្រង់ ហើយខិតខំរស់នៅតាមរបៀបដែលទ្រង់បានរស់នៅ ។ មានតែការធ្វើបែបនោះទេទើបយើងនឹងស្គាល់ទ្រង់ច្បាស់ ហើយស្គាល់នូវព្រះសូរសៀងរបស់ទ្រង់ ដឹងថាពេលយើងមករកទ្រង់ និងជឿលើទ្រង់នោះយើងនឹងមិនឃ្លាន ឬស្រេកទៀតឡើយ ( សូមមើល យ៉ូហាន ៦:៣៥ ) ។
ការណ៍នោះមិនកើតឡើងដោយចៃដន្យនោះទេ ។ ការចុះសម្រុង ខ្លួនរបស់យើងទៅនឹងឥទ្ធិពលដ៏ខ្ពស់បំផុតនៃសេចក្ដីល្អគឺពុំមែនជារឿងសាមញ្ញនោះទេ ប៉ុន្តែវាតម្រូវឲ្យមានការទូលសូមដល់ព្រះ និងការរៀនអំពីរបៀបដើម្បីនាំដំណឹងល្អនៃព្រះយេស៊ូវគ្រីស្ទមកកាន់ចំណុចសំខាន់នៃជីវិតរបស់យើង ។
ខ្ញុំសូមថែងទីបន្ទាល់ទៅកាន់បងប្អូនថានៅពេលយើងស្វែងរកដោយ ស្មោះអស់ពីចិត្តដោយស្មោះសរ ដោយអស់ពីចិត្ត ដោយរឹងប៉ឹង និងដោយស្មោះត្រង់ដើម្បីយល់ដឹងអំពីដំណឹងល្អរបស់ព្រះយេស៊ូវគ្រីស្ទ និងបង្រៀនវាទៅកាន់គ្នាទៅវិញទៅមកជាមួយគោលបំណងពិតប្រាកដ និងក្រោមឥទ្ធិពលនៃព្រះវិញ្ញាណ នោះការបង្រៀនទាំងនេះអាចផ្លាស់ប្តូរដួងចិត្ត និងបំផុសគំនិតឲ្យមាននូវបំណងប្រាថ្នាដើម្បីរស់នៅស្របតាមសេចក្តីពិតនៃព្រះ ។
©២០២៣ by Intellectual Reserve, Inc. All rights reserved. បោះពុម្ពនៅ ស.រ.អា. ។ ការអនុម័តជាភាសាអង់គ្លេស ៖ ៦/១៩ ។ ការអនុម័តឲ្យបកប្រែ ៖៦/១៩ ។ ការបកប្រែនៃ Monthly For the Strength of Youth Message, August 2023.Language.19046 258