“Euid el Klebesei el Omerek,” Kirel a Klisichir a Rengeasek, Ongeuid el buil 2023.
Bek el buil Klumech el Kirel a Klisichir a Rengeasek, Ongeuid el buil 2023
Euid el Klebesei el Omerek
Ng sebechem el omerek er a ebangkelio el beot e diua bekl el cheldecheduch. Ke keltmokl el melasm?
Sel dosaodd el omerek a klaumerang er kid, ekede blechoel lomdasu el kirel mengedecheduch er a sakrament miting me a lechub bebil er a miting. Eng di te mla meloki el kmo “mosiik a techall el lochotii a klaumerang er kau el beot e diua bekl el cheldecheduch.”1
Chelsel tial euid el klebesei e molasm aikal beldukl riou, el sebechem el omerek er a klaumerang el kakerous el bedengel el tal sandei. Ng sebechem el meruul er sel soam el blechebechel, me a lechub a kuk di soam el teletael! Ke keltmokl el melasm?
Sunga mla er a Emily Davis
Day 1[Kot el sils]: Ikelesia
Molatk el lochotii a klaumerang er kau sel temel a dolsengerenger er a ikelesia a lsekum eng sebechem. Ea llak, e mochotii a klaumerang er kau sel ngara sandei skuul er a ikelesia ma lechub eng seminari. Aike el tekoi el kau omerek a sebechel ngusuterir a rebebil el mo melisiich er a klaumerang er tir ma kau el dirrek.
Day 2[Ongeru el sils]: Resechelid
Ngera omulsuub er a Sandei ra omngara ikelesia? Ngarngii a mildung el mle soam ra omngara sakarment miting me a lechub eng cheldecheduch er a klass? Ng locha omuchel el chelitakl a tara soam el chelitakl er a odars. Mouchais er a sechelim el kirel! E dirrek el moker er tir ra sebadong ma sandei er tir.
Day 3[Ongedei el sils]:
Social media a tara kot klou el basio el sebeched el omerek a tekoi er reng el beot e diua bekl el cheldecheduch. Tial el teletael, molasm el ouchais el kirel a:
-
Tara kot el soam el bliongel er a chedaol llechukl.
-
A melisiich e kekedeb el llechukl el mla er a klou el ongdibel.
-
A tekoi el ngii chedaol uldasu ma lechuub eng chedaol omesuub el kau mla melchesuar.
-
Tara tekoi el kau a betikrarengum e mereng a sulel a Osobel el kirel.
-
Teletael el Ngii a dirk ngilsukau er ngii ma lechub eng teletelel el kau Otengii e ngerang uchul.
Day 4[Ongeua el sils]: Text ma lechub eng Video
Modureklii a melisiich el tekoi el mora sechelim lokiu a text ma lechub eng video. Ng sebechem el omerek er a cheldecheduch er a klou el ongdibel el ngii a sorir, mouchais er tir a ikel soam el kirir, ma lechub e mouchais a klaumerang er kau er a Jesus Kristo. Ng sebechem, lochotii er tir el kirel a beltikelreng era Demad er a Babeluades el mo er tir. Ng sebechem el dirrek louchais er tir sel omkasues!
Day 5[Ongeim el sils]: Ngeseu
Ke locha melatk el kmo ng mekerang a dolngeseu er a rebebil sel domerek er a klaumerang er kid. A apostol Paulus a melekoi er a Timothy el kmo, “Bo lungil a blekerdelem me losuub er kau a ruumerang, er a ungil el omerellem ma tekoier ra ngerem, ma bltikerreng er kau, ma blakerreng er kau er a ngerchelem, ma klikiid el klechad er kau” (1 Timothy 4:12). Ng sebechem el lochotii a omoumerang lokiu okesiu, lolngeseu er a rebebil el diua Osobel a lolngeseu er tir.
Day 6[Ongelolem el sils]: Omeob
A lebebil er a taem ea rechad a ousbech a omeob el tara teletael el omerek a ngara uldesuir me a rengrir. Ng sebechem el ousbech a sunga, omeob a klei, poem, chelitakl ma bebil er a bedengel a ocholt el lochotii a rengum el kirel a Jesus Kristo me a Ebangkelio er Ngii.
Day 7[Ongeuid el sils]: Oustori
Daik komedakt el mesaod er a omoumerang sel omkaustori, el diua ngidil el tekoi el mosaod el sebechem el kmung a ngara uldesuem el kirel.
Ng sebechem, adang, el mesaod el kirel a omilil er a Ikelesia me a lechub eng chedaol llechukl el kau a dirk chiliuii, e sebechel mengal mo beot sel omkaustori. El uaia:
-
A lsekum ke melchesuar er a klebekelel a beluulechad, mouchais er a omerengsaul el mora Dios er a blebelel el mora tara chad.
-
Ke locha dirk mlo merek el ngara ongasireng el tekoi. Mouchais er a sechelim a lsekum diak sal kmal personal.
-
Mosiik a ongaisisiu el tekingel a ebangkelio el debetik er a hong me a katsudo el soam, e mocholt a ngara uldesuem.
Beot e Diua bekl el cheldecheduch
Sel mosiik a kakerous el teletael el mo omerek er a klaumerang er kau, eng dingii el merael mo beot el kmal di moua bekl el cheldecheduch. Ng locha mo nglengael a rengum, eng di ungil besul! Molebedebek, a klaumerang er kau el dingii e diua el kau—ng telengtengil a klechad er kau. Omerek a sebechel el mo diua bekl el tekoi. Ke di lmuut el telkib louchais er ngii er a bek el sils.
Ng mekerang a momerek er a klaumerang er kau er chelechal sils?
© 2023 mla er a Intellectual Reserve, Inc. Urrekodel a rokui el klisichel. Milluches er a USA. Kengei er a English: 6/19. Kengei er a Oidel: 6/19. Oidel ra Bek el buil Klumech el Kirel a Klisichir a Rengeasek, Ongeuid el buil 2023. Language.19045 881