“Edibuana ke Usen Itiaba,” Abaŋade Nsɔŋɔnda eke Iwaad, Ɔfiɔŋ Ɔyɔhɔ Itiaba 2023
Ɔfiɔŋ-ke-ɔfiɔŋ Etop emi Abaŋade Nsɔŋɔnda eke Iwaad , Ɔyɔhɔ Ɔfiɔŋ Itiaba 2023
Edibuana ke Usen Itiaba
Afo emekeme ndibuana ikɔ Abasi ke eti ye nnen-nnen usuŋ. Ndi afo eyekeme ye utom oro?
Ini emi nnyin itiŋde ibaŋa edibuana ikɔ mme ntiense nnyin, nnyin isiwak nditiŋ mbaŋa ndi-nɔ ikɔ ntiense nnyin ke esop udia-ɔbɔŋ mme ke ubak nnen-nnen ebiet. Edi eteme nnyin ete “isiyom nti-ifet man idisɔŋɔ mbuɔtidem mbufo ke nti ye nnen-nnen usuŋ.”1
Ke utom eke usen itiaba emi odude ke idak emi, mbufo emekeme ndibuana ikɔ ntiense mbufo ke nsio-nsio usuŋ ofuri usen ke udua kiet. Mbufo emekeme ndinam mme ŋkpɔ emi ke ndaha ekededi, mme ke mbufo emekeme edi-da mme ekikere eke idem mbufo nnam! Ndi afo eyekeme ye utom oro?
Mme Edinam-anwaŋa otode Emily E. Jones
Akpa Usen: Ufɔk Abasi
Ekere ebaŋa ndi-nɔ ikɔ ntiense mbufo ke esop utre-udia ye ikɔ ntiense ke ufɔk Abasi edieke oro edide ŋkpɔ emi ɔfɔnde ye mbufo. Edieke midihe, mbufo nko emekeme editiŋ ikɔ ntiense mbufo ke ufɔk Abasi ke edibuana ke mme class ke Sunday ye ke seminary. Mme ikɔ emi mbufo etiŋde do ekeme edinwam mbon efen enyuŋ esɔŋɔ ikɔ ntiense mmɔ ukem nte ɔsɔŋɔde eke mbufo.
Udiana Usen: Mme Ufan
Nso ke mbufo ekekpep ke ufɔk Abasi ke Sunday? Nte mbufo emema se owo ekebuana ke etetiŋ ikɔ esop udia-ɔbɔŋ mme ke mme nneme eke class mbufo. Ekeme edi-di ikwɔ ntɔŋɔ ekedi kiet kotu mme ikwɔ mbufo esimade ekan. Etiŋ eno ufan ebaŋa ikwɔ oro! Ekem ebup ebaŋa utit-udua mmɔ nko.
Ɔyɔhɔ Usen Ita: Ebuana Ŋkpɔ-etop
Ebuana ŋkpɔ-etop edi akwa ebiet ke ndibuana mme ŋkpɔ spirit ke eti ye nnen-nnen ndaha. Kabaŋa ini emi ke utom emi, kere-baŋa ndibuana se enemede kabaŋa:
-
Kiet kotu mme itie ŋwed Abasi emi afo enehede ama.
-
Inem ikɔ-ibuot kiet eketode akwa mbono.
-
Ekikere mme ifiɔk-ukpep ŋkpɔ-Abasi kiet.
-
Ŋkpɔ emi afo amade mme ɔnɔde Andinyaŋa ekɔm abaŋa.
-
Usuŋ kiet emi Enye akanwamde mbufo mmi-mmi-emi mme eti ŋkpɔ kiet emi mbufo emade ebaŋa Enye ye ntak emi emade.
Ɔyɔhɔ Usen Inaŋ: Ikɔ mme Ndise-vidio
Nnɔ inem etop esɔk ufan mbufo kiet ke ikɔ mme ndise-vidio. Mbufo emekeme edibuana ke mbono etetiŋ-ikɔ emi mbufo ekerede ke mmɔ eyema, etiŋ enɔ mmɔ ŋkpɔ kiet emi mbufo edarede ebaŋa mmɔ, mme edibuana ebaŋa mbuɔtidem mbufo ke Jesus Christ. Nte uwut-ŋkpɔ, mmɔ eyeyom ndidiɔŋɔ mbaŋa ima emi Ete Heaven enyenede ɔnɔ mmɔ. Mbufo emekeme nditiŋ nnɔ mmɔ ke idem mbufo nko!
Ɔyɔhɔ Usen Ition: Utom-unwam
Mbufo emekeme edikere nte edi-nam ŋkpɔ nnɔ mbon efen ekemede ndi-di usuŋ ke edibuana ikɔ ntiense mbufo. Apostle Paul ɔkɔdɔhɔ Timothy ete, “Edi di uwut-ŋkpɔ nɔ mmɔ emi enimde ke akpanikɔ, ke ikɔ-inua fo, ye ke edu uwem fo, ye ke ima, ye mbuɔtidem, ye edisana ido.” (Akpa Ŋwed Timothy 4:12). Ntre mbufo emekeme ediwut se mbufo enimde-ke-akpanikɔ oto ke uwut-ŋkpɔ mbufo, ke edinam-ŋkpɔ nɔ mbon efen ke nte Andinyaŋa akapnamde ŋkpɔ ɔnɔ mmɔ.
Ɔyɔhɔ Usen Itiokiet: Ŋkpɔ-usɔ
Ubakini mme owo eda ŋkpɔ-usɔ nte isio-isio usuŋ man ebuana mme ekikere ye ntuuk mmɔ. Mbufo emekeme edi-da mme ndiwere, obobot-usɔ, ikɔ-uto, ikwɔ, mme oruk ŋkpɔ-usɔ ekededi man ebuana daŋa mbufo ekerede ebaŋa Jesus Christ ye ikɔ Abasi Esie.
Ɔyɔhɔ Usen Itiaba: Nti Nneme
Eku kop ndik ke edisiak se mbufo enimde-ke-akpanikɔ ke nti ebiet, ukem nte mbufo ekpebuanade mme ekikere efen ekededi emi mbufo enyenede kabaŋa ibuot-ikɔ emi ekenɔde.
Mbufo emekeme, nte ededi, editiŋ mbaŋa mme edinam eke Ufɔk Abasi mme itie ŋwed Abasi emi mbufo ekotde mmi-mmi-emi, edi enye nko ekeme edikpuhɔ ke ndaha nkan oro. Nte uwutŋkpɔ:
-
Edieke mbufo emade ŋkpɔ uduot-obot, ewut inemesit mbufo kabaŋa se Abasi okobotde enɔ owo efen.
-
Ekeme edi-edi ke mbufo ema enyene inem ifiɔk-ukpep ŋkpɔ-spirit ke mmi-mmi-emi. Eneme ye ufan kiet ebaŋa oro edieke oro midihe ata eke idem mbufo.
-
Eyom mme uwut-ŋkpɔ ikɔ Abasi ke ŋwed mme ndise emi mbufo emade, ndien ebuana mme ekikere mbufo.
Nti ye Nnen-nnen
Nte mbufo eyomde nsio-nsio usuŋ man ebuana se mbufo enimde-ke-akpanikɔ, oro eyekabare awak ndien edi nnen-nnen ɔnɔ mbufo man enma ntre. Oro ekeme edinana inem ke ntɔŋɔ, edi oro esidi ntre! Ti, ke ikɔ ntiense mbufo ke idemesie ama edi-di nnen-nnen ɔnɔ mbufo—enye edi ubak ke se oruk emi mbufo edide. Edibuana ikɔ ntiense ekem edikabare ndi nnen-nnen nko. Ofuri se oro oyomde edi nditiŋ oro esisit kusen-kusen.
Didie ke mbufo edibuana ikɔ ntiense mbufo mfin emi?
©2023 eketode Intellectual Reserve, Inc. Ekpan kpukpru unen ndimiŋ nwed emi. Ekemiŋ ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare Ɔfiɔŋ-ke-ɔfiɔŋ Etop eke Kabaŋa Nsɔŋɔnda eke Iwaad, Ɔyɔhɔ Ɔfiɔŋ Itiaba 2023. Language. 19045 553