வேதங்களிலிருந்து இடங்கள்

கெத்செமனே

நமக்காக இரட்சகரின் துன்பங்கள் தொடங்கிய இடம் பற்றி மேலும் தெரிந்து கொள்ளுங்கள்.

ஒலிவ தோப்பு

அது எங்கே உள்ளது?

ஒலிவ மலையின் சரிவில், எருசலேமின் கிழக்கே (விளக்கத்தில் வலதுபுறம், பெரிதாக்கப்பட்ட மரத்தால் குறிக்கப்பட்டுள்ளது).

பழங்கால எருசலேமின் வரைபடம்

ஜிம் மேட்சன் உருவாக்கிய எருசலேம் வரைபட விளக்கம்

அங்கே என்ன இருந்தது?

ஒலிவ மரங்களின் தோப்பு மற்றும் ஒலிவத்திலிருந்து எணணெயைப் பெறுவதற்கான செக்கு

ஒலிவ செக்கு

இங்கே என்ன நடந்தது?

கடைசி இராப் போஜனத்திற்கு பிறகு, இயேசு கிறிஸ்து தனது பதினொரு அப்போஸ்தலர்களுடன் கெத்செமனே சென்றார். பின்னர் அவர் ஜெபிக்க பேதுரு, யாக்கோபு மற்றும் யோவான் ஆகியோரை தனியே அழைத்துச் சென்றார்.

அவர் “திகிலடையவும், மிகவும் வியாகுலப்படவும் தொடங்கினார்.” அவர் சொன்னார்: “என் ஆத்துமா மரணத்துக்கேதுவான துக்கங்கொண்டிருக்கிறது.”(மாற்கு 14:33–34)

“பிதாவே, உமக்குச் சித்தமானால் இந்தப் பாத்திரம் என்னைவிட்டு நீங்கும்படி செய்யும்; ஆயினும் என்னுடைய சித்தத்தின்படியல்ல, உம்முடைய சித்தத்தின்படியே ஆகக்கடவது என்று ஜெபம்பண்ணினார்

“அப்பொழுது வானத்திலிருந்து ஒரு தூதன் தோன்றி, அவரைப் பலப்படுத்தினான்.

“அவர் மிகவும் வியாகுலப்பட்டு, அதிக ஊக்கத்தோடே ஜெபம்பண்ணினார். அவருடைய வேர்வை இரத்தத்தின் பெருந்துளிகளாய்த் தரையிலே விழுந்தது.”(லூக்கா 22:42–44).

இரட்சகரின் இந்த கடுமையான துன்பத்திற்குப் பிறகு, அவர் யூதாஸால் காட்டிக் கொடுக்கப்பட்டார் மற்றும் யூத அதிகாரிகள் மற்றும் ரோமானிய வீரர்களின் குழுவால் கைது செய்யப்பட்டார்.

உங்களுக்குத் தெரியுமா

ஒலிவ மலையில் உள்ள இந்தத் தோட்டம் இயேசு அடிக்கடி சென்ற இடமாக இருந்தது (லூக்கா 22:39; :யோவான் 18:2பார்க்கவும்).

“அராமிக் மொழியில்,கெத்செமனேஎன்ற வார்த்தைக்கு ‘ஒலிவ செக்கு’ என்று பொருள்.”¹

ஒலிவக் கனிகளை ஒலிவ செக்கில் நசுக்கினால், முதலில் வெளியேறும் எண்ணெய் இரத்தம் போன்ற சிவப்பு நிறமாக இருக்கும்.

இரட்சகரின் காலத்தில், ஒலிவ எண்ணெயை உற்பத்தி செய்வது, முடிந்தவரை அதிக எண்ணெயை பிழிவதற்கு ஒவ்வொரு படிநிலையிலும் அழுத்தத்தை அதிகரிக்கும் செயல்முறையாக இருந்தது:

1. ஒரு பெரிய கல்லின் கீழ் ஒலிவக் கனிகளை நசுக்கவும்

2. நசுக்கப்பட்ட ஒலிவக் கனிகளை வனைந்த கூடைகளில் வைக்கவும், பின்பு கூடைகளை ஒன்றன் மேல் ஒன்றாக அடுக்கவும்.

3. அடுக்கப்பட்ட கூடைகளின் மேல் ஒரு பெரிய உத்திரம் அல்லது தடியை வைக்கவும்.

4. உத்திரத்தின் ஒரு முனையில் கற்களைக் கட்டவும்.²

ஒலிவ எண்ணெய் பண்டைய காலத்தில் விளக்கெண்ணெய், சமையல் எண்ணெய், உணவு, சோப்பு, மத சடங்குகள் மற்றும் காயங்களுக்கு சிகிச்சையளிப்பதற்கான களிம்பு ஆகியவற்றிற்கு பயன்படுத்தப்பட்டது.

கிறிஸ்து வருவதற்கு பல ஆண்டுகளுக்கு முன்பு, ஒரு தேவதூதன் பென்யமீனிடம் கெத்செமனேயில் கிறிஸ்து அனுபவித்த துன்பங்களைப் பற்றி கூறினான், “ஒவ்வொரு துவாரத்திலிருந்தும் இரத்தம் வெளிவரும், அவர் படும் வியாகுலம் மிகவும் அதிகமாயிருக்கும்.”(மோசியா 3:7)

நமக்காக இரட்சகரின் பாடுகள், கெத்செமனே மற்றும் அவர் மரித்த சிலுவையில் அவர் பாடுபட்டதை உள்ளடக்கியது. நம்முடைய பாவங்கள், வலிகள், துன்பங்கள், சோதனைகள், வியாதிகள் மற்றும் பலவீனங்கள் அனைத்தையும் அவர் தம்மீது ஏற்றுக்கொண்டார்(ஆல்மா 7:11–12பார்க்கவும்).

கெத்செமனேயில் இயேசு கிறிஸ்து

கெத்செமனே – மைக்கேல் மால்ம்

கெத்செமனைவை நினைவில் கொள்ளவும்

“ஒளியைக் கொடுத்த எண்ணைக்காக ஒலிவக் கனியின் உடல் அழுத்தப்பட்டது போல, இரட்சகரும் அழுத்தப்பட்டதை நினைவில் வையுங்கள் ஒவ்வொரு துவாரத்திலிருந்தும் நமது மீட்பரின் உயிர்இரத்தம் வடிந்தது. … உங்கள் மகிழ்ச்சியின் பாத்திரம் நிரம்பியதும், அதை சாத்தியமாக்கிய அவருடைய கசப்பான பாத்திரத்தை நினைவுகூருங்கள். உங்களுக்கு கடுமையான பாடுகள் வரும்போது, ​​கெத்செமனேயை நினைவுகூருங்கள்.

President Russell M. Nelson, “Why This Holy Land?” Ensign, Dec. 1989, 18.

© 2023 by Intellectual Reserve, Inc. All rights reserved. அ.ஐ.நாட்டில் அச்சிடப்பட்டது. ஆங்கில அங்கீகாரம்: 6/19. மொழிபெயர்ப்பு அங்கீகாரம்: 6/19. Monthly For the Strength of Youth Message, June 2023. மொழிபெயர்ப்பு. Language. 19026 418

குறிப்புகள்

1. Guide to the Scriptures, “Gethsemane.”

2. D. Todd Christofferson, Oct. 2016 general conference (Ensign or Liahona, Nov. 2016, 50) பாரக்கவும்.