“Buksi ang Inyo Tagipusuon sa Balaan nga Espiritu,” Para sa Kusog sang mga Lamharon, Abr. 2023.
Bulanan nga Mensahe sa Para sa Kusog sang mga Lamharon, Abril 2023
Buksi ang Inyo Tagipusuon sa Balaan nga Espiritu
Gikan sa pamulong-pulong sang Abril 2018 nga pangkabilogan nga komperensya.
Sa sining panahon sang Pagkabanhaw, nagapasalamat ako sa Amay nga Langitnon sa regalo sang Iya Pinalangga nga Anak, nga boluntaryo nga nagkari sa duta agud mangin aton Manunubos. Mapinasalamaton ako nga mahibaloan nga Iya ginbayaran ang aton mga sala kag nagbangon sa Pagkabanhaw. Kada adlaw bulahan ako nga mahibaloan nga, bangud sang Iya Pagbayad-Sala, mahimo ako mabanhaw agud magkabuhi sa katubtuban sa isa ka mapinalanggaon nga pamilya.
Nahibaloan ko inang mga butang sa isa lamang ka paagi nga mahibaloan ina sang bisan sin-o sa aton. Ang Balaan nga Espiritu naghambal sa akon hunahuna kag tagipusuon nga ang mga ini matuod—indi lang makaisa kundi sa masami.
May ara kita sang hamili nga promisa nga maangkon ang Balaan nga Espiritu bilang kaupod. Ang aton obligasyon amo ang pilion nga buksan ang aton mga tagipusuon agud makabaton sang nagapadayon nga espirituhanon nga giya kag pagpaumpaw paagi sa Balaan nga Espiritu sa bug-os nga kabuhi.
Mga ilustrasyon ni Emily E. Jones
Ang una nga pagpili amo ang mangin mapainubuson sa atubangan sang Dios.
Ang ikaduha amo ang magpangamuyo nga may pagtuo kay Ginuong Jesucristo.
Ang ikatatlo amo ang magtuman sing ensakto.
Kag ang ikaapat amo ang magpangamuyo agud mahibaloan ang mga panginahanglan kag mga tagipusuon sang iban kag kon paano sila buligan para sa Ginuo.
Ginapangamuyo ko sa bug-os kong tagipusuon nga inyo mabatian ang tingog sang Espiritu, nga ginapadala sa inyo sing maalwan. Kag akon ginapangamuyo nga buksan ninyo pirme ang inyo tagipusuon agud mabaton ang Espiritu para maangkon ninyo ang kalipay nga ara Sia sa inyo bilang inyo kaupod pirme.
© 2023 by Intellectual Reserve, Inc. All rights reserved. Gin-imprinta sa Pilipinas. Petsa sang pagtugot sa Ingles: 6/19. Petsa sang pagtugot sa paglubad: 6/19. Paglubad sang Monthly For the Strength of Youth Message, April 2023. Language. 19006 861