“Eua el Rolel ea Jesus Kristo Melisiich er Kau,” Kirel a Klisichir a Rengeasek, Kot el buil 2023.
Bek el Buil Kirel a Klisichir a RengeasekKlumech, Kot el buil 2023
Eua el Rolel ea Jesus Kristo Melisiich er Kau
Ng sebechek el remuul a rokui el tekoi lokiu a Kristo.
Pilipi 4:13
Beluulechad el rokir, e a re Kristiano a semeriar tiakid el bades: “Ng sebechek el remuul a rokui el tekoi lokiu a Kristo el melisiich er ngak” (Philipi 4:13).
A rechad sel rengesii tiang, e a rebebil tir omdasou el kmo ng sebechir el mo ungil er a ngi di el skeng, mo kats er a ngii di el klekool, me a rokui el urungulir a di mo mo tmaut. Eng di tia diak el ngii a lolisechakl er ngii tial bades.
Tia lilchesii a Apostol Paulus er a lengara kelebus. Sera le kelebus, eng betok el tekoi a dimlak el sebechel a Paulus el remuul, eng di ng mle medengei el kmo a Jesus Kristo a sebechel smisichii el remuul aikel meklou a belkul tekoi.
Tiang a osisiu el klemerang el me er kid!
1 A Kristo Melisiich er Kau el moMedengei
A Jesus Kristo a mla meskau a bebil er a meklou a belkul teletael el mo medengei el kmo ngera klemerang. Ng mla osischeklid el mo blechoel meluluuch (mesa 3 Nephi 18:18) e olengit el mo medengelii a klemerang (mesa Moroni 10:4–5). Ng dirrek el sebechem el mo medengelii a klemrang lokiu omesubel chedaol llechukl.
A nglunguuch me a omesubel chedaol llechukl a osisebii Chedaol Reng er a klengar kau. A Chedaol Reng a sebechel mengedecheduch lokiu a “uldesuem … me a rengum” (Doctrine and Covenants 8:2), “mekekii a rengum er a deureng,” e “meklemesii a uldesuem” (Doctrine and Covenants 11:13).
Seikid, eng sebechem “el Rongesii”—remenges a tekingel Osobel e oltirakl aikel Ngii a mla dmung. A President Russell M. Nelson a mla olisechakl el kmo tiaikid a “teletael e kede ngoriakl, nguu a deureng, e dmeu a rengud er tial klengar.”1
2 A Kristo Smisichau el moRemuul
A klisiich a mei er kau sel molasm el mo oltirakl a llach e meduch el melilt el kirel a budech me a deureng. A Jesus Kristo a smisichau el mo meruul uaisei luldimukl a lemeringel aikel molilt el tekoi. Bebil er a taem e ke locha mo mekngit el melilt. Doureng a saul, le ngokiu a Tngakireng ra Osobel e a ouchel reng a sebehcel tekoi. Ngokiu a Jesus Kristo, eng sebechem el mo beches e metik er a deureng. Ngii a sebechel smisichau el mo “meruul a ungil e mo ungil”2 er a bek el sils.
3 A Kristo a Smisichau el mo Mesisiich
Sera le ngara kelebus, ea Paulus a milluches: “AK mla mo medengei el kmo, ngii di el ngera el kngara chelsel, eng di mededaes a renguk.
“Ak mla mo medengelii otuub, e medengelii a klungiaol: er a ngii di el ker me a rokui el tekoi a di suobel” (Philippians 4:11–12).
Ng belkul a kmo, a Paulus a silubii el kmo, ngokiu a Kristo, eng sebechel mo mesisiich e ngmai a klubelel er a ringel me a ongarm. A Jesus Kristo a sebechel smisichau el mo meruul osisiu.
A Osobel a mlo chuarm er a “bek el bedengel a ringel me a ongetikaik.” Ngii a ngilai a rokui el telmelled me luchul e “e bo lodengei … el kmo ng mekera lolngeseu [belkul a kmo olngeseu er kid] a rechedal loltirakl a chelitechetud” (Alma 7:11–12). Ng diak el iior er a ikel bom chebangel tekoi, le Jesus Kristo a sebechel smisichau el mo otekangel e kudmokl aikel tekoi el diak el sebechel di kau e kudmokl.
4 A Kristo Smisichau el Mo
A Jesus Kristo a mla rulii okiis er a kodall el mo meral tekoi elm ei er kid el rokui, e Ngii a rulii a diak a ulebengelel klengar el mo sebechel el mo er tirkel ouchel a rengrir, ngmai a meklou a belkul chedaol ruoll, e oltirakl a telbiil lobengkel. A lak a Kristo, eng diak el sebeched el kudmeklii sel kmal soal a Chedam er a Babeluades—el kired el mo uai Ngii me a Ngelekel, el Jesus Kristo, e mo kiei Lobengterir el mo cherachar.
Ng sebechem el merael mo uaia Jesus Kristo sel mosuub el Kirel, multuil e moumera er Ngii, e moltirakl Okesiul. Taing a mekrolau el mo kiei lultuil er a klaumerang, urungulem, bliochel beltikereng, kllouelreng, ngariou el reng, klikiid, me a blekongesenges. Aika el rokui a blekerdelel a Osobel.
Me sel molasm el mo oltirakl er a Jesus Kristo, e Ngii a mo urungulem e llomes er kau e mekrolau el mo er sel Ngii a medengelkau el sebechem el mo er ngii. E, uaia Paulus, el mo sebechem el kmo, “Ng sebechek el remuul a rokui el tekoi lokiu a Kristo el melisiich er ngak.”
© 2023 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a Monthly For the Strength of Youth Message, January 2023. Language. 18904 881