“Ku Bet! Di Nte mme Ekpemerɔŋ,” Kabanga Nsɔŋɔnda eke Iwaad, Dec 2022.
Ɔfiɔŋ-ke-ɔfiɔŋ Etop Abaŋade Nsɔŋɔnda eke Iwaad, , December 2022
Ku Bet! Di Nte mme Ekpemerɔŋ
Ke anyan ini ndobo okoneyo kiet, mme ekpemerɔŋ etiŋ-enyin ekpeme mme erɔŋ mmɔ.
Mme ekpemerɔŋ ema enyeneakpan utom kiet. Erɔŋ ema eyom udia, mmong, ye ukpeme mbak afanikɔŋ.
Ke ndo-ndo oro, angel ama ɔbiɔŋɔre!
“Ekufehe ndik; koro sese, mmada ei mbuk akwa idaresi nsɔk mbufo. … Koro Andinyanga, emi edide Christ Ɔbɔŋ, … amana ɔnɔ mbufo mfin.”
Angel oro ama etiŋ ɔnɔ mme ekpemerɔŋ ke mmɔ eyekut nsekeyen emi ewangde ke ɔfɔŋ, nte anade ke usin-udia ufene ke Bethlehem
Nkaikwɔ mme angel ama ɔyɔhɔ ikpa-enyɔŋ enyuŋ ediana mme angel ke nditoro Abasi.
“Ubɔŋ enyene Abasi ke ata enyɔŋ emem onyuŋ odu ke isɔŋ ɔnɔ otu owo.”
“Eyak nnyin ika ke Bethlehem ikese nkpɔ emi okotibede, emi Jehovah asiande nnyin.”
Mme ekpemerɔŋ ikebetke. Emi ekedi ata akpan-nkpɔ! Mmɔ “ema esɔsɔp edi” ke Bethlehem
Mme ekpemerɔŋ ema ekut Jesus nte ewangde ke ɔfɔŋ; anade ke usin-udia-ufene, ukem nte angel oro eketiŋde.
Emi ekedi Messiah ekenwɔŋɔde emi ekedide man edidi Andinyaŋa ye Andifak ererimbot ndien man onyuŋ ada ata idara ɔsɔk nnyin!
Mme ekpemerɔŋ ama enehede ekop inemesit! Mmɔ ema ebuana se mmɔ ekekopde enyuŋ ekutde.
“Andinyaŋa ererimbot amana!”
“Messiah oro ke akpatre ama edi-di!”
Mme ekpemerong “ema esɔsɔp” edibine Jesus. Afo nko emekeme nditiene Jesus.
Afo emekeme ndikpebe nto Enye.
Afo emekeme ndinam-utom ke ndinwam mbon efen.
Afo emekeme nditiŋ ikɔ-ntiense mbaŋa Enye.
© 2022 otode Intellectual Reserve, Inc. Ekpeme kpukpru unen ndimiŋ. Ekemiŋ ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare Ɔfiɔŋ-ke-ɔfiɔŋ Etop Abaŋade Nsɔŋɔnda eke Iwaad, December 2022. Efik. 18318 553