Bulanan nga Mensahe sang Para sa Kusog sang mga Lamharon, Septyembre 2022

Magtuon parte kay Jesucristo kag Mag-angot sa Iya Gahum

Ni Pangulong Russell M. Nelson

Pangulo sang Ang Simbahan ni Jesucristo sang mga Santos sa Ulihing mga Adlaw

Russell M. Nelson

Gikan sa Abril 2017 nga pamulongpulong sa pangkabilogan nga komperensya.

Gusto ko nga ipaambit kon paano naton mapasulod sa aton mga kabuhi ang gahum sang aton Ginuo kag Agalon nga si Jesucristo.

Ginasugdan naton paagi sa pagtuon parte sa Iya.¹ “Imposible nga maluwas [kita] kon yara [kita] sa kahimtangan sang pagkaignorante” (Doktrina kag mga Kasugtanan 131:6). Kon mas maintiendihan naton ang doktrina sang Manluluwas kag kon ano ang Iya ginhimo para sa aton, mas labi naton nga mahibal-an nga sarang Niya mahatag ang gahum nga kinahanglan naton para sa aton mga kabuhi.

Bilang mga Santos sa Ulihing mga Adlaw, ginatumod naton ang Iya misyon bilang ang Pagbayad-Sala ni Jesucristo, nga nagtugot sang pagkabanhaw nga mangin matuod para sa tanan kag naghimo sang kabuhi nga wala katapusan nga posible para sa mga nagahinulsol sang ila mga sala kag nagabaton kag nagatuman sang kinahanglanon nga mga ordinansa kag mga kasugtanan.

Sa idalom sang halangdon nga wala katapusan nga plano sang Amay, ang Manluluwas amo ang nag-antos. Ang Manluluwas amo ang nagbugto sang mga higot sang kamatayon. Ang Manluluwas ang nagbayad sang bili sang aton mga sala kag kasaypanan kag ginapanas ang mga ini sa kondisyon nga maghinulsol kita. Ang Manluluwas amo ang nagluwas sa aton gikan sa pisikal kag espirituhanon nga kamatayon.

Ang sagrado nga mga termino pareho sang Pagbayad-Sala kag Pagkabanhaw nagalaragway sang ginhimo sang Manluluwas, suno sa plano sang Amay, para makapangabuhi kita nga may paglaum sa sining kabuhi kag makabaton sang wala katapusan nga kabuhi sa kalibutan nga maabot.

Pagkaignorante: Wala sang ihibalo parte sa isa ka butang.

Kondisyon: Isa ka kinahanglanon; butang nga kinahanglan anay himuon antes matabo ang madason.

Ari ang pila ka mga paagi nga magtuon parte kay kag mas magpalapit kay Jesucristo:

• balaan nga mga kasulatan

  Mga ilustrasyon ni Mallory Klinger

  Pangitaa kon ano ang ginhambal kag ginhimo sang Manluluwas sa balaan nga mga kasulatan.

• babayi nga nagapamensar parte kay Jesucristo

  Pilia nga sundon Sia.

• bunyag

  Maghimo sang sagrado nga mga kasugtanan kag tumana ang mga ini.

• pangamuyo

  Maglab-ot sa Iya nga may pagtuo.

© 2022 iya sang Intellectual Reserve, Inc. All rights reserved. Gin-imprinta sa Pilipinas. Petsa sang pagtugot sa Ingles: 6/19. Petsa sang pagtugot sa paglubad: 6/19. Paglubad sang Monthly For the Strength of Youth Message, September 2022. Hiligaynon. 18316 861

Tanda

1. Pwede ninyo nga tun-an ang mga balasahon parte sa topiko sa Guide to the Scriptures “Jesus Christ” kag “Ang Buhi nga Cristo: Ang Panaksihon sang mga Apostoles,” ChurchofJesusChrist.org.