“Indi Magkahadlok—ang Ginuo Kaupod Mo,” Para sa Kusog sang mga Lamharon, Hulyo 2022.
Bulanan nga Mensahe sang Para sa Kusog sang mga Lamharon, Hulyo 2022
Indi Magkahadlok—ang Ginuo Kaupod Mo
Ang kahadlok indi bag-o. Halin sang dumaan nga panahon, ang kahadlok nagpalip-ot sang perspektibo sang mga anak sang Dios. Sa 2 Mga Hari, ang hari sang Siria nagpadala sang guban para dakpon kag patyon ang propeta nga si Eliseo.
“[Kag] sang nagbangon sing aga pa ang alagad [ni Eliseo] kag naggowa, yari karon, ang kasoldadosan nga may mga kabayo kag mga kangga naglikop sa banwa. Kag ang alagad [ni Eliseo] nagsiling sa iya, “Abaw, agalon ko! Ano bala ang himoon ta?” (2 Mga Hari 6:15).
Amo ina ang kakulba nga nagahambal.
“Kag [si Eliseo] nagsabat, Dili ka magkahadlok: kay ang mga nagaupod sa aton madamo pa sa mga nagaupod sa ila.
“Kag nagpangamuyo si Eliseo, kag nagsiling, “O Ginuo, ginaampo ko sa imo, buksi ang iya mga mata agud nga makakita sia. Gani ginbuksan sang Ginuo ang mga mata sang pamatan-on nga lalaki kag nakakita sia; kag, yari karon, ang bukid hil-ob sang mga kabayo kag sang mga kangga nga kalayo sa palibot ni Eliseo.” (2 Mga Hari 6:16–17).
Mahimo nga padalhan kita ukon indi sang mga karwahe sang kalayo para tabugon ang aton mga kahadlok kag mapakigbatuan ang aton mga kabudlayan, pero maathag ang leksyon sini. Ang Ginuo kaupod naton, nagaulikid sa aton, kag nagabugay sa aton sa mga pamaagi nga Sia lamang ang makahimo.
Kon aktibo kita nga nagasalig sa Ginuo kag sa Iya mga pamaagi, kon nagapisan kita sa Iya buluhaton, indi kita mahadlok sa mga uso sa kalibutan ukon matublag tungod sa mga ini. Ang Ginuo nagabantay sa aton, nagaatipan sa aton, kag nagatindog sa aton tupad.
© 2022 iya sang Intellectual Reserve, Inc. All rights reserved. Gin-imprinta sa Pilipinas. Petsa sang pagtugot sa Ingles: 6/19. Petsa sang pagtugot sa paglubad: 6/19. Paglubad sang Monthly For the Strength of Youth Message, July 2022. Hiligaynon. 18289 861