« រើសយក » ដើម្បីកម្លាំងនៃយុវជន ខែ មិថុនា ឆ្នាំ ២០២២ ។
សារលិខិត ដើម្បីកម្លាំងនៃយុវវ័យ ប្រចាំខែ មិថុនា ឆ្នាំ ២០២២
រើសយក
យ៉ូស្វេជំរុញប្រជាជនលោកឲ្យធ្វើការជ្រើសរើសត្រឹមត្រូវ—គឺធ្វើតាមព្រះអម្ចាស់ ។
រើសយក
សមត្ថភាពរបស់យើងដើម្បីរើសយក ហើយធ្វើសកម្មភាពដោយខ្លួនឯងហៅថាសិទ្ធិជ្រើសរើស ។ វាគឺជាផ្នែកមួយដ៏សំខាន់នៃផែនការរបស់ព្រះវរបិតាសួគ៌ ។ គោលបំណងមួយនៃជីវិតនេះគឺដើម្បីបង្ហាញថាយើងនឹងរើសយកគោរពប្រតិបត្តិតាមបទបញ្ញត្តិរបស់ព្រះ ឲ្យយើងប្រែក្លាយកាន់តែដូចជាទ្រង់ ។ យើងនឹងត្រូវជំនុំជម្រះតាមការជ្រើសរើសរបស់យើង ។ ( សូមមើល នីហ្វៃទី ២ ២:២៧; គោលលទ្ធិ និង សេចក្តីសញ្ញា ១០១:៧៨; អ័ប្រាហាំ ៣:២៥ ) ។
ថ្ងៃនេះ
យ៉ូស្វេជំរុញប្រជាជនលោកឲ្យរើសយក« ថ្ងៃនេះ » ឬ ឥឡូវនេះ ។ យើងអាចធ្វើការជ្រើសរើសដ៏សំខាន់ម្ដង ហើយបន្ទាប់មកព្យាយាមបន្តតាំងចិត្តចំពោះការជ្រើសរើសទាំងនោះ ។ ( សូមមើល ទំនុកដំកើង ៣៧:៥ ) ។
គោរពប្រតិបត្តិតាម
នៅក្នុងខគម្ពីរនេះ គោរពប្រតិបត្តិតាមមានន័យថា ការថ្វាយបង្គំ ការជួយ ការគោរពតាម និងការលះបង់ខ្លួនឯងចំពោះមនុស្សម្នាក់ ។ យើងគួរតែបម្រើព្រះអម្ចាស់ ( សូមមើលម៉ូសេ ១:១៥ ) ។
ព្រះទាំងប៉ុន្មាន
អ៊ីស្រាអែលត្រូវបានបង្គាប់ឲ្យគោរពប្រតិបត្តិតាមតែព្រះដ៏ពិត និងមានព្រះជន្មរស់ គឺព្រះយេស៊ូវគ្រីស្ទប៉ុណ្ណោះ ( សូមមើលនិក្ខមនំ ២០:២–៥ ) ។ យ៉ូស្វេផ្ដល់ឧទាហរណ៍ពីព្រះផ្សេងទៀតដែលប្រជាជនលោកមិនគួរថ្វាយបង្គំ ។ ព្រះផ្សេងទៀតនៅក្នុងជីវិតរបស់យើងអាចរួមមានទ្រព្យសម្បត្តិ ទស្សនៈរបស់មនុស្សដទៃ ចំណាប់អារម្មណ៍ផ្សេងទៀត—គឺអ្វីៗដែលនាំយើងឲ្យឃ្លាតចេញពីព្រះអម្ចាស់ ។
យើង និង ពួកគ្រួយើង
យ៉ូស្វេបានលើកឡើងពីខ្លួនលោក និងគ្រួសាររបស់លោក ។ លោកបានមានប្រសាសន៍ថា ពួកគាត់នឹងបម្រើព្រះអម្ចាស់ ។ លោកចង់ដឹកនាំគ្រួសាររបស់លោកយ៉ាងសុចរិត និងបង្រៀនពួកគេឲ្យធ្វើតាមព្រះអម្ចាស់ ( សូមមើល គោលលទ្ធិ និង សេចក្ដីសញ្ញា ៩៣:៤០ ) ។
© 2022 by Intellectual Reserve, Inc. All rights reserved. បោះពុម្ពនៅ ស.រ.អា. ។ ការអនុម័តជាភាសាអង់គ្លេស ៖ ៦/១៩ ។ ការអនុម័តឲ្យបកប្រែ ៖ ៦/១៩ ។ ការបកប្រែនៃ Monthly For the Strength of Youth Message, June 2022. Cambodian. 18315 258