Klumech er a bek el buil Kirel a Klisichir a Rengeasek, Ongeua el buil 2022

Osobel el Ngara Ringel

Betok er a dart el rak er a uchei er a lemei a Jesus Kristo, ea Isaia a milsang el mlo ngara ringel el kirel a kengtid.

Isaia 53:3–5

3 Kedeultubii e ultngeklii; ng uluutekangel el chuarm e ngara ringel: ng dimlak a di omes ku er ngii; kede ulekor er ngii el di ua lak le chad.

4 Ngdi ngii a miltekengelii a rengul el chuarm er a mle kired el chuarm er ngii me a ringel el mle kired el oltekau er ngii: kede ulemdasu el kmo ng mlo chuarm, el kerekeriil el mlar a Dios el mor ngii.

5 Ngdi ngii a mlechetechat el kngtid a uchul, ng mlechelebed el mekngit el de riruul a uchul: a blals el le chilarm er ngii a mla rulid el mo mimokl; a chelebed el ngilai omekungil er kid.

mlotuub e motngakl

Chimal a Jesus Kristo a lechotel

A Jesus Kristo er a lemei er a beluulechad, ea rebebil er a rechad a ulumerang er Ngii, engdi a rebetok a dimlak. Te millenguul er Ngii, ea rebetok el chad a mle chetirir Ngii. E ser a ulebongel, a rechad a tilbir el mo melemall er Ngii e mekodir. (Mesa 1 Nephi 19:9.)

ngii a miltekengelii a rengul el chuarm er a mle kired el chuarm

Jesus Kristo el ngara Gethsemane el meluluuch

A Jesus Kristo a ngilai a rokui el ringeled, sechered, me a chelitechetud. Ng milruul el uaisei me a klechubechub er Ngii a merkid meng medengei el kmo ng mekerang e olngeseu er kid. (Mesa Alma 7:11–13.)

ng miltemall el kirel a kngtid

Jesus Kristo el ngara kerus

A Jesus Kristo a mlo chuarm er a ringel el kirel a kngtid. Ng milruul er tiang meng sebeched el ngmai a klausubes sel douchel a rengud. (Mesa Doctrine and Covenants 18:11; 19:15–19.)

a chelebed el ngilai omekungil er kid

rechad el merutech er a chimal a mla mekiis el Jesus Kristo

“A chelebed el ngilai” a telemall er a bedengel. A ikang a olechotel a rokui el ringel el Ngii a mlo chuarm el kired, luldimukl er a Resechel me a Kodellel. E le Jesus Kristo a mlo chuarm el kired, eng sebeched el lmuut el mo cherrungel. A ringel el blo lechau er ngii a uchul eng sebechel a kngtid lousubes. Me sel douchel a rengud e dolasm el oltirakl a telbiled, E Ngii a omekungil er kid e ngodechid. (Mesa Mosiah 3:7–11; Tebechelel a Klaumerang 1:3.)

© 2022 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a Monthly For the Strength of Youth Message, April 2022. Palauan. 18314 881