« Nāhea e nehenehe ai iā’u ’ia ’ite ē, tē fa’aro’o nei au i te reo o te Fatu i roto i tō’u orara’a ? » Nō te Pūai o te Feiā ’Āpī Fep. 2021, 29.
Parau poro’i tā’āva’e nō te Nō te Pūai o te Feiā ’Āpī, Fepuare 2021
Nāhea e nehenehe ai iā’u ’ia ’ite ē, tē fa’aro’o nei au i te reo o te Fatu i roto i tō’u orara’a ?
’Ua ani manihini mai te peresideni Russell M. Nelson ia tātou ’ia « feruri hōhonu ’e ’ia feruri pinepine » i te huru tātou e fa’aro’o nei ia Iesu Mesia ma te « rave i te mau ta’ahira’a nō te fa’aro’o maita’i atu ā iāna ’e nō te fa’aro’o pinepine atu ā iāna » (« ‘How Do You #HearHim ?’ A Special Invitation », 26 nō Fepuare 2020, blog.ChurchofJesusChrist.org).
E nehenehe tātou e fa’aro’o iāna nā roto i te mau pāpa’ira’a mo’a ’e te mau parau a te mau peropheta. E ’ere rā te fa’aro’o-noa-ra’a ’aore rā, te tai’o-noa-ra’a i terā mau parau, te tāviri. Nā roto mai i te peropheta Iosepha Semita, ’ua fa’ata’a mai te Fatu ē :
« ’O tō’u ho’i reo teie e parau atu nei [i teie mau parau] i roto ia ’outou na ; nō te mea ’ua hōro’ahia atu ïa e tō’u Vārua nā ’outou…
« Nō reira, e ti’a ai ia ’outou ’ia parau atu ē ’ua fa’aro’o ’outou i tō’u reo » (Te Parau Ha’api’ira’a ’e te mau Parau Fafau 18:35–36).
Ta’a ’ē noa atu te reira, te ’imira’a ’ia fa’aro’o iāna, e ’ere ïa i te hō’ē mea tā tātou e rave i te hō’ē noa taime. ’Ua parau te peresideni Nelson ē : « ’Ei tūtavara’a ferurihia ’e te tāmau māite » (« Fa’aro’o iāna », ’Āmuira’a rahi nō ’Ēpērēra 2020 i roto [Ensign ’aore rā Liahona, Mē 2020, 89]).
’A tuatāpapa ai ’outou, ’a pure ai, ’a ha’amori ai, ’a tāvini ai, ’e ’a ha’apa’o ai i te mau fa’auera’a a te Fatu, e ha’amaita’i ’oia ia ’outou i tōna Vārua ’e, nā roto i te Tara’ehara a Iesu Mesia, e taui ïa ’outou. I reira ’outou e ’ite ai ē, ’ua fa’aro’o ’outou i tōna reo.
© 2021 nā Intellectual Reserve, Inc. Fatura’a pāruruhia. Nene’ihia i te Fenua Marite. Parau fa’ati’a nō te reo Peretāne : 6/19. Parau fa’ati’a nō te ’īritira’a : 6/19. ’Iritira’a nō Monthly For the Strength of Youth Message, February 2021. Tahitian. 17464 895