Mesaj Mansyèl Pou Fòs Jèn yo Fevriye 2021

Kijan m ka konnen ke m tande vwa Senyè a nan lavi m?

jènjan k ap li ekriti yo

Prezidan Russel M. Nelson te envite nou pou nou “reflechi anpil e souvan” sou kijan nou tande Jezikri e pou nou “pran mezi pou nou tande Li pi byen e pi souvan” (“‘Kijan Ou fè #TandeLi?’ Yon Envitasyon Espesyal,” 26 Fev. 2020, blog.ChurchofJesusChrist.org).

Nou ka tande Li atravè ekriti yo ak pawòl pwofèt yo. Men, sa ki esansyèl la, se pa tande oswa li pawòl sa yo sèlman. Palentèmedyè Pwofèt Joseph Smith, Senyè a te eksplike:

“Paske se vwa m ki di nou [pawòl sa yo]; paske se Lespri m ki ba nou yo … ;

“Se poutèt sa, nou kapab temwaye pou fè konnen nou te tande vwa m” (Doktrin ak Alyans 18:35–36).

Anplisdesa, chèche tande Li pa yon bagay nou ka fè rapid konsa. Prezidan Nelson te di, “Sa mande efò konsyan e san rete” (“Tande Li,” konferans jeneral Avril. 2020 [Ensign oswa Liahona, Me 2020, 89]).

Pandan w ap etidye, priye, adore, sèvi ak obeyi kòmandman Senyè a, L ap beni w avèk Lespri Li, epi, atravè Ekspyasyon Jezikri a, L ap chanje w. Apresa, w ap ka konnen ou te tande vwa Li.

© 2021 pa Intellectual Reserve, Inc. All right reserved. Enprime nan Etazini Damerik. Apwobasyon Anglè: 6/19. Apwobasyon tradiksyon: 6/19. Tradiksyon Monthly For the Strength of Youth Message, February 2021. Haitian Creole. 17464 036